Njelemiya 32:24 - Livulu lya Shukulu Kalunga

²⁴ “VaMbambilone vanalundika mikinya kuzengeleka Yelusalema ngeci vailwise, vanu vali mu vukalu vwa njala ya lyangengela na mishongo, co nganda vakayana ku mavoko a vaMbambilone vaje valinakuyilwisa. Co vyoshe viwendekele vinapu vya vushunga.

Njelemiya 32:24 Iomraidhean Croise

2 Samwele 20:15

Co vanu va Yowave vazivile ngwavo Shemba ali kuje, ngecivene, vaile nakuzengeleka nganda. Vendile mitumbo ya livu anja ya civumbe, co vashangumukile lalo kwinda kwisi ya civumbe ngeci ciwe.

Isaya 37:33

“Omu mukemwo mwanendeka Shukulu Kalunga ali mwene wa vaAsilya ngwendi, ‘Kakakovela mu nganda eyi, nambe kwashamo mukili umo embwe. Kukwesi mashwalale vali na vintelo vakaija kuyehi na nganda eyi, nambe kuzengeleka cimpaka.

Njelemiya 16:4

Vakatsa ku mushongo wakukomokesa, co naumo wai akavalila nambe kuvatsinda. Mivila yavo ikalala asi ngwe mitumbo ya vwilo. Vakavatsiila mu nzita nakulanduka ku njala ya lyangengela, co mivila yavo ikapwa vyakulya vya tuzila na tusitu.

Njelemiya 20:5

Njikecela vitozi vavo vakapukule vufuko vwoshe vwa mu nganda eyi, nakwambata vufuko vwamwo na vivala, na vitulikilo vya vimyene va mu Yunda, co vakatwala vyuma vyoshe ku Mbambilone.

Njelemiya 24:10

Njikatuma nzita, na njala ya lyangengela, na mushongo ali vakevo ngeci naumo wai akasalao mu lifuti lije linjanene kuli vakevo na kuli vakukulwila vavo.”

Njelemiya 29:17

Shukulu Kalunga Muka-nzili yoshe alinakwendeka ngwendi, ‘Njilinakunena nzita, na njala ya lyangengela, na mishongo ali vakevo, co njikavapwisa ngwe vushuka vwa mikuyu vuje vwavuvi manene kuvuvwaa kuvulya.

Njelemiya 29:18

Njikavayandesa na nzita, na njala ya lyangengela, na mushongo, co miyati yoshe ya mu kaye vakalikomokela a vije vakamona. Kwoshe kuje kunjikavashandwela, vanu kakalisimoka nakulikomokela a vije vinalingiwa kuli vakevo. Vanu vakavashendumuna, nakupangesa lizina lyavo kupwa cisingo.

Njelemiya 32:25

Nameme ngoco, Shukulu Kalunga wa Akamwa ya Vyoshe yove wanjishikile kulanda lihya ku mesho a vakaleo, nameme nganda ije ololo vaifungulula vaMbambilone.”

Njelemiya 32:28

Njikana nganda eyi kuli Mwene Nevukaneza wa Mbambilone na ku mbunga yendi ya mashwalale, vakaifungulula

Njelemiya 32:3

Mwene Zendekiya wanjakele mu kamenga omwo njambulwile ngwange Shukulu Kalunga nendeka ngwendi, “Njikatavesa mwene wa Mbambilone ngeci afungulule nganda ya Yelusalema,

Njelemiya 32:36

Shukulu Kalunga, Njambi ya Isalele, wendekele kuli yange ngwendi, “Njelemiya, vanu valinakwendeka ngwavo, nzita, kulanduka ku njala ya lyangengela, na mushongo evi vikevyo vikaanesa nganda eyi mu mavoko a mwene wa Mbambilone. Ololo tolilila ku cuma eci cinjendeka.

Njelemiya 32:5

Zendekiya vakamutwala ku Mbambilone, co akakala kuje vene noo anjikamwanukila. Nameme akalwisa vaka-Mbambilone, oloni kakasa kuhyana embwe. Yange Kalunga, njinendekamo.”

Njelemiya 33:4

Yange Kalunga, Njambi ya Isalele, njinendeka ngwange vinjuvo vya mu Yelusalema, na lipela lya mu Yunda vikasiwuka, omwo nzita ije inavazengeleka nakuvalwisa.

