Njelemiya 34:14 - Livulu lya Shukulu Kalunga

¹⁴ omo myaka itanu na ivali inahu, vanapande kwecela ngoco woshe cinzinda wa kaHevelu, uje navapangela myaka itanu na umo. Oloni vakukulwila veni kuvombileko mbunge nambe kutolilila ku vije njendekele.

Njelemiya 34:14 Iomraidhean Croise

1 Vimyene 21:25

(Kukwakele umo walingile manene vuvi ku mesho a Shukulu Kalunga ngwe Ahave, akumusindiya kuli munakazi wendi Njezevele.

1 Vimyene 9:22

Solomoni kapwisile vaIsalele vindungo, vakevo vapwile mashwalale, na vamyata, na vaka-kushika, na vaka-kutwamenena matemba, na vaka-kulonda a tuvalu.

2 Mizimbu 28:10

Co ololo munayongola kupwisa vanalume na vanakazi va mu Yelusalema na mu Yunda vindungo veni. Kuma yeni kumwazivukile ngeci neni lalo munalingi vuvi ku mesho a Shukulu Kalunga Njambi yeni ndi?

2 Mizimbu 36:16

Oloni vanu vashendumwine miluwa va Njambi, vombwanesele majwi endi, co vajolele vaka-kwimanena vendi, noo akukotoka vukalu vwakama vwa Shukulu Kalunga vwakele ali vanu vendi, ngeci naumo wai waputumukile.

Nehemiya 9:30

A mwaka na mwaka wavanangwile nakusimpa, nakuvambulwila vukaleo ali Munzinzime wove, muli vaka-kwimanena vove, oloni vanu vove vapwile tusinda-matwi, ngecivene, wavakundikile mu mavoko a miyati yeka ngeci vavafungulule.

Isaya 50:1

Shukulu Kalunga alinakwendeka ngwendi, “Kuma mwayongola ngweni njashekele vanyoko, nambe kuvalandesa mukufweta mulonga? Ilikulijo mikanda yakumukondwesa? Kuma mwayongola ngweni njamilandesele ngeci vakamifuke ngwe munalume uje alandesa vana vendi kuvapwisa vindungo ndi? Embwe, mwaile nakumifuka omwo a vuvi vweni, vamitumine kulyala omwo a milonga yeni.

Isaya 58:6

“Kulikela kulya kunjishaka kukekwo oku, munapande kutundisa malyenge avanakutu vinzinda kujeneka mulonga, co eceleni vaka-kuyanda vaye ngoco.

Njelemiya 11:7

Omo njatundisile vakukulwila vavo mu Ingito, njavanangwile ngeci vanjononoke, njavanangwile kushwakumo kweta na ku litangwa lya lelo.

Njelemiya 32:30

Kutunda kukushangumuka kwa vin̄anda vyavo, vanu va mu Isalele na vanu va mu Yunda vanalingi vuvi, co vananjiluvalesa.

Njelemiya 35:15

Njinakala nakutuma vangamba vange voshe vaka-kwimanena, kuli yeni vamileke kwecela vingila vyeni vyavivi, ngeci mulinge vyavivwa. Vaminangwile ngeci kesi mulemese nameme kupangela vinjambi veka, ngeci muyoye mwamuvwa mu lifuti lije linjanene kuli yeni na kuli vakukulwila veni. Oloni yeni kumwanjitolililile, nameme kumbako mbunge.

Ezekiyele 20:4

“Muna munu, unalivwaesela cimweja kuvasompa ndi? Unapande kuvasompa. Vanukise vyuma vya vunyengwe vije vivalingile vakukulwila vavo.

Ezekiyele 20:8

Oloni vanjitengulukilile, co kuvanjitolililile. Kuvombilile kuti tumponya twa vunyengwe, nambe kwecela vinjambi va vaka-Ingito. Njalivwaesela cimweja kuvatava ngeci vazive nzili ya vukalu vwange vwoshe muje mu Ingito.

VaLevi 25:10

Mu ngila eyi mukemwo mukajelesa mwaka wamumakumi atanu nakwambulula kupatuka kwa vanu voshe vali mu lifuti. Co a simbu ya mwaka ou, vufuko vwoshe vuje valandesele vakavwilwisile kuli vavenyavwo, nambe kuli vatekulwila vendi. Co woshe uje walandesele ndungo, co uje ndungo akeluke ku naanga yendi.

Amose 2:6

Shukulu Kalunga alinakwendeka ngwendi, “Vanu va Isalele vanalingi vuvi kushwakumo, omwo cuma eci mwa vushunga njikavanyanyamesa. Vakalandesa vanu va kulongwa ku vundungo vaje kuvasa kufweta makongo avo, vanu vakuutwa vaje kuvasa kufweta ndando ya vin̄aku.

Amose 8:6

Tukalandesa ndando yakama tiliku ije kuyesi na seo. Co tukawana kautu umo uje kasa kufweta likongo lyendi, nameme kufweta ndando ya vin̄aku, co tukamulanda akapwe ndungo.”

Loma 7:24

Yange munu wakuvindama! Iyajo akanjamena ku muvila ou wa kutsa?

Kwituluka mu Mashiko 15:1

“Kukuhwa kwa mwaka na mwaka wamucitanu na ivali mukasambesa makongo a vaje vakumwine vimbongo vyeni.

Kwituluka mu Mashiko 15:12

“Nga ndolome yove kaIsalele, wa munalume nambe wa munakazi, vamulandesa kuli yove ngeci apwe ndungo, napande akakupangele myaka itanu naumo. Co omo mwaka wamucitanu na ivali weta, ukamweca ngeci akaliile ngoco.

Kwituluka mu Mashiko 15:9

Kesi mukavyane kumukumwisa cuma cimo embwe, omwo mwaka wakumanesa makongo uli muyehi, kesi mukatave viyongola vyavivi vikakovele mu vimbunge vyeni. Nga mukavyana kumwana likongo, co akatambeka kuli Shukulu Kalunga omwo yeni, co mukakala na mulonga.