Njelemiya 34:18 - Livulu lya Shukulu Kalunga

¹⁸ Vamyata va mu Yunda na vamyata va mu Yelusalema, amolika na vamyata va ku lipela, na vaka-kukombelela, na vantwama voshe, valikumiiye cikumiiyo nange, akwecela vinzinda vavo, vatavwile muna ngombe akati nakwenda mukati ka mitambela ivali ya muna ngombe uje ivatavwile mukati.

Njelemiya 34:18 Iomraidhean Croise

Kushangumuka 15:10

Ngecivene, Avilama wanenele vaje vimuna kuli Njambi, wavatetangele vipuka-vipuka, co waakele vije vipuka kwatesa ku cikwavo cimo na cimo mu mikana ivali. Oloni tuzila kavatetangele.

Kushangumuka 15:8

Oloni Avilama wehwile ngwendi, “Yove Shukulu Kalunga wa Akamwa ya Vyoshe, njikazivuka vatijo ngwange lifuti eli likapwa lyange?”

Myaso 50:1

Shukulu Kalunga Njambi Muka-nzili yoshe alinakwendeka, ikeye nasana kaye koshe, kutunda mu ngangela na mu kangombe ka yambi.

Hoziya 6:7

“Oloni vwasi-vwasi omo vakovelele mu lifuti ku Andama, co vapokwele cikumiiyo cije njalikumiiye navo.

Hoziya 8:1

Shukulu Kalunga alinakwendeka ngwendi, “Imbeni mwondo wa nzita! Vitozi valinakucuncumukila mu lifuti lyange ngwe vingonga! Vanu vange vanapokola cikumiiyo cije njalikumiiye navo, co vanatengulukila vilongesa vyange nakuvilwisa.

Loma 2:8

Oloni vamo vanu valizema vakevo vavenya nakuvyana vya vushunga, ngeci vakave vije vya kupenga-penga, co Njambi akamwesa vukalu vwendi na matoto endi ali vakevo.

Kwituluka mu Mashiko 17:2

“Nga mukaziva mu nganda yeni imo munalume umo nambe munakazi umo nalingi cuma cacivi ku mesho a Shukulu Kalunga Njambi yeni, nakupokola cikumiiyo cendi,

Yoshwa 23:16

Nga kumukanyungu cikumiiyo ca Shukulu Kalunga Njambi yeni cije camishikile, co nga mukapangela nakulemesa vinjambi veka nakuvatsikamena, vukalu vwa Shukulu Kalunga vukaija ali yeni, co mukanyonga vwasi mu lifuti lije lyalivwa lyanamyana.”

Yoshwa 7:11

VaIsalele vanalingi vuvi! Vanapokola cikumiiyo cange cije cinjavashikile ngeci vacinyunge. Vanambata ku vyuma vije vyakukundika. Vakevo vanavivi nakwendeka makuli, co vanavikumbasana ku vyuma vyavo.