Njelemiya 36:7 - Livulu lya Shukulu Kalunga

⁷ Amo vakalomba kuli Shukulu Kalunga, nakutenguluka kutunda ku vingila vyavo vya vuvi, omwo Shukulu Kalunga nashungwiya vanu vaje na vukalu vwakama.”

Njelemiya 36:7 Iomraidhean Croise

2 Vimyene 22:13

“Yeni mukanjihwileko kuli Shukulu Kalunga na vanu voshe va mu Yunda a vilongesa evi vili mu livulu eli livanawana. Shukulu Kalunga naluvala netu omwo vakukulwila vetu kuvasele kulinga vije vivasonekele mu livulu eli.”

2 Vimyene 22:17

Vakevo vananjivyana, co vanakombelela vin̄ombelo kuli vinjambi veka, co vanashangumuna vukalu vwange a vyoshe evi vivanalingi. Vukalu vwange vunakatuka vwakulwisa Yelusalema, co kunjikavututumwisa embwe.

2 Mizimbu 34:21

“Yeni mukanjihwileko kuli Shukulu Kalunga nakwihwilako vanu ava vanasala mu Isalele na mu Yunda a vilongesa evi vili mu livulu eli livanawana. Shukulu Kalunga naluvala netu omwo vakukulwila vetu kuvasele kulinga vije vivasonekele mu livulu eli.”

Njelemiya 1:3

Shukulu Kalunga wendekele lalo kuli Njelemiya omo Yehoyakime muna Yosiya wapwile mwene. Munima yevi, Shukulu Kalunga wendekele kuli Njelemiya visimbu vyavingi, noo mu mwaka wamulikumi na umo mu ngonde yamucitanu omo Zendekiya muna Yosiya wapwile mwene. Ije ikeyo simbu omo vanu va mu Yelusalema vavatwalele mu vunzinda.

Njelemiya 16:10

“Omo ukavaleka vyoshe evi vakakwihula ngwavo, ‘Omwo vikajo Shukulu Kalunga nayongola kutunyanyamesa? Vuvi mukajo tunalingi, nambe vikajo tunalingi ku mesho a Shukulu Kalunga Njambi yetu?’

Njelemiya 19:15

Shukulu Kalunga Muka-nzili yoshe, Njambi ya Isalele, nendeka ngwendi, “Njikanena vihiso vyoshe a nganda eyi na vindandanga vya kulyata nayo, vihiso vije njendekele ngwange njikavilinga, omwo munakaluwisa vimbunge vyeni, co kumutolilila ku vije njendeka.”

Njelemiya 21:5

Njikalwa nove na nzili yoshe, na vukalu vwange na kuluvala kwange.

Njelemiya 25:5

Vamilekele ngeci mutunde ku vingila vyeni vyavivi na ku vilinga vyavivi na ku vyuma vyavivi vije vimulinakulinga, ngeci mwase kukala mu lifuti lije Shukulu Kalunga waanene kuli yeni na kuli vakukulwila veni ngeci lipwe vufuko vweni ku myaka yoshe.

Njelemiya 26:3

Amo vanu vakatolilila nakwecela vingila vyavo vyavivi. Nga valingamo, asinoni njikatengulula viyongola vyange vyakunyongesa vinjinayongola ali vakevo omwo a vilinga vyoshe vya vuvi vwavo.”

Njelemiya 36:3

Amo omo vanu va mu Yunda vakaziva vije vyoshe vyavikalu vije vinjayongwele kunena ali vakevo, amo vakatenguluka kutunda ku vingila vyavo vyavivi. Asinoni njikavasambesa ku kupenga-penga kwavo na ku vivi vyavo.”

Njelemiya 37:20

Co ololo shukulu, njikulomba unjitolilile, nakulinga evi vinjikulomba. Shukulu kesi unjiilwisile lalo mu kamenga ku njuvo ya Yonatana. Nga ulingamo, co mwa vushunga njikatsila muje vene.”

Njelemiya 4:4

Nyungeni cikumiiyo ceni nange Kalunga keni, co likundikeni kuli yange, yeni vanu va mu Yunda neni vanu va mu Yelusalema. Nga kumulingimo, co vukalu vwange vukashukuma ngwe tuhya, omwo a vyuma vyavivi vije vimunalingi, mwa vushunga vene vukashukuma, naumo wai akavuzima.”

Njelemiya 42:2

co vendekele kuli yange ngwavo, “Mwane tulingile vije vitukulomba. Tulombelele kuli Shukulu Kalunga Njambi yetu. Tulombelele yetu voshe tunasalao na mwonyo. Twapwile tuvavangi, oloni ololo twasalao lika tuvavandondo, ngwe muwamwena.

