Njelemiya 33:11 - Livulu lya Shukulu Kalunga

¹¹ muyoyo wakulisamba, nakujolela, nakuvwaelela, na muyoyo wa viwano vya vulo. Mukaziva vanu vakaimba omo vanena milambu ya cikandelela ku Njuvo yange nakwendeka ngwavo, ‘Kandeleleni kuli Shukulu Kalunga Muka-nzili yoshe, omwo ikeye wamuvwa, omwo cizemo cendi cakala ku myaka yoshe.’ “Lifuti eli likavezika, ngwe mulyafwile laja. Yange Kalunga, njinendekamo.”

Njelemiya 33:11 Iomraidhean Croise

1 Mizimbu 16:34

Kandeleleni kuli Shukulu Kalunga, omwo ikeye wapwa wamuvwa, omwo cizemo cendi cije kucesi kutenguluka cakala ku myaka yoshe.

1 Mizimbu 16:8

Kandeleleni kuli Shukulu Kalunga, ambululeni vukama vwendi, tsimaneseni vilinga vyendi akati ka vanu.

2 Mizimbu 20:21

Omo mwene wakele nakwendeka na vanu, washikile vaka-kwimba vazale vikoveyo vyakujela, co vatwame kulutwe lwa nzita, nakwimba ngwavo, “Shangazaleni Shukulu Kalunga! Omwo cizemo cendi cakala ku myaka yoshe!”

2 Mizimbu 29:31

Hezekiya wendekele kuli vanu ngwendi, “Ololo munajele, neneni vin̄ombelo vipwe mulambu wacikandelela kuli Shukulu Kalunga.” Co vononokele, co vamo valyanene vanenele vimuna vakukombelela kupwa vin̄ombelo vya kwenyeka.

2 Mizimbu 5:13

Vaka-kwimba valikumbasanene mukwimba malupembo, na vingenjo na vyakwimbisa vyeka omo vakele nakushangazala Shukulu Kalunga. Vembile ngwavo, “Shangazaleni Shukulu Kalunga, omwo ikeye wapwa wamuvwa, cizemo cendi cakala ku myaka yoshe.” Omo vaka-kukombelela vatundile mu Njuvo ya Shukulu Kalunga, co lishelwa lyakovelele nakushulisa mu Njuvo ya Shukulu Kalunga ngeci vaka-kukombelela kuvasele kwilukilamo nakupanga vipangi vyavo,

2 Mizimbu 7:3

Omo vanu va Isalele vamwene tuhya tutunda mwilu, na vumpau vuje vwashulisile Njuvo ya Shukulu Kalunga, co vatsikamene asi, valemesele Njambi nakumushangala omwo vuvwa vwendi na cizemo cendi cije kucesi kutenguluka cakala ku myaka yoshe.

Ezela 6:22

A matangwa atanu na avali vajolelele nakulisamba a Ciwano ca Makende Akujeneka Musima. Vajolelele manene omwo Shukulu Kalunga walingisile mwene wa Asilya kukala na mema ku mbunge ali vakevo, ngeci wavakwasele ku vipangi vyavo vyakutungulula Njuvo ya Shukulu Kalunga Njambi ya Isalele.

Nehemiya 12:43

A litangwa lije vakombelelele vin̄ombelo vyavingi, co vanu vajolelele manene, omwo Njambi wavavwaelelesele manene. Vanakazi na vanike valipandakanene mukulisamba, valingile muyoyo wakama uje vasele kuuziva kulyala manene.

Nehemiya 8:12

Ngecivene, vanu voshe vaile ku vinjuvo vyavo, co vakalile nakunwa nakujolela nakulipangela na vakwavo vije vakele navyo, omwo vazivisisile mwamuvwa vyuma vije vivavalavelele.

Myaso 106:1

Shangazaleni Shukulu Kalunga! Kandeleleni kuli Shukulu Kalunga, omwo ikeye wapwa wamuvwa, cizemo cendi cije kucesi kutenguluka cakala ku myaka yoshe.

