Njelemiya 32:35 - Livulu lya Shukulu Kalunga

³⁵ Vanatungu mitula ya Mbale mu Cana ca Hinome, mukukombelela vana vavo va vanalume, na ava va vanakazi kuli njambi Moleki. Kunjavashikile kulinga evi embwe, kuvyakovelele mu mbunge yange, ngeci valinge cuma ca cifwa cangacije nakulingisa vanu va mu Yunda vuvi.”

Njelemiya 32:35 Iomraidhean Croise

1 Vimyene 11:33

Njilinakulinga eci omwo Solomoni nanjivyana, co nalemesa vinjambi veka, Asitalete, njambi wa munakazi wa Sindone, na Kemoshe, njambi wavunyengwe wa Mowavi, na Moleki, njambi wa vunyengwe wa Amoni. Solomoni kanjononokele, nalingi mwamuvi, co kanyungile mashiko ange na vilongesa vyange ngwe mwalingile ishe Ndaviti.

1 Vimyene 11:7

A munkinda wa mu ngangela ya Yelusalema, Solomoni watungilileo mutambela wakulemesela Kemoshe, njambi wa vunyengwe wa Mowavi, na Moleki, njambi wa vunyengwe wa Amoni.

1 Vimyene 14:16

Shukulu Kalunga akaseza Isalele omwo Yelovowame nalingi vuvi nakutwamenena vanu va Isalele mu vuvi.”

1 Vimyene 15:26

Nandave kononokele Shukulu Kalunga, oloni walingile vuvi akukava vingila vyavivi vije vyalingile ishe, co wakovelesele Isalele mu vuvi.

1 Vimyene 15:30

Eci calingiwile omwo Yelovowame washangumwine vukalu vwa Shukulu Kalunga, Njambi ya Isalele, a vuvi vuje vwalingile, co wavulingisile lalo Isalele.

1 Vimyene 16:19

Zimeli kononokele Shukulu Kalunga akukava vingila vya Yelovowame. Wakovelesele vaIsalele mu vuvi.

1 Vimyene 21:22

Naanga yove ikapwa ngwe naanga ya Mwene Yelovowame muna Nembate na naanga ya Mwene Mbasha muna Ahiya, omwo unashangumuna vukalu vwange akutwamenena Isalele mu vuvi.’

2 Vimyene 21:11

“Mwene Manase nalingi vyuma vyavivi, vikevyo oni vinatuvakana nevi vivalingile vaKanana, omwo tumponya twendi natwamenena vanu va mu Yunda mu vuvi.

2 Vimyene 21:4

Watungile mitula ya vaka-kujeneka kukulaela mu Njuvo ya Shukulu Kalunga, mwela uje watumbwile Shukulu Kalunga ngwendi lizina lyendi vakalilemesela mu Yelusalema.

2 Vimyene 23:10

Mwene Yosiya wasiwile lalo Tofete, mutambela vakele nakulemesela vaka-kujeneka kukulaela, mu Cana ca Hinome, ngeci naumo wai akakombelele munendi wa munalume nambe wa munakazi kumupwisa n̄ombelo ya kwenyeka kuli njambi Moleki.

2 Vimyene 23:15

Yosiya wasiwile lalo mutambela mu Mbetele uje uvalemeselele, uje watungile Mwene Yelovowame muna Nembate, uje watwamenenene Isalele mu vuvi. Co Yosiya washimbwile mutula, watavozwele mamanya awo vimbazuvwila, wavitwile vyapwile likungu, co wenyekele lalo cifwa ca Ashela.

2 Vimyene 3:3

Oloni wapwile ngwe Mwene Yelovowame muna Nembate uje washwanene akulivanga, ikeye watwamenenene Isalele mu vuvi, co ikeye kalikelele kulinga vuvi.

2 Mizimbu 33:6

Ikeye wakombelelele vana vendi va vanalume mu Cana ca Hinome kupwa n̄ombelo ya kwenyeka. Co wataele vingombo na manseno nakwihula vaka-kulukiya na vaje vaka-kwendeka na vakulu. Ngecivene, walingile vuvi vwakama manene ku mesho a Shukulu Kalunga, co washangumwine vukalu vwendi.

