Njelemiya 32:41 - Livulu lya Shukulu Kalunga

⁴¹ Co njikavwaelela kulinga vyuma vyavivwa kuli vakevo, co njikavaka mu lifuti lino ku myaka yoshe.

Njelemiya 32:41 Iomraidhean Croise

Myaso 80:8

Twapwile ngwe mukolovozi wa vushuka vwa vinyu uje uwatundisile ku Ingito, washekelemo miyati ya mu Kanana, co waukunine mu lifuti lyavo.

Isaya 60:21

Vanu vove voshe vakapwa vaka-vushunga, vakashwana lifuti ku myaka yoshe. Njavakunine, nakuvatanga, ngeci vasholole vukama vwange ku vanu voshe.

Isaya 62:4

Kuvakakutumbula ngwavo, “Nganda ivanaseze.” Nameme lifuti lyove kuvakalitumbula ngwavo, “Munakazi wa mumba.” Oloni lizina lyove lyaliha likapwa “Njambi Avwaelela Nendi.” Lifuti lyove vakalitumbula ngwavo, “Nashomboka Nakuvwaelela.” Omwo Shukulu Kalunga navwaelela nove, co akapwa ngwe munalume ku lifuti lyove.

Isaya 62:5

Ngwe mukwenje ambata mumbanda uje kanda alimone na munalume kupwa shombolwa yendi, uje wakutangele akakwambata. Ngwe muka-kwambata avwaelela na shombolwa yendi, ngeci Njambi yove akavwaelela muli yove.

Isaya 65:19

Nange vavenya njikajolela na Yelusalema na vanu vamwo voshe. Kumukakala kulila, nambe vusiwa.

Njelemiya 18:9

Co nga a simbu ikwavo lalo njendeka ngwange njikuna nambe kutunga muyati umo wa vanu, nambe vumwene,

Njelemiya 24:6

Njikavanyunga nakuvelwisila lalo mu lifuti eli. Yange vene njikakala navo. Kunjikavashandola embwe, njikavakongweya, kuvakatundumo embwe.

Njelemiya 31:28

Ngwe omo njavanyungile mukuvatukula, nakuvawisa, nakuvombila, nakuvanyongesa, nakuvayandesa, ngecivene, njikavanyunga mukuvakuna, nakuvatunga lalo.

Ezekiyele 36:36

Asinoni miyati ya kulyata, vaje vacili nakuyoya, vakazivuka ngeci yange njapwa Kalunga, njikatungulula vinganda vyasiwukile nakukuna lalo mu mahya muje mwapwile mu mashokola. Yange Kalunga njakulaesele ngwange njikalinga vyuma evi, co njikalingamo vene.”

Hoziya 14:5

Njikakala amo na vanu va mu Isalele ngwe nyonzi mu lifuti lyakuma. Vakashamuna ngwe vishani, co vakakola mbe ngwe mizi ya miti ya ku Lembanone.

Amose 9:15

Njikaka vanu vange mu lifuti lije linjavanene, co naumo wai akavatundisamo lalo.” Shukulu Kalunga Njambi yeni ikeye nendekamo.

Mika 7:18

Yove Shukulu Kalunga, kukwesi njambi weka wakulifwa nove, u muka-kusambesa vuvi vwa vanu vove vaje vaputumukileo. Kuwesi kuluvala ku myaka yoshe embwe, oloni ukavwaelela mukutumwesa cizemo cove cije kucesi kutenguluka.

Zefaniya 3:17

Shukulu Kalunga Njambi yeni ali amo neni, nzili yendi ikamihyanesa. Shukulu Kalunga akavwaelela neni, co akamyana mwonyo wauha omwo ikeye wamizema! Akaimba nakujolela ali yeni,

Kwituluka mu Mashiko 28:63

Ngwe mwavwaelelele Shukulu Kalunga akumivezikisa nakumitumisa, co a ngila eyi vene akavwaelela akumiyandesa nakuminyongesa. Co vakamitundisa mu lifuti lije mulinakukovela nakulishwana.

Kwituluka mu Mashiko 30:9

Co Shukulu Kalunga akavezikisa vipangi vyoshe vimukalinga, mukakala na vana vavangi, na vimuna vavangi, na vimbuto vyavingi, omwo Shukulu Kalunga akavwaelela nakumivezikisa ngwe mwavezikisile vakukulwila veni.