Njelemiya 37:10 - Livulu lya Shukulu Kalunga

¹⁰ Nameme nga mukafungulula mbunga ya mashwalale va Mbambilone voshe, nakuseza lika vanalume vakuvetwa vanalala mu vimbalaka vyavo, oloni vanalume vaje vakuvetwa anga vene vakenduka nakwenyeka nganda eyi.”

Njelemiya 37:10 Iomraidhean Croise

Isaya 10:4

Vakamitsiila mu nzita, nambe kumikokangeya ngwe vinzinda. Oloni nameme ngoco vukalu vwa Shukulu Kalunga kuvukahu, anga akolola livoko lyendi mukuhisa.

Isaya 13:15

Woshe uje ivakafungulula vakamutsiya na moko ya mukwale.

Isaya 14:19

oloni yove kuwesi na mbumbo, oloni muvila wove vanaumbila ngeci uvole. Vanaufwiki na mivila ya mashwalale vaje vanatsililile mu nzita, vanaumbila amolika na mivila yavo mu mbulu ya mamanya, nakuulyatangela.

Isaya 30:17

Vanu vakupwa 1,000 vakatewa omo vakamona citozi wa lishwalale umo, co mashwalale vatanu vasa kumisheka yeni voshe. Nacimo cai ca nzita yeni cikasalao kuvanga citi ca pandelo lika cije cikasala akamwa ya lilundu.

Njelemiya 21:10

Njinayongola ngeci kunjikecela nganda eyi, oloni kuyinyongesa vene. Njikayana kuli mwene wa ku Mbambilone, co ikeye akayenyeka njwa. Yange Kalunga, njinendekamo.”

Njelemiya 32:29

nakuyenyeka. Vakayenyeka nakuyizilisa yoshe njwa, amolika na vinjuvo, kuje kuvanjiluvalesele vanu akwenyeka insense kuli Mbale a milili ya vinjuvo vyavo vya akamwa ya viluli vyakusivama, nakwitila vin̄ombelo vya vinyu kuli vinjambi veka.

Njelemiya 37:11

Mashwalale va Mbambilone vatundile mu Yelusalema omwo mashwalale va Ingito vashwenyele muyehi.

Njelemiya 37:8

Co vaMbambilone vakeluka lalo mukulwisa nganda, nakuyifungulula, nakuyenyeka.

Njelemiya 49:20

Ngecivene, tolilileni ku vutumbe vuje vunjatumbile vwakulwisa vanu va Endome, na kuli vije njishaka kulinga kuli vanu va mu nganda ya Temane. Vana vavo vakavakokangeya, co vanu voshe vakalikomokela.

Njelemiya 50:45

Ngecivene, tolilileni ku vutumbe vuje vunjatumbile vwakulwisa nganda ya Mbambilone, na kuli vije njishaka kulinga ku vanu vamwo. Vana vavo vakavakokangeya, co vanu voshe vakalikomokela.

Njelemiya 51:4

Mashwalale vavo vakavetwa, co vakatsila mu vitapalo vya mu vinganda vyavo.

Mbimbi 1:15

“Shukulu Kalunga wayeluwisile mashwalale vange va nzili, watumine mbunga ya mashwalale kunyongesa vakwenje vange. Ikeye watsenene vanu vange ngwe cikamwino ca mikolovozi ya vushuka vwa vinyu.

Njwele 2:11

Shukulu Kalunga ashika mashwalale vendi na lijwi lyakama ngwe cililimo. Mashwalale vaje vamwononoka vapwa vavangi, co lalo vakala na nzili. Litangwa lya Shukulu Kalunga likapwa lya vukalu manene! Naumo wai akasa kuputumuka.