Njelemiya 32:22 - Livulu lya Shukulu Kalunga

²² Wavanene lifuti eli lyalivwa lya vwilo, ngwe muwakulaesele vakukulwila vavo.

Njelemiya 32:22 Iomraidhean Croise

Kushangumuka 13:15

Lifuti lyoshe eli ulinakumona, likapwa lyove na vatekulwila vove ku myaka yoshe.

Kushangumuka 24:7

Shukulu Kalunga, Njambi wa lilu, uje wanjitundisile ku njuvo ya tate, na ku lifuti lya vavushoko vwange, ikeye walisingile nakunjikulaesa ngeci akana lifuti eli kuli vatekulwila vange. Ikeye akatuma kangelo kendi kulutwe lwove, ngeci ukase kuwana munakazi wa munange kuje.

Kushangumuka 50:24

Asinoni Yosefa wendekele kuli vandolome vendi ngwendi, “Njili muyehi na kutsa, oloni mwa vushunga Njambi akaminyunga nakumitwamenena nakumitundisa mu lifuti eli nakumitwala ku lifuti lije lyalisingile nakulikulaesa kuli Avilahama, na Isake, na Yakomba.”

Nehemiya 9:15

“Omo vakele na njala, wavanene makende akutunda mwilu, na mema akutunda mu limanya omo vakele na lihwila. Wavalekele kutambula lifuti, lije wavakulaesele kuvanalyo.

Kutuuka 13:5

Omwo Shukulu Kalunga akamitwala mu lifuti lya vaKanana, na vaHiti, na vaAmoli, na vaHivi, na vaNjevushi, lifuti lije lyalisingile na vakukulwila veni kumyanalyo, lifuti lije lyalivwa, nevi vyakujenekamo vyai, co mukanyunga ciwano eci a mwaka na mwaka ku ngonde yakulivanga.

Kutuuka 3:17

Co nayongola ngeci akamitundisa mu tuyando twa mu Ingito, nakumitwala mu lifuti lyalivwa nevi vyakujenekamo vyai, lifuti lya vaKanana, na vaHiti, na vaAmoli, na vaPelezi, na vaHivi, na vaNjevushi.’ ”

Kutuuka 3:8

Ngecivene, njinaija mukuvapatula ku livoko lya vaka-Ingito, nakuvatundisa mu lifuti eli lya Ingito nakuvatwala mu lifuti lyalivwa nevi vyakujenekamo vyai, muje ololo mucili vaKanana, na vaHiti, na vaAmoli, na vaPelezi, na vaHivi, na vaNjevushi.

Njelemiya 11:5

Asinoni njikanyunga cikumiiyo cije njalikumiiye na vakukulwila veni, ngeci njikavana lifuti lyalivwa nevi vyakujenekamo vyai, muje mumuli nakukala ololo.” Co njakumbulwile ngwange, “Ewa Shukulu Kalunga.”

Ezekiyele 20:15

Ngecivene, njalisingile muje mu mambo ngwange kunjikasa kuvatwala ku lifuti lije linjavanene, lifuti lya vufuko na vwilo, lifuti lyalivwa manene kutuvakana mafuti oshe.

Ezekiyele 20:6

Njavakulaesele kuvatundisa mu Ingito nakuvatwamenena ku lifuti lije njavaangwilile, lifuti lya vufuko na vwilo, lifuti lyalivwa manene kutuvakana mafuti oshe.

Kulava 14:16

‘Shukulu Kalunga natsiila vanu vendi mu mambo omwo nonwa kuvatwala mu lifuti lije wavakulaesele kuvanalyo, mukemwo navatsiila mu mambo?’

Kulava 14:30

Naumo wai akovela mu lifuti lije njamikulaesele kumyanalyo, kuvanga lika Kalembi muna Njefune, na Yoshwa muna Nune.

Kwituluka mu Mashiko 1:35

‘Mwa vushunga naumo wai wa ali vanu ava va cisemwa eci ca vuvi akakovela mu lifuti lije lyalivwa lije linjakulaesele kulyana kuli vakukulwila vavo.

Kwituluka mu Mashiko 1:8

Kengeni, njamyana lifuti lyoshe eli lije yange Kalunga njalikulaesele kulyana kuli vakukulwila veni, va Avilahama, na Isake, na Yakomba, na ku vatekulwila vavo. Co yeni mukalishwane.’ ”

Kwituluka mu Mashiko 6:10

“Omo Shukulu Kalunga Njambi yeni akamikovelesa mu lifuti lije walikulaesele kulyana vakukulwila veni va Avilahama, na Isake, na Yakomba, co ikeye akamyana lifuti lije lili na vinganda vyakama vyavivwa vije yeni kumwatungile.

Kwituluka mu Mashiko 6:18

Ngecivene, mukalinge vyakushungama na vyavivwa vije Shukulu Kalunga wamishikile kuvilinga, ngeci mukakale mwamuvwa. Co mukakovela nakushwana lifuti lyalivwa lije Shukulu Kalunga walikulaesele kulyana kuli vakukulwila veni,

Kwituluka mu Mashiko 6:23

Ikeye watutundisile kuje ngeci akutukovelese muno nakutwana lifuti lino, lije wakulaesele kulyana kuli vakukulwila vetu.

Kwituluka mu Mashiko 7:13

Co ikeye akamizema nakumivezikisa, mukatuma nakukala na vana vavangi, na vimbuto mu mahya eni, na vimbuto vya vinona, na vinyu vyaviha, na mazi a olive, nakumyana vimuna vavangi, na vimanga vavangi. Ikeye akamyana vivezikiso vyoshe evi mu lifuti lije wakulaesele vakukulwila veni kumyanalyo.

Kwituluka mu Mashiko 8:1

“Ononokeni mashiko oshe awa njimishika ku litangwa lya lelo, mukanyanyame nakuwalinga ngeci mukayoye, nakusemunwina manene, co mukakovela nakushwana lifuti lije lyakulaesele Shukulu Kalunga kulyana vakukulwila veni.

Yoshwa 1:6

Kolesa nakusimpa omwo yove ukapwa ntwama ya vanu ava, ngeci vakashwane lifuti lije njalisingile na vakukulwila vavo kuvanalyo.

Yoshwa 21:43

Ngecivene, Shukulu Kalunga waanene vaIsalele livu lyoshe lije lyalikumiiye na vakukulwila vavo ngeci akavanalyo. Omo valitambwile, co vatungilemo.