Njelemiya 33:24 - Livulu lya Shukulu Kalunga

²⁴ “Wazivuka ngeci vanu valinakwendeka ngwavo yange njinavyana Isalele na Yunda, vinaanga vivali vije njaangwile? Co valinakukenga vanu vange na kayengu, nakuvayongola ngwe kesi muyati.

Njelemiya 33:24 Iomraidhean Croise

Myaso 71:11

Vendeka ngwavo, “Njambi namuseza, tumushekeni ngeci tukamukwate, naumo wai akamwamena!”

Myaso 83:4

Vendeka ngwavo, “Tuyeni tunyongese muyati wa Isalele, ngeci kesi kukakale umo akanuke lizina lyawo ku myaka yoshe!”

Myaso 83:5

Vanalizivasana vutumbe vwavo, vwakukulwisa na munga ya vanu

Myaso 94:14

Shukulu Kalunga kakavyana vanu vendi, nameme kwivala muyati wendi uje wanaangula.

Isaya 11:13

Vumwene vwa Isalele kuvukazivila lalo Yunda lifuwa, co Yunda kuyikapu lalo citozi ca Isalele.

Isaya 7:17

“Shukulu Kalunga akanena ali yove, na ali vanu vove, na ali naanga yoshe ya vumwene, matangwa a tuyando twakama kutuvakana matangwa a tuyando aje akeleko tunde aje vwalitepesele vumwene vwa Isalele na Yunda, ikeye akanena mwene wa Asilya ngeci akumilwise.

Njelemiya 3:7

Njayongwele ngwange omo nalingi vyoshe evi, mwa vushunga akeluka kuli yange, oloni shendi kwiluka, co ndokazi yendi Yunda wakujeneka kulongwa wamwene vyoshe evi.

Njelemiya 3:8

Yunda lalo wamwene ngeci yange njashekele Isalele omwo watundile kuli yange nakupwa cikwizi. Oloni Yunda, ndokazi ya Isalele wakujeneka kulongwa, kakele na lyova. Nendi lalo wapwile cikwizi,

Njelemiya 30:17

Mukapwa vakangule, njikakangwisa vimbandu vyeni, nameme vitozi veni vendeka ngwavo, ‘Siyone vanayumbila, naumo wai aishaka.’ Yange Kalunga, njinendekamo.”

Njelemiya 31:36

Ikeye nakulaesa ngwendi, kakevala kwana mashiko, co Isalele vakapwa muyati ku myaka yoshe.

Njelemiya 31:37

Nga citava melu vaweseke, nambe kweta a luvula, co njikavyana muyati wa Isalele, omwo a vuvi vuje vuvanalingi. Mwanendeka Shukulu Kalunga.

Njelemiya 33:23

Shukulu Kalunga wendekele kuli yange ngwendi,

Njelemiya 33:26

Mwa vushunga omo njinalingi evi, yange njikakolesa cikumiiyo cange na vatekulwila va Yakomba, na ngamba yange Ndaviti. Njikaangula umo wa vatekulwila va Ndaviti kushwana a vatekulwila va Avilahama, na Isake, na Yakomba. Njikazivila vanu vange mema ku mbunge, co vakavezika lalo.”

Njelemiya 51:5

Yange Kalunga Njambi Muka-nzili yoshe, kunjasezele vanu va mu Isalele na vanu va mu Yunda, nameme vanalingi vuvi ku mesho ange muka-kujela wa Isalele.

Mbimbi 4:15

Vanu vatambekele ngwavo, “Tundeni kuli yetu! Munalijwalesa kesi mutukwate!” Ngecivene, vakele nakwendangana kutunda ku lifuti limo, nakuya ku lifuti likwavo, oloni naumo wai wavatambwile.

Ezekiyele 25:3

Valeke vatolilile vije vinjendeka yange Kalunga wa Akamwa ya Vyoshe, ngwange, ‘Munakele nakuvwaelela omo mwamwene Njuvo yange inaviya, nakumona lifuti lya Isalele linashandoka, nakumona vanu va mu Yunda valinakuya ku vunzinda.

Ezekiyele 26:2

“Muna munu, vanu va mu nganda ya Tile vanakuu vanu va mu Yelusalema ngwavo, ‘Ehe! Yelusalema vanayisiwula! Nzili yendi yakulanda nakulandesa inahu! Kakapu lalo citozi cetu!’

Ezekiyele 36:2

Kalunga wa Akamwa ya Vyoshe, njilinawo ali vakevo ngwange, ‘Vitozi va Isalele vashendumwine nakwendeka ngwavo malundu aje amalaja a ku san̄ulu anapu avo!’

Ezekiyele 36:20

Co kwoshe kuje kuvaile, vashawisile lizina lyange lyakujela, omwo vanu vakele nakwendeka ngwavo, ‘Ava vakevo vanu va Shukulu Kalunga, oloni vasezele lifuti lije lyavanene.’

Ezekiyele 37:11

Njambi wendekele kuli yange ngwendi, “Muna munu, vanu va Isalele vanafu ngwe vitsiya evi. Vakevo vendeka ngwavo vanapu vitsiya vyakuminina cau, cinyangavili cavo cinahu, co vananyongo.

Ezekiyele 37:22

Yange njikavapwisa muyati umolika mu lifuti, a minkinda ya Isalele. Vakakala na mwene umolika ikeye akavashwana mu vumwene vuvali.