Myaso 107:1

“Kandeleleni kuli Shukulu Kalunga, omwo ikeye wamuvwa, cizemo cendi cije kucesi kutenguluka cakala ku myaka yoshe!”

Myaso 107:22

Vanu vanapande kumukombelela vin̄ombelo vya cikandelela, nakwambulula vilinga vyendi mu myaso yakujolela!

Myaso 116:17

Njikakukombelela n̄ombelo ya cikandelela, nakulombela mu lizina lyove.

Myaso 147:13

Omwo ikeye akolesa vikolo vyove, nakuvezikisa vanu vove.

Myaso 85:7

Tumwese cizemo cove yove Shukulu Kalunga, cije kucesi kutenguluka, co twamene.

Isaya 35:10

Vaketa mu Yelusalema nakujolela, vakaimba nakutambeka nakujolela. Vakavwaelela myaka yoshe, vusiwa nakuviilila kuvikakalako myaka yoshe.

Isaya 51:11

Vaje vawapatwile vaketa mu Yelusalema nakuvwaelela, vakaimba nakutambeka nakujolela. Vakavwaelela ku myaka yoshe, vanapatuka ku vusiwa nakukuviilila ku myaka yoshe.

Isaya 51:3

“Njikazivila mema ku mbunge Yelusalema, na voshe vaje valinakuyoya mu ngundu yendi. Nameme lifuti lyavo linapu mambo, njikalipwisa ngwe citungu ca Endeni cije cinjakunine. Yelusalema ikajolela nakuvwaelela, ikaimba myaso yakushangazala nakukandelela kuli yange.

Isaya 52:8

Vaje vanyunga nganda valinakutambeka, valinakwimba nakujolela. Valinakumona na mesho avo vavenya, kwiluka kwa Shukulu Kalunga ku Siyone.

Isaya 52:9

Yeni vingundu vya Yelusalema, shangumukeni kwimba myaso yakujolela! Shukulu Kalunga napatula Yelusalema nganda yendi nakuzembeleka vanu vendi.

Njelemiya 16:9

Tolilila ku evi njendeka yange Kalunga Muka-nzili yoshe Njambi ya Isalele. Njikolwesa muyoyo wakujolela nakuvwaelela, na muyoyo wakuvwaelela mu viwano vya vulo. Vanu valimuno vakayoya mukumona evi vilingiwa.

Njelemiya 17:26

Vanu vakaija kutunda mu vinganda vya mu Yunda na mu membo azengeleka Yelusalema, vakatunda ku lifuti lya Mbenjemani, vakatunda ku vushelumukilo vwa malundu, na ku minkinda, na mu mbwela ya Yunda. Vakanena ku Njuvo yange vin̄ombelo vya kwenyeka na vin̄ombelo na vin̄ombelo vya vimbuto vya vinona na insense na vin̄ombelo vya cikandelela.

Njelemiya 25:10

Njikolwesa miyoyo yavo yakujolela nakuvwaelela, na miyoyo yakuvwaelela a viwano vya malo. Kuvakakala na mazi mu vindeya vyavo, co kukukakala lalo vimbuto vya vinona.

Njelemiya 29:14

Eyo, njendeka ngwange, mukanjiwana, co njikamiilwisila mu lifuti lyeni lalo. Njikamikungulula kutunda mu mafuti oshe, nakutunda mu mitambela yoshe muje munjamishandwelele, co njikamiilwisa nakuminena mu lifuti muje mumwatundile, omo njamitwalele mu vunzinda. Yange Kalunga, njinendekamo.’

Njelemiya 30:19

Vanu vaje valinakukala muje vakaimba myaso yakushangazala vakatambeka nakujolela. Omwo a vivezikiso vyange, vakatuma nakupwa vavangi, vivezikiso vyange vikavanenela kasingimiko.

Njelemiya 30:3

omwo simbu ilinakwija omo njikelwisa vanu vange, Isalele na Yunda. Njikavelwisila ku lifuti lije njaanene vakukulwila vavo, co likapwa lyavo lalo. Yange Kalunga, njinendekamo.”

