Njelemiya 33:6 - Livulu lya Shukulu Kalunga

⁶ Oloni njikakangwisa nganda eyi na vanu vamwo nakuvana ciindu. Njikavamwesa kwoloka kwakushemutuka na vuvwa.

Njelemiya 33:6 Iomraidhean Croise

Myaso 147:3

Akangwisa vaka-kuzeya mu vimbunge, nakusaka vimbandu vyavo.

Myaso 37:11

Vaka-kulikeesa vakashwana mu lifuti, co vakajolela nakukala mu kwoloka.

Myaso 67:2

ngeci vanu voshe va asi vazivuke cizango cove, co lalo miyati yoshe vazivuke kwamena kwove.

Myaso 72:7

Mwene alinge vushunga na vanu voshe, kukale kwoloka simbu yoshe noo ngonde inatsi.

Kutuuka 34:6

Asinoni Shukulu Kalunga wetile kulutwe lwendi, co walitumbwile lizina lyendi ngwendi, “Yange Kalunga, njapwa Njambi uje washula na kutetela na mema ku mbunge, uje kesi kuluvala vwasi, muka-kulongwa na muka-kumwesa cizemo cije kucesi kutenguluka.

Muka-kwambulula 3:3

kuli simbu yakutsiya, na simbu yakwindula, kuli simbu yakusiwula, na simbu yakutunga.

Isaya 2:4

Ikeye akasompa vin̄anda akati ka miyati yakama. Vakafula mikwale yavo kuyipwisa matemo, co makunga avo vakaapwisa vimoko vyakunongesa minango ya miti. Miyati ya vanu kuvakalilwisa umo na mukwavo lalo na vimoko vya mikwale, co kuvakalivwaesela lalo kulwa nzita embwe.

Isaya 30:26

Ngonde ikatwa ceke ngwe litangwa, co ceke ca litangwa cikatuvakana kuvyazima visimbu vitanu na vivali ngwe ceke ca matangwa atanu na avali ku litangwa olyo omo Shukulu Kalunga akakuta vimbandu vya vanu vendi, nakukangwisa mikiki ije yavapupile.

Isaya 39:8

Co Mwene Hezekiya wayongwele ngwendi kukakala kwoloka na vushunga a simbu yakuyoya kwendi, co wendekele kuli Isaya ngwendi, “Lijwi wanjileke lyakutunda kuli Shukulu Kalunga linapu lyalivwa.”

Isaya 54:13

“Yange vene njikalongesa vanu vove, nakuvavezikisa na kwoloka.

Isaya 55:7

Vaka-vuvi vecele vilinga vyavo vya vuvi, co vatengulule viyongola vyavo. Vatengulukile kuli Shukulu Kalunga Njambi yetu, ikeye muka-mema ku mbunge na muka-kusambesa vwasi.

Isaya 57:18

“Njamwene muvalingile, oloni njikavakangwisa, co njikavatwamenena nakuvakwasa, njikazembeleka vaje valinakulila.

Isaya 57:19

Njikana kwoloka kuli voshe vaje vali muyehi na vaje vali kulyala! Njikakangwisa vanu vange.

Isaya 58:8

“Asinoni ceke cange cikamitwila ngwe litangwa omo lituuka ku mutondo, co mukakanguka vwasi. Simbu yoshe njikakala neni nakumyamena, co vumpau vwange vukaminyunga ku mitambela yoshe.

Isaya 66:12

Shukulu Kalunga alinakwendeka ngwendi, “Njikamihwimisa ku myaka yoshe, vufuko vwa mafuti vukaita ngwe ndonga ya muta uje kuwesi kuma. Mukapwa ngwe mwanike uje ivajamwesa vaina mwamuvwa, nakumwambata mu shivu, nakumwongozola na cizemo.

Njelemiya 17:14

Shukulu Kalunga njikangwise, co njikapwa mukangule, njamene, co njikovoka, omwo njikakushangazala!

Njelemiya 29:11

Yange lika njazivuka matumbe njilinawo ali yeni, matumbe akuminenela vivezikiso, kesi akuminenela tuyando twakama embwe, matumbe akuyoya kulutwe vuje vunashulu na cinyangavili.

Njelemiya 3:22

Ilukeni, yeni voshe munatundu kuli Shukulu Kalunga, co ikeye akamikangwisa nakumipwisa vanu vaka-kulongwa. Mulinakwendeka ngweni, “Eyo, twiluka kuli Shukulu Kalunga, omwo wapwa Njambi yetu.

Hoziya 6:1

Vanu vendeka ngwavo, “Ijeni twiluke kuli Shukulu Kalunga. Nameme natusanyozola vipuka-vipuka, oloni akatukangwisa lalo, nameme natutu vimbandu, oloni akatuzengao vinanga.

Hoziya 7:1

“Oshe aje anjishakela kukangwisa vanu vange va Isalele ngeci vakale lalo mwamuvwa, vyoshe njilinakumona vinapu kupenga-penga kwavo na vuvi vuje valinakulinga. Valinakulikwisa umo na mukwavo, vatuva vinjuvo nakwiva, co vevila vanu mu vitapalo.

Mika 4:3

Asinoni akasompa vin̄anda akati ka miyati ya vanu, nakupwa muka-kusompa wa miyati yakama ya vanu kuyehi na kulyala. Vakafula mikwale yavo kupwa matemo, na makunga kupwa vimoko vyakunongesa miti. Miyati ya vanu kuvakalilwisa umo na mukwavo, co kuvakalilongesa kulwa nzita lalo embwe.

Mika 7:20

Ukamwesa kulongwa kwove na cizemo cove cije kucesi kutengulula ku vanu vove, vatekulwila va Avilahama, na Yakomba, ngwe muwakulaesele vakukulwila vetu ku san̄ulu.

Malakiya 4:2

Oloni kuli yeni munjononoka, nzili yakwamena kwange ikakala ali yeni ngwe litangwa, co ikanena vukangwisi ngwe misha ya litangwa. Co mukapwa vaka-kupatuka nakuvwaelela ngwe vana va vingombe vatuuka mu licakana.

Yowano 10:10

Mwizi akaija nakwiva lika nakutsiya nakunyongesa. Njinaija ngeci mukale na mwonyo, mwonyo waungi.

Efeso 6:23

Njambi Tatetu na Mwene Yesu Kilistu vaane kuli vaka-Yesu voshe kwoloka na cizemo mukukulaela.

Kwituluka mu Mashiko 32:39

“ ‘Yange, yange lika, njapwa Njambi, kukwesi njambi weka lalo wa vushunga wai. Njikatsii, co njana mwonyo, njikavetwesa, co njikangwisa, naumo wai asa kupopolola vije vinjinalingi.

1 Petulu 1:3

Tukandeleleni kuli Njambi na Ishe ya Mwene yetu Yesu Kilistu! Omwo a mema ku mbunge endi akama manene, natwana mwonyo wauha akusangula Yesu Kilistu ku vatsi. Eci cikeco citushulisa na cinyangavili cakuyoya,