Njelemiya 32:38 - Livulu lya Shukulu Kalunga

³⁸ Co vakapwa vanu vange, nange lalo njikapwa Njambi yavo.

Njelemiya 32:38 Iomraidhean Croise

Kushangumuka 17:7

“Njikakolesa cikumiiyo cange kuli yove na kuli vatekulwila vove ku visemwa vyavo vyoshe vya kulutwe. Cikapwa cikumiiyo cije kucesi kuhwa ca ku myaka yoshe, ngeci njikapwa Njambi yove, na Njambi ya vatekulwila vove.

2 Samwele 7:24

Unalingisa vaIsalele kupwa vanu vove ku myaka yoshe, co yove Shukulu Kalunga, unapu Njambi yavo.

Myaso 144:15

Vanavezika vanu vaje vatambula vivezikiso evi, vanavezika vanu vaje Njambi yavo ikeye Shukulu Kalunga.

Isaya 65:23

Vipangi vyavo kuvikai mwangoco, co vana vavo kuvakavindama. Njikavezikisa vana vavo amo na vatekulwila vavo simbu yoshe ya kulutwe.

Njelemiya 24:7

Co njikavana mbunge yakuzivuka ngeci yange njapwa Kalunga. Asinoni vakapwa vanu vange, co yange njikapwa Njambi yavo, omwo vakelukila kuli yange na mbunge yavo yoshe.

Njelemiya 30:22

Vakapwa vanu vange, nange njikapwa Njambi yavo. Yange Kalunga, njinendekamo.”

Njelemiya 31:1

Shukulu Kalunga alinakwendeka ngwendi, “Simbu ilinakwija omo yange njikapwa Njambi wa miyati yoshe ya Isalele, co vakevo vakapwa vanu vange.

Njelemiya 31:33

Cikumiiyo caciha cije njikalikumiiya na vanu va Isalele cikapwa eci, njikaka lishiko lyange muli vakevo, nakulisoneka mu vimbunge vyavo. Yange njikapwa Njambi yavo, navo vakapwa vanu vange.

Ezekiyele 16:60

Oloni njikanuka cikumiiyo cije njalikumiiye nove omo wapwile u mwanike, co njikalikumiiya cikumiiyo nove cije cikakala myaka yoshe.

Ezekiyele 36:28

Asinoni mukakala mu lifuti lije linjanene vakukulwila veni. Mukapwa vanu vange, nange njikapwa Njambi yeni.

Ezekiyele 37:27

Njikakala muje amo navo nakupwa Njambi yavo, co na vakevo vakapwa vanu vange.

Ezekiyele 39:22

VaIsalele vakazivuka simbu yoshe ngeci yange njapwa Kalunga Njambi yavo.

Ezekiyele 39:28

Asinoni vanu vange vakazivuka ngeci yange njapwa Kalunga Njambi yavo. Vakazivuka cuma eci omwo yange njavatwalele ku vunzinda, co ololo njikavakungulula nakuvelwisila mu lifuti lyavo vavenya, naumo wai wa ali vakevo akasala munima.

Zakaliya 13:9

Co njikelula litambelo lyamucitatu vaje vakasalao nakulijelesa ngwe muvakajelesa siliva na tuhya. Co njikavelula ngwe muvakelula ngolinde. Asinoni vakalombela kuli yange, co njikavakumbulula. Njikavaleka ngwange vanapu vanu vange, co vakalitavela ngeci yange njinapu Njambi yavo.”

Kwituluka mu Mashiko 14:23

Co mukavilila ku mwela wakulemesela uje waangula Shukulu Kalunga Njambi yeni. Co kuje mukalya cavulikumi ca vimbuto vyeni, na vinyu, na mazi a olive, na vingombe veni vakulivanga kusemuka, na vimanga veni vakulivanga kusemuka. Mukalinga eci ngeci mukalilongese kusingimika Shukulu Kalunga Njambi yeni simbu yoshe.

VaHevelu 11:16

Oloni vakele na sholovya ya lifuti lyalivwa, lifuti lya mwilu. Ngecivene, Njambi kesi na shwamwa omo vamutumbula ngwavo ikeye Njambi yavo, omwo navavwaesela nganda yavo.

VaHevelu 8:10

Co kengeni, eci cikeco cikumiiyo njikalinga ololo kuli vanu va Isalele munima ya matangwa aje. Njikaka mashiko ange mu mana avo, co njikawasoneka mu vimbunge vyavo. Ngeci njikapwe nji Njambi yavo, co vakevo vakapwe vanu vange.

Kujombolola 21:7

Woshe uje ahyana akashwana vyuma evi, njikapwa Njambi yendi, co ikeye akapwa munange.