Njelemiya 33:15 - Livulu lya Shukulu Kalunga

¹⁵ A simbu ije njikaangula mwene wa vushunga, mutekulwila wa Ndaviti. Mwene uje akalinga vya vushunga na kulongwa, mu lifuti mwoshe.

Njelemiya 33:15 Iomraidhean Croise

Myaso 45:4

Mu vukama vwove enda nakuvezika, omwo ya vushunga na kulikeesa na kulongwa! Co livoko lyove lya cilyo likakulongesa vyuma vyakama vyakukomokesa!

Myaso 45:7

Uzema vushunga nakuzinda vuvi, mukemwo Njambi, Njambi yove, nakuvezikisa vivezikiso vyakama kutuvakana vimyene veka.

Isaya 4:2

Simbu ikaija omo Shukulu Kalunga akalingisa lifuti lyendi kukala na vwilo na vumpau. Co vanu va Isalele voshe vaje vakayoya vakajolela nakuvwaelela a vije vilinakumena mu lifuti lyavo.

Isaya 42:21

Shukulu Kalunga wapwa Njambi uje ashaka kwamena, ashaka mashiko endi na vilongesa vyendi, ngeci vanu vendi vavyononoke.

Isaya 53:2

Capwile cizango ca Shukulu Kalunga ngeci ngamba yendi akole ngwe kamuti kakandondo kamena mu livu lyakuma. Kakele na kasingimiko nambe vuvwa ngeci tumukenge. Kakele na seo ngeci tumukomoke, nacimo cai catulupwisile mbunge ngeci tukenge kuli ikeye.

Isaya 9:7

Nzili yendi ikakola mbe, co vumwene vwendi vukapwa vwa kwoloka simbu yoshe. Ikeye akainga ali Mwene Ndaviti. Akakolesa nzili yendi a mashiko a vushunga, kutunda ololo nakweta ku shongo. Shukulu Kalunga Muka-nzili yoshe akamona ngeci vyuma vyoshe evi vinapande kulingiwa.

Njelemiya 17:25

Nga mwononoka, co vimyene na vana va vimyene va vanalume, va ku naanga ya Ndaviti vakakovela mu vikolo vya Yelusalema, vakashwana, vakalonda a matemba na a tuvalu, co vanu va mu Yunda na vanu va mu Yelusalema vakakala amo navo, nganda ya Yelusalema ikakala na vanu simbu yoshe.

Njelemiya 30:9

Oloni vakapangela yange Kalunga Njambi yavo, nakupangela lalo mutekulwila wa Ndaviti, uje njikemika kupwa mwene.

Njelemiya 50:7

Valinakuvalwisa kuli voshe vaje vavawana. Co vitozi vavo vendeka ngwavo, ‘Vanavulumuna ku mesho a Shukulu Kalunga, ngecivene, evi vitunalingi kesi vyavivi embwe. Vakukulwila vavo vakulaelele kuli Shukulu Kalunga, co na vakevo lalo vapandele kukala muli ikeye.’

Zakaliya 3:8

Tolilila, Yoshwa akupwa yove Muka-kukombelela Wakama, cooni tolilileni, yeni vakwavo vaka-kukombelela, yeni munapu cimweso cacivwa ca kulutwe. Njikasholola ngamba yange, uje ivatumbula ngwavo Munango!

Kujombolola 19:11

Asinoni njamwene lilu lyashokolokele, co kwakele kavalu wakutoka. Co uje walondeleo vamutumbwile ngwavo Muka-kulongwa na Vushunga, ikeye akasompo nakulwa vinzita vyendi mu vushunga.