Njelemiya 36:19 - Livulu lya Shukulu Kalunga

¹⁹ Asinoni vamulekele ngwavo, “Yove na Njelemiya munapande kuya mukavande. Kesi mutave munu kuzivuka kuje kumuli embwe.”

Njelemiya 36:19 Iomraidhean Croise

1 Vimyene 17:3

“Tunda ku mwela uno ya ku mutambela wa mu ngangela ukavande kuyehi na muna ndonga Kelite mu ngangela ya Yondau.

1 Vimyene 18:10

Njilisinga mu lizina lya Shukulu Kalunga, Njambi yove wakuyoya ngwange mwene nalanya cilanyo caali yove mu lifuti lyoshe lya mu kaye. Oshe aje muka-kushwana wa lifuti lika nambe lika alinga vukaleo ngeci kuwesimo mu lifuti lyendi, co Ahave ehula uje muka-kushwana alisinge ngeci kuvasa kukuwana.

1 Vimyene 18:4

omo Njezevele wakele nakutsiya vaka-kwimanena va Shukulu Kalunga, Ovandiya wambateleo vaka-kwimanena 100, co wavashwekele mu manzenzengoma mu vimbunga vivali mumo makumi atanu mukwavo makumi atanu, co wavanene vyakulya na mema.)

2 Mizimbu 25:15

Eci caluvalesele Shukulu Kalunga, ngecivene, watumine muka-kwimanena kuli Amaziya. Co uje muka-kwimanena wamwihwile ngwendi, “Omwo vika ulemesela vinjambi veka vaje kuvasa nameme kwamena myonyo ya vanu vavo ku mavoko eni?”

Visimo 28:12

Omo vaka-vushunga vashwana, co vanu voshe valisamba, oloni omo vaka-vuvi vashwana, vanu valishandoka.

Njelemiya 26:16

Asinoni vantwama na vanu vendekele kuli vaka-kukombelela na kuli vaka-kwimanena ngwavo, “Munu ou kapandele kutsa omwo nakala nakwendeka kuli yetu mu lizina lya Shukulu Kalunga Njambi yetu.”

Njelemiya 36:26

Co washikile muna mwene Njelahamele, amolika na Selaya muna Azelyele, na Shelemiya muna Avendele, ngeci vanjikwate na muka-kusoneka wange Mbaluke. Oloni Shukulu Kalunga watushwekele.

Amose 7:12

Asinoni Amaziya wendekele kuli Amose ngwendi, “Muka-kwimanena unapwisamo oni! Iluka ku Yunda ukapangeleko vipangi vyakwambulula. Vanapande kukufweta a vipangi evi.

Luka 13:31

A simbu ije vene kwezile vaFaliseo vamo kuli Yesu vendekele ngwavo, “Unapande kutunda kuno uye kweka, omwo Helonde ashaka kukutsiya.”

Vilinga vya Miluwa 5:40

Ngecivene, vasanene vaje miluwa ngeci vakovele, vavapupile nakuvashika ngwavo kesi vendeke lalo mu lizina lya Yesu, asinoni vavecelele.