Njelemiya 32:39 - Livulu lya Shukulu Kalunga

³⁹ Njikavana ciyongola cimo mukuyoya kwavo, mukunjisingimika simbu yoshe, omwo a vuvwa vwavo, na a vuvwa vwa vatekulwila vavo.

Njelemiya 32:39 Iomraidhean Croise

Kushangumuka 17:7

“Njikakolesa cikumiiyo cange kuli yove na kuli vatekulwila vove ku visemwa vyavo vyoshe vya kulutwe. Cikapwa cikumiiyo cije kucesi kuhwa ca ku myaka yoshe, ngeci njikapwa Njambi yove, na Njambi ya vatekulwila vove.

Kushangumuka 18:19

Njamwangwile ngeci ashike vana vendi na vatekulwila vendi mukunjononoka nakulinga evi vyavivwa na vushunga. Nga vakevo vakacilinga, co njikalinga vyuma vyoshe vije njamukulaesele.”

Kushangumuka 22:12

Co kangelo ka Shukulu Kalunga wendekele ngwendi, “Kesi uvulumune mwanike nameme kulinga cuma cimo kuli ikeye. Ololo njinazivuka ngeci yove ulinakukomoka Njambi, omwo yove unatavele kunjana munove umolika.”

2 Mizimbu 30:12

Cizango ca Njambi lalo cakele mu Yunda, co Njambi wavanene mbunge imo ngeci vononoke kukava mashiko a mwene na vamyata vendi.

Myaso 112:1

Shangazaleni Shukulu Kalunga! Navezika munu uje akomoka Shukulu Kalunga, munu uje avwaelela nakwononoka mashiko endi.

Myaso 128:6

Uyoye nakumona vatekulwila vove! Kwoloka kukale na Isalele!

Myaso 86:11

Njilongese yove Shukulu Kalunga, ngeci njononoke vushunga vwove, simbu yoshe njipwise muka-vushunga.

Visimo 23:17

Kesi uliveyele vaka-vuvi, oloni simbu yoshe singimika Shukulu Kalunga.

Isaya 35:8

Tapalo yaivwa ikaita muje, vakaitumbula ngwavo, “Tapalo Yakujela.” Kukwesi muka-vuvi akendamo, kukwesi cilema akasevwisa vaje vaikava.

Isaya 52:8

Vaje vanyunga nganda valinakutambeka, valinakwimba nakujolela. Valinakumona na mesho avo vavenya, kwiluka kwa Shukulu Kalunga ku Siyone.

Isaya 65:23

Vipangi vyavo kuvikai mwangoco, co vana vavo kuvakavindama. Njikavezikisa vana vavo amo na vatekulwila vavo simbu yoshe ya kulutwe.

Njelemiya 24:7

Co njikavana mbunge yakuzivuka ngeci yange njapwa Kalunga. Asinoni vakapwa vanu vange, co yange njikapwa Njambi yavo, omwo vakelukila kuli yange na mbunge yavo yoshe.

Njelemiya 31:33

Cikumiiyo caciha cije njikalikumiiya na vanu va Isalele cikapwa eci, njikaka lishiko lyange muli vakevo, nakulisoneka mu vimbunge vyavo. Yange njikapwa Njambi yavo, navo vakapwa vanu vange.

Njelemiya 32:40

Njikalikumiiya cikumiiyo navo ca ku myaka yoshe. Nalumo lwai njikalikela kulinga vyuma vyavivwa kuli vakevo, vakanjisingimika, ngecivene, nalumo lwai vakashondoloka kuli yange.

Njelemiya 6:16

Shukulu Kalunga wendekele kuli vanu vendi ngwendi, “Imaneni a masambwa ngila mumone. Kaveni vingila vije vendele vakukulwila veni, co mukakala mu kwoloka.” Oloni vendekele ngwavo, “Embwe kutukaimo!”

Ezekiyele 36:26

Njikamyana vimbunge vyaviha na mana amaha. Njikatundisa vimbunge vyeni vyakukaluwa vya mamanya nakumyana vimbunge vyakwononoka.

Ezekiyele 37:22

Yange njikavapwisa muyati umolika mu lifuti, a minkinda ya Isalele. Vakakala na mwene umolika ikeye akavashwana mu vumwene vuvali.

Ezekiyele 37:24

Ngamba yange Ndaviti ikeye akapwa mwene yavo. Voshe vakakala na muka-kwimanena umolika, co vakononoka mashiko ange nakuwanyunga.

