Njelemiya 33:17 - Livulu lya Shukulu Kalunga

¹⁷ Yange Kalunga, njakulaesa ngwange simbu yoshe kukakala mutekulwila wa Ndaviti kupwa mwene wa Isalele,

Njelemiya 33:17 Iomraidhean Croise

2 Samwele 3:29

Mulonga wa kutsa kwa Avinele ukale ali Yowave na naanga yendi yoshe! Co mu cisemwa cendi coshe mukakale munalume umo mu naanga yendi muka-kususula, na muka-mbumba, na cilema, na muka-kutsila mu nzita, na muka-kujeneka vyakulya!”

2 Samwele 7:12

Omo ukatsa nakukutsinda na vakukulwila vove, co njikapwisa umo wa ali vana vove mwene, njikakolesa vumwene vwendi.

2 Samwele 7:13

Ikeye akanjitungila njuvo, co njikakolesa litanda lya vumwene vwendi.

1 Vimyene 2:4

Nga umwononoka, co Shukulu Kalunga akanyunga cikulaeso cije walingile omo wanjilekele ngeci vatekulwila vange vakashwana Isalele nga vakanyanyama nakwononoka mashiko endi na mbunge yavo yoshe na mwonyo wavo woshe.

1 Vimyene 8:25

Ngeci ololo, Shukulu Kalunga Njambi ya Isalele, njilinakukulomba ngeci unyunge cikulaeso cije wakulaesele tate omo wamulekele ngeci simbu yoshe ukaka mutekulwila wendi umo kupwa mwene wakushwana Isalele, nga vononoka mwamuvwa majwi ove ngwe mwalingile ikeye.

2 Vimyene 11:2

Oloni Yowashe muna Ahaziya ikeye lika waputumukileo. Vashakele kumutsiya ngwe muvatsiile vakwavo, oloni vamwovwele kuli vaten̄azi yendi Njehoshemba, muna Mwene Njeholame, co lalo wapwile ndokazi ya Ahaziya. Wamutwalele amolika na ndezi yendi, kukavashweka ku mulili wa Njuvo ya Shukulu Kalunga kuvatewesa kuli Ataliya, ngecivene, kuvamutsiile.

1 Mizimbu 17:27

Ngecivene, njikulomba uvezikise vatekulwila va ngamba yove, ngeci vayoye simbu yoshe ku mesho ove. Yove Shukulu Kalunga, unavavezikisa, co vivezikiso vyove vikakala ali vakevo simbu yoshe.”

Myaso 132:12

“Nga vana vove vakanyunga cikumiiyo cange, na vizilika vije vinjivalongesa, co vakashwana a litanda lyove ku myaka yoshe.”

Isaya 9:7

Nzili yendi ikakola mbe, co vumwene vwendi vukapwa vwa kwoloka simbu yoshe. Ikeye akainga ali Mwene Ndaviti. Akakolesa nzili yendi a mashiko a vushunga, kutunda ololo nakweta ku shongo. Shukulu Kalunga Muka-nzili yoshe akamona ngeci vyuma vyoshe evi vinapande kulingiwa.

Njelemiya 17:25

Nga mwononoka, co vimyene na vana va vimyene va vanalume, va ku naanga ya Ndaviti vakakovela mu vikolo vya Yelusalema, vakashwana, vakalonda a matemba na a tuvalu, co vanu va mu Yunda na vanu va mu Yelusalema vakakala amo navo, nganda ya Yelusalema ikakala na vanu simbu yoshe.

Njelemiya 35:19

Ngecivene, yange Kalunga, Muka-nzili yoshe, Njambi ya Isalele, njikulaesa ngwange ku naanga ya Yonandave muna Lekave simbu yoshe kukakala munalume uje akanjipangela.”