Njelemiya 33:16 - Livulu lya Shukulu Kalunga

¹⁶ Vanu va mu Yunda na vanu va mu Yelusalema vakapatuka nakuyoya mwamuvwa. Co nganda ya Yelusalema vakaitumbula ‘Shukulu Kalunga Ikeye Kwamena Kwetu.’

Njelemiya 33:16 Iomraidhean Croise

Isaya 45:17

Oloni Shukulu Kalunga akamena Isalele, co akahyana ku myaka yoshe, vanu vendi kuvakazivi shwamwa.’ ”

Isaya 45:22

“Yeni voshe muli kwoshe kuje kwasikisila kaye, tengulukileni kuli yange ngeci mwovoke. Yange lika Njambi njiliko.

Njelemiya 23:5

Shukulu Kalunga alinakwendeka ngwendi, “Simbu ilinakwija omo njikaangula mwene wa kulongwa wa ku vatekulwila va Ndaviti. Mwene uje akashwana na mana, nakulinga vyavivwa na vushunga mu lifuti mwoshe.

Njelemiya 23:6

Omo akapwa mwene, vanu va mu Yunda vakakala mwamuvwa, na vanu va mu Isalele vakayoya mu kwoloka. Vakamutumbula ngwavo, ‘Shukulu Kalunga Kwamena Kwetu.’ ”

Njelemiya 30:10

Yeni vanu vange, kesi muzive lyova, yeni vanu va Isalele kesi mujaje embwe. Njikamyovola ku lifuti lije lya kulyala, ku lifuti lije ku muli mu vunzinda. Mukeluka kwimbo, co mukayoya mu kwoloka, mukakala mwamuvwa, naumo wai akamizivisa lyova.

Njelemiya 32:37

Njikakungulwila vanu amolika kutunda ku mafuti oshe kuje njavashandwelele omwo njaluvalele navo manene, co yange njikavelwisa ku mutambela uno, nakuvecela ngeci vakale muno mu kwoloka.

Njelemiya 50:7

Valinakuvalwisa kuli voshe vaje vavawana. Co vitozi vavo vendeka ngwavo, ‘Vanavulumuna ku mesho a Shukulu Kalunga, ngecivene, evi vitunalingi kesi vyavivi embwe. Vakukulwila vavo vakulaelele kuli Shukulu Kalunga, co na vakevo lalo vapandele kukala muli ikeye.’

Ezekiyele 28:26

Vakakala mu kwoloka. Vakatunga vinjuvo, co vakalima mahya a mikolovozi ya vushuka vwa vinyu. Njikahisa vandambo vavo voshe vaje vavashendumwine, co Isalele vakakala mu kwoloka. Asinoni vakazivuka ngwavo yange njapwa nji Kalunga Njambi yavo.”

Ezekiyele 38:8

Omo myaka yaingi ineti njikamushika kukovela mu lifuti muje muvelwisilile vanu kutunda ku miyati yaingi, kuje vakele nakuyoyelako kujeneka lyova lya nzita. Co akakovelela minkinda ya Isalele, ije yapwile vingundu ivasezele simbu yakama, oloni kuje ololo vanu voshe valinakukala mwamuvwa.

Ezekiyele 48:35

Co vulaja vwoshe vwa civumbe mu mitambela iwana ya nganda yapwile mamita 900. Co lizina lya ije nganda kutunda lelo na kulutwe likapwa “Shukulu Kalunga ali Kuno!”

Ndanyele 9:7

Yove Shukulu Kalunga, simbu yoshe wapwa u muka-vushunga, oloni yetu simbu yoshe tu vaka-kulinga vyuma vya shwamwa. Eci cinapu ca vushunga kuli yetu voshe tuli mu Yunda na mu Yelusalema, na vaIsalele voshe vaje vawashandwelele mu mafuti amuyehi naa a kulyala omo kuvakulaelele kuli yove.

Loma 11:26

Eyi ikeyo ngila vanu va Isalele voshe vakavaamena nayo. Ngwe muvyendeka visoneka ngwavyo, “Muyoyesi akatunda ku Siyone, co akatundisa kupenga-penga kwoshe ku vatekulwila va Yakomba.

1 Kolinte 1:30

Oloni Njambi namyaka amo muli Kilistu Yesu, co Njambi napwisa Kilistu mana etu. Ali ikeye tunapu vaka-vushunga ku mesho a Njambi, tunapu vana va Njambi vakujela, co vanatupatula.

2 Kolinte 5:21

Kilistu kalingile vuvi, oloni Njambi wamupwisile vuvi omwo yetu, co akukala muli ikeye, vanatupwisa vaka-vushunga vwa Njambi.

Kwituluka mu Mashiko 33:12

A muyati wa Mbenjemani Mosesa wendekele ngwendi, “Ou ukewo muyati wazema Shukulu Kalunga nakuunyunga. Ikeye akavanyungu a litangwa na litangwa, akakala akati kavo.”

Kwituluka mu Mashiko 33:28

Ngecivene, vatekulwila va Yakomba vayoye mu kwoloka, vakale mwamuvwa mu lifuti lya vimbuto na vinyu, muje lime lya kwilu likajulisa asi.

Filipu 3:9

ngeci njikale muli ikeye. Yange kunjesi na vushunga vwange vavenya vwai, vuje vasa kuwana akwononoka Lishiko. Ololo njili na vushunga vuje vananjana akukulaela lika kuli Kilistu, vushunga vuje vutunda kuli Njambi, co nsina yavwo inapu kukulaela.

2 Petulu 1:1

Mukanda wakutunda kuli yange Simoni Petulu, ngamba na muluwa wa Yesu Kilistu. Njilinakusoneka kuli vaje, a vushunga vwa Njambi yetu na Muyoyesi wetu Yesu Kilistu vanavana kukulaela kwa seo yakama manene ngwe yetu vene.