Njelemiya 32:44

Vanu vakalanda, co vakasoneka vukaleo vwa vikumiiyo, nakuvisatesa. Evi vakavilingila mu mutambela wa lifuti lya Mbenjemani, mu membo akuzengeleka ku Yelusalema, mu vinganda vya mu Yunda, na mu vinganda vya mu lifuti lya malundu, na mu membo a mu lifuti lya ku vushelumukilo vwa malundu, na mu mbwela ya mutambela wa lifuti lya Yunda. Co njikelwisila vanu mu lifuti lyavo. Yange Kalunga, njinendekamo.”

Njelemiya 33:26

Mwa vushunga omo njinalingi evi, yange njikakolesa cikumiiyo cange na vatekulwila va Yakomba, na ngamba yange Ndaviti. Njikaangula umo wa vatekulwila va Ndaviti kushwana a vatekulwila va Avilahama, na Isake, na Yakomba. Njikazivila vanu vange mema ku mbunge, co vakavezika lalo.”

Njelemiya 33:7

Njikatumisa manene Yunda na Isalele, co njikavatungulula lalo ngwe muvakele laja.

Njelemiya 7:34

Njikolwesa muyoyo wakujolela mu vinganda vya mu Yunda na mu vitapalo vya mu Yelusalema, co njikolwesa muyoyo wakujolela na muyoyo wakuvwaelela wa ciwano ca vulo omwo lifuti likapwa ngundu.

Amose 9:14

Njikelwisa vanu vange ku lifuti lyavo. Vakatungulula vinganda vyavo vije vyasiwukile, co vakakalamo, vakakuna vitungu vya mikolovozi ya vushuka vwa vinyu, nakunwa vinyu, vakalima vitungu nakulya vije vanalimimo.

Yona 2:9

Oloni yange njikaimba nakukwalesa, nakukombelela n̄ombelo kuli yove, nakulinga vije njalikumiiye. Kwamena kwatunda kuli Shukulu Kalunga!”

Nahumi 1:7

Shukulu Kalunga wapwa wamuvwa, Akamena vanu vendi mu simbu ya tuyando, akanyungu vaje vatengulukila kuli ikeye.

Zefaniya 3:14

Imbeni nakutambeka nakujolela yeni vanu va mu Isalele! Joleleni na vimbunge vyeni vyoshe yeni vanu va mu Yelusalema!

Zakaliya 10:7

Vanu va mu Isalele vakapwa vaka-nzili ngwe mashwalale, vakavwaelela ngwe vanu vananu vinyu. Vatekulwila vavo vakanuka kuhyana oku, co vakavwaelela omwo a vije vyanalingi Shukulu Kalunga.

Zakaliya 8:19

“Kulikela kulya kuje kukakalako ku ngonde yamuciwana, na yamucitanu, na yamucitanu na vivali, na ku ngonde yamulikumi vikapwa viwano vyakujolela nakuvwaelela vya vanu va mu Yunda. Munapande kuzema vushunga na kwoloka.”

Zakaliya 9:17

Lifuti lije likapwa lyakuvwaa manene! Vanike vakakola na nzili omwo vimbuto vyamwo na vinyu vyamwo.

Yowano 3:29

Uje ali na shombolwa ikeye vavenya vulo, oloni musamba wa vavenya vulo, uje nemana nakumutolilila, avwaelela omo aziva lijwi lya vavenya vulo. Ngecivene, mukemwo mukunapu kuvwaelela kwange.

VaHevelu 13:15

Ngecivene, ijeni tushangazale Njambi simbu yoshe ngwe n̄ombelo yetu ali Yesu, ikeyo n̄ombelo ya tunwa twetu yakumutava ikeye Mwene.

Kujombolola 18:23

Naumo wai lalo akamona ceke ca ndeya muli yove, nalumo lwai lalo vakaziva lijwi lya shombolwa na vavenya vulo muli yove. Vaka-kulanda vove vapwile vaka-nzili manene mu kaye mwoshe, co wakwisile vanu voshe va mu kaye na manseno ove a makuli!