Njelemiya 33:2 - Livulu lya Shukulu Kalunga

² “Yange Kalunga uje watangele asi, co njamungile kaye nakukatumbika mu mwela wako.

Njelemiya 33:2 Iomraidhean Croise

Myaso 102:16

Omo Shukulu Kalunga akatungulula Siyone, co vumpau vwendi vukasholoka.

Myaso 87:5

Mwa vushunga vakendeka ali Siyone ngwavo, miyati yoshe vatunda muje, co Shukulu Kalunga Muka-nzili yoshe akaikolesa.

Kutuuka 15:3

Shukulu Kalunga ikeye nanjilwilako nzita, lizina lyendi lyapwa Shukulu Kalunga.

Kutuuka 6:3

Yange njalisholwele kuli Avilahama, na kuli Isake, na kuli Yakomba, ngwe Njambi Muka-nzili yoshe, oloni lizina lyange lya Kalunga kuvalizivukile.

Isaya 14:32

Vatijo twasa kukumbulula miluwa vaje vatunda ku Filisitiya? Tukavaleka ngwetu Shukulu Kalunga ikeye watungile Siyone, nameme vanu vendi vaka-kuyanda vakawana kwoloka.

Isaya 37:26

“Kuma kuwazivile ngeci yange Kalunga njayongwele laja vutumbe ovu ndi? Co ololo njinavusholola. Njakwanene nzili yakutengulula vinganda vya vimpaka kuvipwisa mitumbo ya vishwashwa.

Isaya 42:8

“Yange lika Kalunga Njambi yeni. Kukwesi njambi weka lalo injikana vumpau vwange, nambe kutavesa vishangazala vyange kuvyana ku tumponya.

Isaya 43:1

Isalele, Shukulu Kalunga uje wamitangele alinakwendeka ngwendi, “Kesi muzive lyova, njikamyamena. Njakusana a lizina lyove, ngeci unapu u wange.

Isaya 43:21

Vakevo vanapu vanu vaje njalitangelele, co vakaimba nakunjishangazala!”

Isaya 62:7

Kuvapandele kumuhwimisa kuvanga noo nendula Yelusalema, nakuyipwisa nganda ije ivakashangazala vaka-kaye voshe.

Njelemiya 10:16

Njambi ya Yakomba kalifwile navo, ikeye lika watangele vyuma vyoshe, waangwile Isalele kupwa vanu vendi. Lizina lyendi ikeye Shukulu Kalunga Muka-nzili yoshe.

Njelemiya 16:21

Ngecivene, Shukulu Kalunga alinakwendeka ngwendi, “Miyati ya vanu vakazivuka a simbu imolika aje alenga nzili yange, co vakazivuka ngeci yange njapwa Kalunga.”

Njelemiya 32:18

Ukamwesa cizemo cove cije kucesi kutenguluka ku vanu vavangi-vangi, oloni lalo ukanyanyamesa vanu a vuvi vwa visemi vavo. Yove Shukulu Kalunga, Njambi Muka-nzili yoshe.

Njelemiya 51:19

Njambi ya Yakomba kalifwile natwo embwe, ikeye watangele vyuma vyoshe, co waangwile Isalele kupwa vanu vendi. Lizina lyendi ikeye Shukulu Kalunga Muka-nzili yoshe.

Amose 5:8

Shukulu Kalunga ikeye watangele vingongonosi, Lishano Mutumbu na Muta-mbambi. Ikeye akatengulula vutsiki kuvupwisa mutanya, co mutanya aupwisa vutsiki. Ikeye akasana mena mu mema a kalunga nakuwanyokesela ano asi. Lizina lyendi ikeye Shukulu Kalunga.

Amose 9:6

Shukulu Kalunga natungu limbo lyendi mwilu ya melu, co najala luvula lwendi ano asi. Ikeye akasana mema a kalunga nakuwetila ano asi. Lizina lyendi ikeye Shukulu Kalunga!

VaHevelu 11:10

Omo Avilahama wavandamenene nganda ije Njambi yamwinikilile kumutungila, nganda ije ya luvula lwa myaka yoshe.

VaHevelu 11:16

Oloni vakele na sholovya ya lifuti lyalivwa, lifuti lya mwilu. Ngecivene, Njambi kesi na shwamwa omo vamutumbula ngwavo ikeye Njambi yavo, omwo navavwaesela nganda yavo.

Kujombolola 21:10

Co njakele mu Munzinzime, co kangelo wanjitwalele ku shongo ya munkinda waulaja. Co wanjimwesele Yelusalema, Nganda Yakujela, ije yatundile mwilu kuli Njambi,

Kujombolola 21:2

Co njamwene Nganda Yakujela, Yelusalema yaiha, ilinakwija kutunda mwilu kuli Njambi, ije inalivwaesela cimweja ngwe shombolwa omwo eta kuli munalume wendi.