Njelemiya 34:20 - Livulu lya Shukulu Kalunga

²⁰ Njikavakundika ku mavoko a vitozi vavo vaje vakavatsiya, co mivila yavo vakailya tuzila na tusitu.

Njelemiya 34:20 Iomraidhean Croise

1 Vimyene 14:11

Munu woshe wa ku naanga yove uje atsila mu nganda vakamulya ku tutali, co woshe uje akatsila mushandangala yangoco vakamulya ku makuvi. Yange Kalunga, njinendekamo. ’ ”

1 Vimyene 16:4

Munu woshe wa ku naanga yove uje atsila mu nganda vakamulya ku tutali, co woshe uje akatsila mushandangala yangoco vakamulya ku makuvi.”

Myaso 79:2

Vanaana mivila ya vangamba vove ku tuzila ngeci vailye, na situ ya vaka-kujela vove lalo vanayana ku vikashama ngeci vailye.

Njelemiya 11:21

Vanalume va ku Anatote vashakele kunjitsiya, co vanjilekele ngwavo tukutsiya nga ucitwalao kwambulula lijwi lya Shukulu Kalunga.

Njelemiya 12:9

Vanu vange vakwangula vanafu ngwe kazila, uje valinakulwisa ku tumbembe ku mitambela yoshe noku-noku. Saneni tusitu vaije ku ciwano!

Njelemiya 16:4

Vakatsa ku mushongo wakukomokesa, co naumo wai akavalila nambe kuvatsinda. Mivila yavo ikalala asi ngwe mitumbo ya vwilo. Vakavatsiila mu nzita nakulanduka ku njala ya lyangengela, co mivila yavo ikapwa vyakulya vya tuzila na tusitu.

Njelemiya 19:7

Mu mutambela uje njikatanganesa matumbe oshe a vanu va mu Yunda na vanu va mu Yelusalema. Njikecela vitozi vavo kuvalyatangela nakuvatsiila mu nzita. Co njikana mivila yavo ku tuzila na ku tusitu kupwa vyakulya vyavo.

Njelemiya 21:7

Oloni yove ni, na vamyata vove, na vanu vaje vanasalao mu nzita, na ku njala ya lyangengela, na ku mushongo, njikecelela yeni voshe vakamifungulule kuli Mwene Nevukaneza na ku vitozi veni vaje vakamitsiya. Nevukaneza akamitsiya kakasezeo umo nambe kumizivilako mema ku mbunge, nambe kutetelako munu umo. Yange Kalunga, njinendekamo.”

Njelemiya 22:25

nakukwana ku vanu vaje vawatewa, vaje vashaka kukutsiya. Njikakwana kuli Mwene Nevukaneza wa ku Mbambilone na mashwalale vendi.

Njelemiya 38:16

Ngecivene, Mwene Zendekiya wanjikulaesele mu vushweke ngwendi, “Njilisinga ali Njambi wakuyoya, Njambi uje watutangele, ngwange kunjikakutsii embwe, nambe kukwaka mu mavoko a vanalume vaje vashaka kukutsiya.”

Njelemiya 39:6

Kuje vene Nevukaneza watsiile vana va Zendekiya oku ishavo navakengelela, co lalo vamyata va mu Yunda vavatsiile.

Njelemiya 4:30

Yelusalema, unanyongo! Omwo vikajo uzalela vyakuvenga? Omwo vikajo uzalela vya senga nakukwita mufwitilo ku mesho ove? Ulisina ngoco kulivwaesa! Vaka-cizemo cove vanakuvyana, vashaka kukutsiya.

Njelemiya 44:30

Njikakundika Mwene Hofela wa Ingito mu mavoko a vitozi vendi vaje vashaka kumutsiya, ngwe munjakundikile Mwene Zendekiya wa mu Yunda mu mavoko a Mwene Nevukaneza wa Mbambilone, uje wapwile citozi cendi, co washakele kumutsiya.”

Njelemiya 49:37

Njikazivisa vanu va Elame lyova lyakutewa vitozi vavo, vaje vashaka kuvatsiya. Akuluvala kwange kwakama njikanyongesa vanu va Elame, nakutuma mbunga ya mashwalale vakuvalwisa noo njinavamanesa voshe.

Njelemiya 7:33

Co tuzila na tusitu vakalya mivila yavo, co naumo wai akavashekao.

Ezekiyele 23:28

Evi vikevyo vyalinakwendeka Shukulu Kalunga wa Akamwa ya Vyoshe ngwendi, “Yange njikakukundika ku mavoko a vanu vaje vawazinda nakwenukwa.

Ezekiyele 29:5

Njikakumbila mu mambo amolika na visi va mu ndonga. Muvila wove ukalala asi kuvakakutsindi. Njikana muvila wove ku tuzila na tusitu kupwa vyakulya vyavo.

Ezekiyele 32:4

Njikakumbila a nunda, co njikasana tuzila voshe na tusitu va mu kaye ngeci vakukulye.

Kwituluka mu Mashiko 28:26

Mitunu yeni ikapwa vyakulya vya tuzila na tusitu, co kukwesi umo akavasheka wai.

1 Samwele 17:44

Co uje kaFilisitiya wendekele kuli Ndaviti ngwendi, “Ija kuno, njikana muvila wove ku tuzila na ku tusitu ngeci vakalye.”

1 Samwele 17:46

Ku litangwa lya lelo vene, Shukulu Kalunga akakukundika mu livoko lyange, co njikakutsiya nakutapa mutwe wove, njikana mivila ya mashwalale va vaFilisitiya ku tuzila na ku tusitu. Co lifuti lyoshe likazivuka ngeci Njambi ali mu Isalele,