Njelemiya 36:4 - Livulu lya Shukulu Kalunga

⁴ Ngecivene, njasanene Mbaluke muna Neliya, co njamulekele ngeci asoneke vyuma vyoshe vije Shukulu Kalunga wendekele kuli ikeye. Co Mbaluke wavisonekele vyoshe mu livulu.

Njelemiya 36:4 Iomraidhean Croise

Isaya 30:8

Njambi wanjilekele kusoneka mu livulu majwi endi kuli vanu, ngeci kukakale visoneka vya ku myaka yoshe vya a vuvi vwavo.

Isaya 8:1

Shukulu Kalunga wendekele kuli yange ngwendi, “Nona citale cakama usonekeo malaka akama ngwove, ‘Mahele Shalale Hashe Mbaze.’

Njelemiya 25:13

Njikanyanyamesa Mbambilone na tuyando twoshe tuje njashakele kunena a miyati ya vanu omo njendekele muli Njelemiya, tuyando twoshe vasoneka mu livulu eli.

Njelemiya 30:2

wendekele kuli yange ngwendi, “Soneka mu livulu vyuma vyoshe vije vinjakuleke,

Njelemiya 32:12

co njayanene kuli Mbaluke, muna Neliya mutekulu wa Mahaseya. Co njamwaneneyo ku mesho a Hanamele na ku mesho a vakaleo vaje vasonekele kuje ku mukanda wa cimweso na kuli vanalume vaje vatumbamene mu cipango ca lipela.

Njelemiya 36:14

Co vamyata vatumineko Njehunde (muna Nataniya, mutekulwila wa Shelemiya mutekulwila wa Kushi,) ngeci vakaleke Mbaluke kunena lije livulu lyalavelele vanu. Co Mbaluke wavanenelele livulu.

Njelemiya 36:21

Co mwene watumine Njehunde kukashaka lije livulu. Co ikeye wakalishakele kuje ku mulili wa Elishama, nakulilavela mwene na vamyata voshe, vaje vemanene kuje nakumuzengeleka.

Njelemiya 36:23

Omo Njehunde wamanesele kulava mikana itatu nambe iwana, co mwene watavwile lije livulu na moko yendi yaindondo nakulyumbila mu liko. Walitavozwele nakulyenyeka noo lyoshe lyahwile.

Njelemiya 36:26

Co washikile muna mwene Njelahamele, amolika na Selaya muna Azelyele, na Shelemiya muna Avendele, ngeci vanjikwate na muka-kusoneka wange Mbaluke. Oloni Shukulu Kalunga watushwekele.

Njelemiya 36:27

Omo Mwene Yehoyakime wenyekele livulu lije linjendekele kuli Mbaluke, Shukulu Kalunga wanjilekele

Njelemiya 36:28

kunona livulu likwavo nakusonekamo vyuma vyoshe vije vyakele mu livulu lyakulivanga.

Njelemiya 36:32

Co njanonele lalo livulu likwavo nakulyana kuli muka-kusoneka wange Mbaluke, co wasonekele lalo vyuma vyoshe vije njendekele. Co wasonekele vyuma vyoshe vije vyakele mu livulu lyakulivanga, na majwi akwavo lalo akulifwa na aje njendekele kuli ikeye.

Njelemiya 36:6

Oloni yange njishaka yove Mbaluke uye a simbu ije omo vanu vazila kulya. Ya ukalave livulu eli, ngeci vakevo vakazive vyuma vyoshe vije Shukulu Kalunga wendekele kuli yange ngeci yange njavinungulwile kuli yove. Linga evi kwoshe kuje munu na munu asa kukuziva, kuwezelelako na vanu va mu Yunda vaje vanaija kutunda ku vinganda vyavo.

Njelemiya 43:3

Mbaluke muna Neliya ikeye alinakukushongangeya ngeci utwende vungungu, nakutwana mu mavoko a vaMbambilone ngeci vatutsiye, nambe kututwala vunzinda ku Mbambilone.”

Njelemiya 51:59

Selaya, muna Neliya mutekulu wa Mahaseya, wapwile cikola ca mwene Zendekiya. Co mu mwaka wamuciwana wakushwana kwa Zendekiya mu Yunda, Selaya waile ku Mbambilone amolika na Zendekiya, co njamushikile vyuma vimo.

Njelemiya 51:60

Njasonekele mu livulu vyuma vyoshe vyavikalu vije vikaija ali vanu va Mbambilone, na vyuma vyeka lalo vije vikalingiwa ku Mbambilone.

Ezekiyele 2:9

Njamwene livoko lyakwolola liija kuli yange, lyakwatele livulu lyakuzenga.

Ndanyele 7:1

Mu mwaka wakulivanga omo Mbeleshazale wapwile mwene wa Mbambilone, njalotele njozi, co njamwene cimona ku vutsiki vuje. Njasonekele ije njozi, co ovu vukevwo vukaleo

Zakaliya 5:1

Njakengele lalo, a simbu eyi vene, njamwene livulu lyakuzenga lipulula mu lihunzi.

Loma 16:22

Yange Teshase muka-kusoneka mukanda ou njamitumu viindu muli Mwene.