Njelemiya 35:2 - Livulu lya Shukulu Kalunga

² “Ya kuli vaka-cikota ca vaLekave ukendeke navo. Ya ukavatwale mu mulili umo wa mu Njuvo yange nakuvana vinyu.”

Njelemiya 35:2 Iomraidhean Croise

1 Vimyene 6:10

Vije vinjuvo vitatu vyakulilundakana, imo na imo yakele na mamita 2.2 mu vulaja vwa a akamwa, vavitungilile ku civumbe ca anja ya Njuvo ya Shukulu Kalunga na visini vya viti vya kendale.

1 Vimyene 6:8

Cikolo ca ku njuvo yakutulikila ya kwisi cakele ku mutambela wa mu mbwela ya Njuvo ya Shukulu Kalunga, kwakele lalo vindendelo vyakulondela kutunda ku njuvo yamucivali nakuya ku njuvo yamucitatu.

1 Mizimbu 2:55

Vikota vya vaka-vutongwe vwakusoneka nakunungulula mikanda vaje vakele muje mwimbo lya Njaveze vapwile, vaTilate, na vaShimeya, na vaSukati. Ava vapwile vaKeni vaje valyambatelele na vaLekave.

1 Mizimbu 23:28

co vipangi vyavo vyapwile evi, kukwasa vaka-kukombelela vakutunda kuli Alone akulemesa kwa mu Njuvo ya Shukulu Kalunga, kuvwaesa mu vipango na milili yamwo, nakujelesa vyuma vyoshe vyakujela ngeci kesi vijwale,

1 Mizimbu 28:12

Co lalo wamwanene matumbe oshe aje ayongwele a vipango na milili ije yavizengelekele, na milili yakutulikila vivala vya mu Njuvo ya Shukulu Kalunga, na vwana vwakukundika kuli Shukulu Kalunga.

1 Mizimbu 9:26

Co vakulunu vaje vawana vapwile vaLevi, vakevo lalo vanyungile milili ya mu Njuvo ya Shukulu Kalunga, na vivala vije vyakelemo.

1 Mizimbu 9:33

Co naanga ya vaLevi vamo vakele na moko yakwendesa myaso ya mu Njuvo ya Shukulu Kalunga. Vakulunu va naanga ije vakele mu vinjuvo vimo vya ku Njuvo ya Shukulu Kalunga, co vakele ngoco kuvapangele vipangi vikwavo embwe, omwo vakevo vakele nakupanga mutanya na vutsiki.

2 Mizimbu 3:9

Co ngolinde yakupwa mangilamu 570 vaipangesele mukulinga vimbambo, co milili lalo ya akamwa vaisalimbisile na ngolinde.

2 Mizimbu 31:11

Hezekiya washikile ngeci vavwaese milili yakutulikila ije yakele mu Njuvo ya Shukulu Kalunga,

Ezela 8:29

Vinyungeni mwamuvwa noo muketa ku Njuvo ya Shukulu Kalunga mu Yelusalema. Co kuje ku Yelusalema mu mulili wa vaka-kukombelela, vipeseleseni, co vyaneni kuli vakulunu va vaka-kukombelela, na vakulunu va vaLevi, na kuli vantwama va vanu va Isalele.”

Nehemiya 13:5

Co watavesele Toviya kupangesa mulili wakama uje vapandele lika kutulikilamo milambu ya vimbuto, na insense, na vivala vyakupangesa mu Njuvo ya Shukulu Kalunga, na milambu ya vaka-kukombelela, na vyavulikumi vya vimbuto, na vinyu, na mazi a olive aje vakele nakwana kuli vaLevi, na kuli vaka-kwimba mu Njuvo ya Shukulu Kalunga, na kuli vaka-kunyunga ku Njuvo ya Shukulu Kalunga.

Njelemiya 35:3

Ngecivene, njaile kukashaka Njazaniya (muna munalume umo lizina lyendi Njelemiya, muna Havaziniya) na vandolome vendi voshe, na vana vendi voshe,

Njelemiya 35:4

co njavanenele ku Njuvo ya Shukulu Kalunga. Njavatwalele ku mulili wa Hanane muka-kwimanena muna Ingendaliya. Mulili ou wakele kuyehi na milili ya vamyata vakwavo, co mulili wa Hanane muka-kwimanena wakele akamwa ya mulili wa Maseya muna Shalume, uje wapwile mwata wakama mu Njuvo ya Shukulu Kalunga.

Njelemiya 35:8

Tunononoka vilongesa vyoshe vije Yonandave watulongesele. Yetu kutwesi kunwa vinyu embwe, nameme vanakazi vetu, nambe vana vetu va vanalume, nambe vana vetu va vanakazi.

Ezekiyele 40:16

Kwakele vimbengwa vyavindondo mu vivumbe vya anja vya ku milili yoshe na mu vivumbe vya mukati ka milili a vivumbe vya mukati vije vyalishungamene na ngila ya mukati vatalekeleo vimweso vya miti ya mashakaVaLe