Ezekiyele 37:25

Vakakala mu lifuti lije linjanene kuli ngamba yange Yakomba, mu lifuti lije muvakele vakukulwila vavo. Vakakala muje myaka yoshe, ngecivene, vana vavo na vatekulwila vavo voshe vakakala muje myaka yoshe. Ngamba yange Ndaviti ikeye akavashwana myaka yoshe.

Yowano 14:6

Yesu wamukumbulwile ngwendi, “Yange ngila, na vushunga, na mwonyo, naumo wai aya kuli Tate oloni kuvanga ali yange.

Yowano 17:21

Njivalombelela ngeci voshe vapwe umo. Ove Tate! Vakale muli yetu, ngwe omo yove wakala muli yange nange muli yove. Vapwe umo, ngecivene, vaka-kaye vakakulaele ngwavo kuma yove wanjitumine.

Vilinga vya Miluwa 13:33

vikevyo natulingila yetu vatekulwila vavo mukusangwila Yesu ku mwonyo ngwe muvanasoneka mu Mwaso wamucivali ngwavo, ‘Yove unapu u Munange, litangwa lya lelo njinapu nji Isho.’

Vilinga vya Miluwa 2:39

Omwo cikulaeso ca Njambi vacilingile kuli yeni na kuli vana veni, na kuli voshe vali kulyala, vaje voshe vanasana Shukulu Kalunga Njambi yetu vaije kuli ikeye.”

Vilinga vya Miluwa 3:26

Co Njambi waangwile Ngamba yendi, co wamutumine kuli yeni akulivanga, mukumivezikisa ngeci munu woshe atunde ku vingila vyendi vya kupenga-penga.”

Vilinga vya Miluwa 4:32

Mbunga ya vaka-kukulaela vakele na mbunge imolika na viyongola vimolika, naumo wai watumbwile vyuma vyendi vije vyafukile kupwa vyendi, oloni valipangezelele vyoshe vyavo vije vivakele navyo.

Vilinga vya Miluwa 9:31

Ngecivene, vikungulukilo vyoshe mu Yundeya na mu Ngalileya na mu Samaliya vakele na simbu ya kwoloka. Akukwasa kwa Munzinzime Wakujela vikungulukilo vyakolele nakuliwezelela, ngwe akuyoya kwavo mukukomoka Mwene.

Loma 11:16

Nga mbazuvwila yakulivanga ya likende vayana kuli Njambi, ngecivene, na mukasha woshe wamutunu unapu wendi lalo, nga mizi ya muti vaikombelela kuli Njambi, co na minango lalo inapu yendi.

1 Kolinte 7:14

Omwo uje munalume wakujeneka kukulaela vanamujelesa kuli Njambi akulikumbasana na munakazi wendi, na munakazi uje wakujeneka kukulaela vanamujelesa kuli Njambi akulikumbasana na munalume wendi muka-Yesu. Nga kucapwile ngacije, nga vana vavo vapwile ngwe vana va vaka-kujeneka kukulaela, oloni ololo vanapu vakujela.

2 Kolinte 13:11

Akumanesa, vakwetu, saleniho! Kakateyeni kulumbunuka, tolilileni kukulambela kwange, kaleni na mbunge imo, kaleni mu kwoloka. Co Njambi muka-cizemo na kwoloka akakala amo neni.

Kwituluka mu Mashiko 5:29

Nga vakala na mbunge yangacije simbu yoshe yakunjizivila lyova nakunyunga mashiko ange, nga vakakala mwamuvwa myaka yoshe na vatekulwila vavo.

Kwituluka mu Mashiko 6:2

Ngeci mukasingimike Shukulu Kalunga Njambi yeni, yeni na vana veni, na vatekulwila veni nakwononoka mashiko endi oshe awa njilinakumishikawo, ngeci mukayoye simbu yakama mu lifuti lije mulinakuya.

Kwituluka mu Mashiko 6:24

Ngecivene, Shukulu Kalunga Njambi yetu watushikile kwononoka mashiko oshe awa nakumusingimika, ngeci tukakale mwamuvwa matangwa oshe a kulutwe, co akatunyunge mukuyoya kwetu kwoshe.

VaHevelu 10:20

Ikeye natushokolwela ngila yaiha yakuyoya, yakutuvakana livamba lije, likelyo muvila wendi.