Njelemiya 32:20 - Livulu lya Shukulu Kalunga

²⁰ Ku san̄ulu walingile vizivukiso na vikomokeso vyakukomokesa mu Ingito, co wakele nakuvilinga nakweta ku litangwa lya lelo mu Isalele, na akati ka miyati yoshe yeka, ngecivene, ololo vanakuzivuka kwoshe-ikwoshe.

Njelemiya 32:20 Iomraidhean Croise

2 Samwele 7:23

Kukwesi muyati weka lalo ano asi wakufwa ngwe Isalele, uje uwapatwile mu vunzinda nakuvapwisa vanu vove. Vyuma vije vyakama na vyakukomokesa vije viwalingile vinashandola lutsimo lwove mu kaye mwoshe. Yove washekele miyati yeka na vinjambi vavo omo vanu vove vakele nakuya kulutwe, vanu vaje wapatwile ku Ingito ngeci vapwe vove.

1 Mizimbu 17:21

Kukwesi muyati weka lalo ano asi wakufwa ngwe Isalele, uje uwapatwile mu vunzinda nakuvapwisa vanu vove. Vyuma vije vyakama na vyakukomokesa vije viwavalingilile vinashandola lutsimo lwove mu kaye mwoshe. Wapatwile vanu vove mu Ingito nakusheka miyati yeka omo vanu vove vakele nakuya kulutwe.

Nehemiya 9:10

Walingile vikomokeso ali mwene, na ali vamyata vendi, na ali vanu voshe va mu lifuti lyendi, omwo wazivukile muje muvayandesele vanu vove. Watsimanesele lizina lyove, ngwe mulinatsimana na lelo lino.

Nehemiya 9:11

Mukati ka mema a kalunga walingilemo ngila ya vanu vove, co wavatwamenenene mukati oku valinakwenda a livu lyakuma. Vaje vavakavele vakupukile mu mema akulova, ngwe muje mulikakupuka limanya na mankimba a mu mema a kalunga.

Myaso 135:9

Ikeye walingile vikomokeso na vizivukiso, mukuhisa mwene wa Ingito na vamyata vendi voshe.

Kutuuka 10:2

ngeci mukase kukalekako vana veni na vatekulyeni omu munjinapwisa vaka-Ingito vikolokomba omo akulinga vikomokeso akati kavo. Co yeni voshe mukazivuka ngweni kuma yange njapwa Kalunga.”

Kutuuka 3:20

Co njikolola livoko lyange nakupupa Ingito na vikomokeso vyange vyoshe vinjikalinga ali vakevo. Co munima yevi asinoni akamitava muye.

Kutuuka 7:3

Oloni yange njikakaluwisa mbunge ya mwene, co kakatava kukutolilila, nameme njikatumisa vizivukiso na vikomokeso vyakufwa vati mu Ingito.

Kutuuka 9:16

Oloni akukumwesa nzili yange, njakutavele kuyoya ngeci lizina lyange likatsimane mu kaye mwoshe.

Isaya 63:12

Nzili ya Shukulu Kalunga yapangesele Mosesa vyuma vyakama, uje wemikile mema a kalunga nakutwamenena vanu vendi a nzinga, ngeci lizina lyendi litsimane ku myaka yoshe.”

Isaya 63:14

Munzinzime wa Shukulu Kalunga wavanene kuhwima mwamuvwa ngwe vingombe vawana kuhwima omo vavatwamenena ku cana ca mwila wauvwa. Lizina lya Shukulu Kalunga valishangazalele akulinga vyuma vyoshe evi.

Njelemiya 13:11

Ngwe mwiva muukakakateya mu mbunda ya munu, mukemwo vene vanu va mu Isalele voshe, na vanu va mu Yunda voshe vakakateyeye kuli yange. Njalingile vyuma evi ngeci vapwe vanu vange, co vakalemese nakusingimika lizina lyange, oloni kuvanjononokele.”

Ndanyele 6:28

Co Ndanyele wavezikile a simbu yashwanene Ndalyuse na a simbu yashwanene Siluse kaPelesha.

Ndanyele 9:15

“Yove Shukulu Kalunga Njambi yetu, wamwesele nzili yove akutundisa vanu vove mu lifuti lya Ingito, co na ololo tucili nakwanuka nzili yove. Tunalingi vuvi, co tunaviisa.

Vilinga vya Miluwa 7:36

Ikeye watundisile vanu mu Ingito, co walingile vizivukiso na vikomokeso mu Ingito na ku Lishali Lyakuvenga na mu mambo lalo a myaka makumi awana.

Kwituluka mu Mashiko 11:3

na vizivukiso vyendi na vikomokeso vyendi, vije vyalingile kuli mwene wa Ingito, na lifuti lyendi lyoshe.

Kwituluka mu Mashiko 4:34

Kuma kwakele njambi weka watundisile muyati umo ku muyati ukwavo, ngeci akavapwise vanu vendi, ngwe mwalingile Shukulu Kalunga Njambi yeni ali yeni mu Ingito ndi? Ku mesho eni vene ikeye washolwele nzili yendi yakama na vukama, wanenele mishongo yakulitambwisa amo na nzita, co walingile vizivukiso na vikomokeso, co washolwele vyuma vyakujajesa mu Ingito mwoshe.

Kwituluka mu Mashiko 6:22

Shukulu Kalunga washolwele vizivukiso na vikomokeso vyakama vyakukaluwa a Ingito, na ali mwene wa Ingito na ali vamyata vendi voshe.

Kwituluka mu Mashiko 7:19

Oloni mukanuka vikomokeso vije mwamwene na mesho eni vavenya, na vizivukiso, na vikomokeso, na nzili yakama ije yamitundisile nayo Shukulu Kalunga Njambi yeni mu vundungo. Mu ngila eyi vene wanyongesele vaka-Ingito, co ikeye akanyongesa lalo vanu voshe ava mulinakutewa ololo.