Mbimbi 4:11

Shukulu Kalunga wecelele vukalu vwendi vwakama, washwamekele tuhya a Siyone tuje twayenyekele yoshe njwa.

Ezekiyele 12:3

“Ololo, muna munu, longekeya citele ngwe mwakalingi munu muka-kuliita, co ya omo kanda vutsiki vucete. Tava ngeci vanu voshe vakumone omo uya ku mutambela weka. Amo vaje vaka-tengulukila vakakumona.

Ezekiyele 13:13

Ngecivene, evi vikevyo vyalinakwendeka Shukulu Kalunga wa Akamwa ya Vyoshe ngwendi, “Mukuluvala kwange, njikatuma lihunzi lyakama, na nyonzi ya mungole, na nyonzi ya mamanya mukunyongesa civumbe.

Ezekiyele 20:33

“Mwa vushunga vene yange Kalunga wa Akamwa ya Vyoshe, njapwa Njambi wakuyoya njiminangula ngwange mukuluvala kwange njikamishwana na livoko lya nzili, na nzili yange yoshe.

Ezekiyele 22:20

mu ngila imo vene ngwe muvakavwaesa vinyanya vya siliva, na vunengu, na vutale, na shumbu, na citasu mu lutengo. Co vukalu vwange na litoto lyange, vikavasangununa, ngwe tuhya mutukasangununa vinyanya vya siliva.

Ezekiyele 5:13

“Mukaziva vukalu vwange nakuluvala kwange, noo njikalikela. Omo vyoshe evi vikalingiwa, co mukatava ngweni yange Kalunga, njinendeka kuli yeni, omwo yange njaluvala akujeneka kulongwa kweni.

Ezekiyele 8:18

Vakaziva nzili yoshe ya vukalu vwange. Kunjikavecelela ngoco, nambe kuvazivilako mema ku mbunge. Vakalombela nakutambeka kuli yange ngwe muvasela, oloni kunjikavatolilila.”

Ndanyele 9:13

twatambwile cihiso coshe cije ciwatumbwile mu Lishiko lya Mosesa. Oloni nameme ololo, yove Shukulu Kalunga Njambi yetu, kutwakuvwaelesele akutunda ku vuvi vwetu nambe akukavangeya vushunga vwove.

Ndanyele 9:18

Yove Njambi tolilila kuli yetu, kenga ali yetu, mona tuyando twetu na tuyando twa nganda yove. Tulinakulombela kuli yove omwo wakala na mema ku mbunge, kesi ngwe omo tunalingi vushunga embwe.

Hoziya 5:15

“Co njikakengesa nima vanu vange noo vanapwisamo kuyanda omwo vivi vyavo, co vakeluka lalo nakunjishakezeka. Amo omo a tuyando twavo vakeseka kunjishakezeka.”

Njwele 2:12

Shukulu Kalunga alinakwendeka ngwendi, “Nameme ololo, tengulukeni na vimbunge vyeni vyoshe ngeci mwiluke kuli yange nakulikela kulya nakulila nakulinyenga.

Njwele 2:13

Vimbunge vyeni vyakupokoka vimwese vusiwa vweni, kutavozola vuzalo vweni kesi cikeco cuma lika munapande kulinga.” Ilukeni lalo kuli Shukulu Kalunga Njambi yeni. Ikeye muka-ngozi, washula na mema ku mbunge, ikeye muka-kusimpa, muka-kunyunga cikulaeso cendi, ikeye walivwaesela cimweja kusambesa, kesi kuhisa embwe.

Yona 3:8

Vanu voshe vanapande kuzala vikeleya, co vimuna navo lalo vavafwike vikeleya. Munu woshe napande kulombela na kulongwa kuli Njambi, nakwecela vingila vyendi vyavivi na kupenga-penga kwendi.

Zakaliya 1:4

Kesi mufwe ngwe vakukulwila veni. Ku san̄ulu vaka-kwimanena vavalekele majwi ange, nakuvanangula ngeci kesi vayoye mu vuvi, na mu vingila vyavivi. Oloni kuvanjitolililile nambe kunjononoka.

Kwituluka mu Mashiko 31:16

Co Shukulu Kalunga wendekele kuli Mosesa ngwendi, “Ololo ukatsa, co omo unatsi laja, vanu vakajeneka kunjononoka, co vakapokola cikumiiyo cije njalikumiiye navo. Vakanjiseza nakulemesa vinjambi va mu lifuti lije livakakovela.

Kwituluka mu Mashiko 31:17

Omo evi vinalingiwa, co njikaluvala navo manene nakuvaseza, co vakavanyongesa. Tuyando twakama tukavawana, asinoni vakananguka vyuma evi vikalingiwa, co vakazivuka ngwavo, Njambi waiho akati kavo, ngeci tuyando otu tunete ali vakevo.