Njelemiya 36:6 - Livulu lya Shukulu Kalunga

⁶ Oloni yange njishaka yove Mbaluke uye a simbu ije omo vanu vazila kulya. Ya ukalave livulu eli, ngeci vakevo vakazive vyuma vyoshe vije Shukulu Kalunga wendekele kuli yange ngeci yange njavinungulwile kuli yove. Linga evi kwoshe kuje munu na munu asa kukuziva, kuwezelelako na vanu va mu Yunda vaje vanaija kutunda ku vinganda vyavo.

Njelemiya 36:6 Iomraidhean Croise

Njelemiya 18:11

Ngecivene, ololo, leka vanu va mu Yunda na vanu va mu Yelusalema ngwove njilinakutumba matumbe akuvalwisa, nakuvahisa. Valeke ngeci valikele kuyoya mu vuvi, vatenguluke ku vingila vyavo na ku vyuma vivalinakulinga.

Njelemiya 19:14

Asinoni njatundile ku Tofete, kuje kwanjitumine Shukulu Kalunga nakwambulula majwi endi, njaile nakwimana mu cipango ca Njuvo ya Shukulu Kalunga nakuleka vanu voshe ngwange,

Njelemiya 22:2

“Tolilila lijwi lya Shukulu Kalunga, yove Mwene wa mu Yunda uje natumbama a litanda lya Ndaviti na vamyata vove, na vanu va mu Yelusalema.

Njelemiya 26:2

Shukulu Kalunga wendekele kuli yange ngwendi, “Imana mu mbanja ya Njuvo yange, wambulule vyoshe vije njakushikile kuvyendeka kuli vanu vaje vatunda mu vinganda vya mu Yunda kwija kuno mukulemesa. Kesi ukasezeo cuma cimo embwe.

Njelemiya 36:2

“Nona livulu usonekemo vyuma vyoshe vinjinakuleke ali Isalele, na a Yunda, na a miyati yoshe. Co soneka vyuma vyoshe vije njakulekele, kutunda ku simbu yakulivanga ije njendekele kuli yove omo Yosiya wapwile mwene, kweta na simbu ino.

Njelemiya 36:4

Ngecivene, njasanene Mbaluke muna Neliya, co njamulekele ngeci asoneke vyuma vyoshe vije Shukulu Kalunga wendekele kuli ikeye. Co Mbaluke wavisonekele vyoshe mu livulu.

Njelemiya 7:2

“Imana mu cikolo ca Njuvo ya Shukulu Kalunga, wambulule lijwi eli ku vanu va mu Yunda vaje vakele nakukovela mu Njuvo ya Shukulu Kalunga mukulemesa.

Zakaliya 8:19

“Kulikela kulya kuje kukakalako ku ngonde yamuciwana, na yamucitanu, na yamucitanu na vivali, na ku ngonde yamulikumi vikapwa viwano vyakujolela nakuvwaelela vya vanu va mu Yunda. Munapande kuzema vushunga na kwoloka.”

Vilinga vya Miluwa 27:9

Twakele kuje simbu yakama manene, noo kwakele vushonde mu vungenzi vwetu, omwo a simbu ino Litangwa lya Kulyamba lineti laja. Ngwe mwavanangwile Paulu ngwendi,