Njelemiya 32:32 - Livulu lya Shukulu Kalunga

³² omwo a vuvi vwoshe vuje vuvanalingi vanu va mu Yunda na vanu va mu Yelusalema, amolika na vimyene vavo, na vantwama, na vaka-kukombelela vavo, na vaka-kwimanena.

Njelemiya 32:32 Iomraidhean Croise

Ezela 9:7

Kutunda ku matangwa a vakukulwila vetu nakweta ku litangwa lya lelo, yetu vene, vanu vove, tunalingi vuvi vwakama manene. Omwo a vuvi vwetu, yetu na vimyene vetu, na vaka-kukombelela vetu tunawila mu mavoko a vimyene veka, co vanakala nakututsiya, nakutwivila, nakututwala mu vunzinda. Vanatuzivisa shwamwa manene, ngwe mutunafu lelo.

Isaya 1:23

Vantwama vove vananjiyengula, co vanalikwata vusamba na vanu va muuka, simbu yoshe valinakutambula wana vwavungi na mazika-kanwa. Kuvesi kwamena visiwa mu vimbanja nambe kutolilila omo vifwile vambulula milonga yavo.

Isaya 22:1

Awa akewo majwi aa Cimbongo ca Vimona. Vikajo vilinakulingiwa? Omwo vikajo vanu voshe va mu nganda valinakulisambela akamwa ya vinjuvo?

Njelemiya 2:26

Shukulu Kalunga alinakwendeka ngwendi, “Ngwe mwizi mwakashauka omo vanamukwata, ngecivene, yeni voshe vanu va Isalele, vimyene veni, na vakulunu veni, na vaka-kukombelela veni, na vaka-kwimanena veni vakamishawisa,

Njelemiya 44:17

Tukalinga vyuma vyoshe vije twakulaesele ngwetu tukavilinga. Tukakombelela vin̄ombelo kuli njambi yetu wa munakazi, Lishano lya Mwilu, co tuketila vin̄ombelo vya vinyu kuli ikeye, ngwe yetu na vakukulwila vetu, na vimyene vetu, na vantwama vetu, valingile mu vinganda vya mu Yunda na mu vitapalo vya mu Yelusalema. Twakele na vyakulya vyavingi, co twakele mwamuvwa na vukalu vwai.

Njelemiya 44:21

“Ngwe a vin̄ombelo vyeni na vakukulwila veni, na vimyene veni, na vantwama veni, na vanu va mu lifuti na mu vinganda vya mu Yunda na mu vitapalo vya mu Yelusalema, kuma mwayongola ngweni Shukulu Kalunga kavizivukile nambe kuvyanuka ndi?

Njelemiya 7:17

Kuma yove kuwesi nakumona vivalinakulinga vanu va mu Yunda mu vinganda vyavo, na mu vitapalo vya mu Yelusalema ndi?

Ezekiyele 22:6

Vantwama voshe va Isalele vakulaela mu nzili yavo namukutsiya.

Ndanyele 9:16

Yove watwamenene a simbu ya kunima, ngecivene, kesi uluvale na Yelusalema. Ikeyo yapwa nganda yove, lilundu lyove lyakujela. Vanu voshe vaje twalyata navo valinakukenga a Yelusalema na ali vanu vove omwo vuvi vwetu na vuvi vuje vuvalingile vakukulwila vetu.

Ndanyele 9:6

Kutwatolililile kuli vangamba vove vaka-kwimanena, vaje vendekele mu lizina lyove kuli vimyene vetu na kuli vaka-kushwana vetu na kuli vakukulwila vetu na ku muyati wetu woshe.

Ndanyele 9:7

Yove Shukulu Kalunga, simbu yoshe wapwa u muka-vushunga, oloni yetu simbu yoshe tu vaka-kulinga vyuma vya shwamwa. Eci cinapu ca vushunga kuli yetu voshe tuli mu Yunda na mu Yelusalema, na vaIsalele voshe vaje vawashandwelele mu mafuti amuyehi naa a kulyala omo kuvakulaelele kuli yove.

Ndanyele 9:8

Vimyene vetu na vaka-kushwana vetu na vakukulwila vetu vanalingi vyuma vya shwamwa nakulinga vuvi ku mesho ove Shukulu Kalunga.