2 Mizimbu 33:9

Manase watwamenenene vanu va mu Yunda mu kulinga vuvi vwakama manene kutuvakana vuvi vuje vuvalingile miyati ije yaashekele Shukulu Kalunga mu lifuti omo vanu vendi vakele nakuya kulutwe.

2 Mizimbu 36:14

Co lalo vantwama va mu Yunda, na vaka-kukombelela, amolika na vanu, vakavangeyeye vilinga vyavivi vya miyati ije yavazengelekele nakulemesa tumponya, mu ngila eyi vajwalesele Njuvo ya Shukulu Kalunga, ije yajelesele vavenya Shukulu Kalunga.

Kutuuka 32:21

Co Mosesa wendekele kuli Alone ngwendi, “Vikajo vanalingi vanu ava kuli yove, ngeci uvakovelese mu vuvi vwakukomokesa ngacije?”

Isaya 57:5

Mulinakulemesa vinjambi va tumponya nakulingila vupangala mwisi ya miti yeni yakujela. Mulinakukombelela vana veni mu manzenzengoma a mamanya kuyehi na muna ndonga.

Njelemiya 19:2

Iteni mu Cikolo ca Potishende muye ku Cana ca Hinome, ya ukambulule majwi aje anjikakuleka.

Njelemiya 30:14

Vaje vamizemene voshe vanamivala, kuvesi nakumyumba lalo mbunge. Njinamilwisa ngwe citozi, cihiso ceni cinapu cacikalu, omwo vivi vyeni vinapu vyavingi na kupenga-penga kweni kunapu kwakama manene.

Njelemiya 44:4

Njakele nakumitumina vangamba vange vaka-kwimanena, vaje vamilekele ngwavo kesi mulinge cuma cije cakukomokesa cinjazinda.

Njelemiya 7:30

“Vanu va mu Yunda vanalingi cuma cacivi. Vanaaka tumponya twavo tuje tunjazinda mu Njuvo yange, co vanaijwalesa.

Njelemiya 7:31

Vanatungila mutula mu Cana ca Hinome uvatumbula ngwavo Tofete, ngeci vakombelele vana vavo va vanalume na ava va vanakazi kupwa vin̄ombelo vya kwenyeka. Yange kunjavashikile kulinga ngeci embwe, nameme kuciyongola mu mbunge yange.

Ezekiyele 23:37

Vanalingi vupangala nakutsiya, vanalingi vupangala akulemesa tumponya, nakutsiya vana vaje njakitile navo. Vanakombelela vana vaje vanjakitile navo kupwa vin̄ombelo vyakwenyekela ku tumponya.

VaLevi 18:21

Kesi ukatavese umo wa vana veni kumupangesa mukulemesa njambi Moleki, omwo ngila eyi ikashawisa lizina lya Njambi yeni, yange njapwa Kalunga.

Vilinga vya Miluwa 7:43

Co yapwile mbalaka ya njambi Moleki ije mwambatele, na cifwa ca Lefane, njambi yeni wa vingongonosi, ava vakevo tumponya tweni mwapangele ngeci muvalemese. Co njikamituma ku vunzinda musambwa ya Mbambilone.’

Kwituluka mu Mashiko 12:31

Kesi mukalemese Shukulu Kalunga Njambi yeni mu cifwa cije vakalemesa naco vinjambi vavo embwe. Omwo valemesa vinjambi vavo, vakalingi vyuma vya vunyengwe vije vyazinda Shukulu Kalunga. Vakevo vakakombelela mu tuhya kuli vinjambi vavo nameme vana vavo va vanalume nambe vana vavo va vanakazi.

Kwituluka mu Mashiko 18:10

Kesi mukakombelele vana veni va vanalume, nambe va vanakazi kupwa n̄ombelo embwe. Co vanu veni kesi vakapwe vaka-kutaa, nambe vakakulaele viyovo, nambe vakapwe valozi,

Kwituluka mu Mashiko 24:4

co munalume wendi uje wamwambatele akulivanga uje wamukondwele, kakasa lalo kumwambata embwe, omwo ikeye nalijwalesa laja. Nga akamwambata lalo, co cikapwa ca vunyengwe ku mesho a Shukulu Kalunga. Kesi mukalinge lalo vuvi vwa cifwa cangacije mu lifuti lije lyanamyana Shukulu Kalunga Njambi yeni.