Njelemiya 33:22 - Livulu lya Shukulu Kalunga

²² Njikatumisa manene vatekulwila va ngamba yange Ndaviti nakutumisa vaka-kukombelela va ku muyati wa Levi, ngeci naumo asa kuvalava wai, vakapwa ngwe vingongonosi vya mwilu, nambe ngwe lishen̄avu lya ku cikuma ca mema a kalunga.”

Njelemiya 33:22 Iomraidhean Croise

Kushangumuka 13:16

Njikakwana vatekulwila vavangi vaje naumo wai akasa kuvalava, kuvanga kuli uje asa kulava vinona vyoshe vya livu lya ano asi!

Kushangumuka 15:5

Co Shukulu Kalunga wamutuwisile anja nakwendeka ngwendi, “Kenga kwilu, eseka kulava vingongonosi evi. Co vatekulwila vove vakapwa vavangi ngwe vingongonosi evi.”

Kushangumuka 22:17

Njikakuvezikisa nakutumisa vatekulwila vove ngwe vingongonosi vya mwilu, nambe ngwe lishen̄avu. Co vatekulwila vove vakafungulula vitozi vavo.

Kushangumuka 28:14

Vatekulwila vove vakapwa vavangi manene ngwe livu lya ano asi. Co vakatuma nakushulisa lifuti eli lyoshe mu mitambela mwoshe, muli yove na muli vatekulwila vove njikavezikisilamo miyati yoshe.

Myaso 22:30

Visemwa vya vanu vya kulutwe vakamupangela, vanu vakendeka vya Shukulu Kalunga ku cisemwa cije cikaija kulutwe.

Myaso 89:29

Umo wa vatekulwila va Ndaviti, akapwa mwene simbu yoshe. Vumwene vwendi vukakalako simbu yoshe noo lilu likahwa.

Isaya 48:19

Nga vatekulwila veni vanatumu ngwe vinona vya lishen̄avu, co yange ngwe kunjatavele ngeci vavanyongese.”

Isaya 66:21

Vamo njikavapwisa vaka-kukombelela na vaLevi.

Njelemiya 30:19

Vanu vaje valinakukala muje vakaimba myaso yakushangazala vakatambeka nakujolela. Omwo a vivezikiso vyange, vakatuma nakupwa vavangi, vivezikiso vyange vikavanenela kasingimiko.

Njelemiya 31:37

Nga citava melu vaweseke, nambe kweta a luvula, co njikavyana muyati wa Isalele, omwo a vuvi vuje vuvanalingi. Mwanendeka Shukulu Kalunga.

Njelemiya 33:18

co lalo simbu yoshe kukakala vaka-kukombelela va ku muyati wa Levi vaje vakanjipangela, nakukombelela vin̄ombelo vya kwenyeka, na vin̄ombelo vya vimbuto vya vinona.”

Njelemiya 33:23

Shukulu Kalunga wendekele kuli yange ngwendi,

Ezekiyele 37:10

Ngecivene, njambulwile vuka-kwimanena ngwe muvanjishikile. Co mwonyo wakovelele mu mivila, co vakele na mwonyo vemanene. Vapwile vavangi manene mukupwa mbunga ya mashwalale.

Ezekiyele 44:15

Shukulu Kalunga wa Akamwa ya Vyoshe wendekele ngwendi, “Vaka-kukombelela vaje vanakundama ku muyati wa Levi va ku naanga ya Zandoke, nameme ngoco, vakele nakunjipangela na kulongwa mu Njuvo yange, omo vanu va Isalele vatengulukile kutunda kuli yange. Ngecivene, ololo vakevo lika vakanjipangela nakwija ku mesho ange nakunjikombelela vin̄ombelo vya mazi na maninga.

Hoziya 1:10

Vanu va mu Isalele vakapwa ngwe lishen̄avu lya ku mema a kalunga, lije kuvasa kulilava nambe kuseteka. Ngecivene, ololo Njambi alinakwendeka kuli vakevo ngwendi, “Yeni kesi mu vanu vange,” oloni litangwa lilinakwija omo akendeka kuli vakevo ngwendi, “Yeni munapu vana va Njambi wakuyoya!”

Zakaliya 10:8

“Njikasana vanu vange nakuvakungulwila amolika. Njikavapatula, co njikavapwisa vavangi ngwe muvapwile laja.

Zakaliya 12:8

A simbu ije Shukulu Kalunga akanyunga vaje vakala mu Yelusalema, nameme vaje vakuzeya manene akati kavo vakakala na nzili ngwe yakele nayo Ndaviti. Vatekulwila va Ndaviti vakashwana ngwe kangelo ka Shukulu Kalunga, ngwe Njambi vene vavenya.

Zakaliya 2:4

Co uje kangelo wakulivanga wendekele kuli uje mukwavo ngwendi, “Shatuka ukaleke uje mukwenje nakwata mukole wakusetekesa ngwove mu Yelusalema mukakala vanu vavangi na vimuna vavangi, co kuyikakala na vivumbe vyakuyizengeleka.

VaHevelu 11:12

Nambe ikeye wakuluvalele manene kuyehi na kutsa, kuli munalume ou umo, kwasemunwininine vatekulwila ngwe vingononosi vya mwilu naumo wai asa kuvilava ngwe vinona vya lishen̄avu lya ku ngenge ya mema a kalunga.