Njelemiya 33:12 - Livulu lya Shukulu Kalunga

¹² Shukulu Kalunga Muka-nzili yoshe alinakwendeka ngwendi, “Lifuti lino munapu ngwe mambo, muje kumwesi vanu nambe tusitu, oloni mukakala lalo mwila wauvwa kuje tunyungi vakalisila vimanga vavo.

Njelemiya 33:12 Iomraidhean Croise

Myaso ya Solomoni 1:7

Njileke, muka-cizemo cange, kulijo kuukalisila vutanga vwa vimanga vove? Kulijo kuukahwimisila vutanga vwove a simbu ya mutanya? Omwo vikajo njikukengezekela akati ka tunyungi va matanga eka?

Isaya 65:10

Vakanjilemesa, co vakatwala vimanga vavo na vingombe vavo ku mwila ku Cana ca Shalone mu kangombe ka yambi na mu Cimbongo ca Tuyando mu ngangela.

Njelemiya 17:26

Vanu vakaija kutunda mu vinganda vya mu Yunda na mu membo azengeleka Yelusalema, vakatunda ku lifuti lya Mbenjemani, vakatunda ku vushelumukilo vwa malundu, na ku minkinda, na mu mbwela ya Yunda. Vakanena ku Njuvo yange vin̄ombelo vya kwenyeka na vin̄ombelo na vin̄ombelo vya vimbuto vya vinona na insense na vin̄ombelo vya cikandelela.

Njelemiya 31:12

Vakaija nakwimba mwaso wakujolela a Munkinda wa Siyone, co vakavwaelela na vwana vwange, vwana vwa vimbuto na vinyu, na mazi a olive, vwana vwa vimanga na vingombe. Vakafwa ngwe lihya lyakutukumwina mema mwamuvwa, vakakala na vyuma vyoshe vije vivashaka.

Njelemiya 31:24

“Vanu vakakala mu Yunda na mu vinganda vyamwo vyoshe, co kukakala vandimi na tunyungi na matanga avo.

Njelemiya 32:15

Shukulu Kalunga Muka-nzili yoshe, Njambi ya Isalele, nendeka ngwendi vinjuvo, na mahya, na mikolovozi ya vushuka vwa vinyu, vakavilanda lalo mu lifuti lino.”

Njelemiya 36:29

Shukulu Kalunga wanjilekele kwendeka kuli mwene ngwange, “Unenyeka livulu, co unehula Njelemiya ngwove omwo vikajo wasonekele ngwove mwene wa Mbambilone akaija nakunyongesa eli lifuti, nakutsiya vanu vamwo na tusitu vamwo.

Njelemiya 50:6

“Vanu vange vanafu ngwe vimanga, vaje tunyungi twavo vanavazimbalesa mu minkinda. Vanendangana ngwe vimanga vaje vatunda ku munkinda umo, nakuya ku munkinda ukwavo, co vanevala limba lyavo.

Njelemiya 51:62

Asinoni lombela ngwove, ‘Shukulu Kalunga, yove wendekele ngwove ukanyongesa mwela uno, ngeci kesi mukakale cuma cimo cakuyoya, nambe munu, nambe kasitu, co mwela uno ukapwa mambo ku myaka yoshe.’

Ezekiyele 36:35

Munu woshe akasimutwiya a lifuti lije lyapwile mambo yangoco, ololo linemuka kupwa ngwe Lihya lya Endeni, na vinganda vije vyasiwukile nakuvipukula, co vyasalele mupulungwa, oloni ololo vanavikolesa na vimpaka.

Hangai 1:4

“Vanu vange, omwo vikajo mulinakukala mu vinjuvo vyakutunga mwamuvwa, oku Njuvo yange inaviya?