Njelemiya 34:17

Ngecivene, yange Kalunga, njinendeka ngwange kumwanjononokele, kumwanene vakweni vaIsalele kupatuka kwavo. Mwamuvwa oni, njikamyana kupatuka, kupatuka kwakutsila mu nzita, na ku mushongo, nakulanduka ku njala ya lyangengela. Njikamiyevanganesa akati ka miyati ya vanu voshe va mu kaye. Co vakakomoka a vije njikalinga ali yeni.

Njelemiya 52:4

co Nevukaneza wezile na mbunga ya mashwalale vendi voshe walwisile Yelusalema, a litangwa lyamulikumi ku ngonde yamulikumi mu mwaka wamucitanu na iwana wakushwana kwa Zendekiya. Co vatungile cilombo cavo anja ya nganda, co valingile mikinya noo vetele ku vivumbe vya nganda,

Njelemiya 52:6

Co a litangwa lyamucitanu na awana ku ngonde yamuciwana mu mwaka uje vene, omo njala ya lyangengela yapwile yakama manene mu nganda, ngeci vanu kuvakele na vyakulya,

Njelemiya 6:6

Shukulu Kalunga Muka-nzili yoshe nashiki vimyene ava kushinja miti nakuyilundika mitumbo ngeci vaijeke a vivumbe vya Yelusalema. Shukulu Kalunga nendeka ngwendi, “Njikanyanyamesa eyi nganda, omwo muli vanu vavangi vaje valinakuyandesa vakwavo.

Ezekiyele 14:21

Evi vikevyo vyalinakwendeka Shukulu Kalunga wa Akamwa ya Vyoshe ngwendi, “Njikatuma vihiso vyange viwana vyakama manene a Yelusalema, nzita, na njala ya lyangengela na vikashama na mushongo, mukunyongesa vanu na tusitu mu cifwa cimo.

Ezekiyele 21:22

Ku livoko lyendi lya cilyo nakwata mukili wakusoneka ngwavo ‘Yelusalema.’ Uje mukili umuleka kuya nakwaka vyuma vimo vyakulikwasesa kuwisa civumbe mu mwela yavyo, nakutambeka mutambi wa nzita, nakwaka vyuma vimo vyakulikwasesa kuwisa civumbe kuyehi na vikolo, nakulinga mikinya ya livu kuzengeleka cimpaka, nakwinda tupila.

Ezekiyele 21:27

Kunyongesa, kunyongesa! Eyo, njikanyongesa eyi nganda. Oloni kucikalingiwa kuvanga naija uje injinaangula kuhisa nganda. Asinoni njikamwanayo.

Ezekiyele 26:8

Co vaje valinakukala mu vinganda mu lifuti lyakama vakavatsiila mu nzita. Vitozi vakenda tupila nakulinga masito nakutunga civumbe cakukola cakulivingilikiya kuli yove.

Ezekiyele 4:2

Asinoni linga vingunja na mikinya na vilombo na vyuma vimo vyakulikwasesa kuwisa civumbe omo valwisa Yelusalema.

Hambakuke 1:10

Vakevo vayengula vimyene, nakujola vamyata vakama. Nganda ya cimpaka naimo yahi kuvasa kukovela. Valundika livu ku vivumbe vya cimpaka, co vafungulula nganda.

Zakaliya 1:6

Ali vangamba vange vaka-kwimanena njanene vakukulwila veni mashiko nakunangula, oloni vawayengwile, co vakele mu luvinda omwo kujeneka kwononoka kwavo. Asinoni vatengulukile nakuzivuka ngwavo yange, Kalunga Muka-nzili yoshe, njavanyanyamesele ngwe mucavapandele kwesekesa na muje munjayongwele ngwange njikalingamo.’ ”

Mateo 24:35

Lilu na asi vikaita, oloni majwi ange kuwakaiti embwe.

Kwituluka mu Mashiko 4:26

Nga mukalingamo, co mukanyongela mu lifuti lije limukashwana lili musambwa ya Yondau. Kumukatumisa matangwa eni mu lifuti lije oloni muvavoshe mukanyonga njwa, omwo lilu na asi vinapu vukaleo vwange ku litangwa lya lelo.