Njelemiya 32:18 - Livulu lya Shukulu Kalunga

¹⁸ Ukamwesa cizemo cove cije kucesi kutenguluka ku vanu vavangi-vangi, oloni lalo ukanyanyamesa vanu a vuvi vwa visemi vavo. Yove Shukulu Kalunga, Njambi Muka-nzili yoshe.

Njelemiya 32:18 Iomraidhean Croise

Kushangumuka 49:24

Oloni vuta vwendi vwa lusipa vukapwa vwakukola ngo, mavoko endi akapwa a nzili, omwo a nzili ya Njambi Muka-nzili yoshe, ikeye Njambi ya Yakomba, nomwo a nzili ya Kanyungi, ikeye Cimpaka ca Isalele.

2 Vimyene 9:26

‘Izau njinamwene Navote na vana vendi. Co njikulaesa ngeci nove lalo vakakutsiila mu lihya lino vene.’ ” Co Yehu washikile mukwasi wendi ngwendi, “Ambata muvila wa Njolame uumbile mu lihya lije lyapwile lya Navote, mukushulisa cikulaeso ca Shukulu Kalunga.”

Nehemiya 1:5

“Yove Shukulu Kalunga Njambi wa mwilu! Yove Njambi wakama, wakujujwisa. Yove muka-kunyunga cikumiiyo na cizemo cije kucesi kutenguluka kuli vaje vakuzema nakunyunga mashiko ove.

Myaso 50:1

Shukulu Kalunga Njambi Muka-nzili yoshe alinakwendeka, ikeye nasana kaye koshe, kutunda mu ngangela na mu kangombe ka yambi.

Myaso 89:9

Yove ukashiki mema a kalunga a nzili, omo mankimba ao akatuka yove uwolwesa.

Kutuuka 34:6

Asinoni Shukulu Kalunga wetile kulutwe lwendi, co walitumbwile lizina lyendi ngwendi, “Yange Kalunga, njapwa Njambi uje washula na kutetela na mema ku mbunge, uje kesi kuluvala vwasi, muka-kulongwa na muka-kumwesa cizemo cije kucesi kutenguluka.

Kutuuka 34:7

Yange njimwesa cizemo cije kucesi kutenguluka ku makulukazi a vanu, nakuvasambesa ku milonga yavo na ku kupenga-penga kwavo, na ku vuvi vwavo. Oloni kunjikajuka kunyanyamesa vana na vatekulu ku cisemwa camucitatu neci camuciwana a vuvi vwa visemi vavo.”

Isaya 10:21

Vanu va Isalele vavandondo likae vakeluka kuli Njambi yavo Muka-nzili yoshe.

Isaya 57:15

“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Isaya 9:6

Omwo kuli yetu kunasemuka mbututu! Vanatwana mwana wa munalume! Co akapwa muka-kutushwana. Vakamutumbula ngwavo, “Muka-kunangula Wakukomokesa.” “Njambi Muka-nzili yoshe” “Tate wa ku Myaka Yoshe.” “Mwene wa Kwoloka.”

Njelemiya 10:16

Njambi ya Yakomba kalifwile navo, ikeye lika watangele vyuma vyoshe, waangwile Isalele kupwa vanu vendi. Lizina lyendi ikeye Shukulu Kalunga Muka-nzili yoshe.

Njelemiya 10:6

Shukulu Kalunga, kukwesi weka wakulifwa nove wai, u Muka-nzili, lizina lyove lyapwa lyakama lya nzili.

Njelemiya 20:11

Oloni yove Shukulu Kalunga, uli amo nange kupwa muka-nzili na muka-kujujwisa, voshe vaje vanjipakesa vakonwa. Vakaziva shwamwa ku myaka yoshe omwo kuvakahyana embwe.

Njelemiya 31:35

Shukulu Kalunga waaka litangwa kutwa ceke ku mutanya, co ngonde na vingongonosi kutwa ceke ku vutsiki. Ikeye akatula mema a kalunga ngeci mankimba angwanjange, lizina lyendi ikeye Shukulu Kalunga Muka-nzili yoshe.

Njelemiya 33:2

“Yange Kalunga uje watangele asi, co njamungile kaye nakukatumbika mu mwela wako.

Njelemiya 50:34

Oloni uje akavapatula ali na nzili, lizina lyendi ikeye Shukulu Kalunga Muka-nzili yoshe. Ikeye akasompa vyavo, akanena kwoloka ano asi, oloni tuyando kuli vanu va Mbambilone.”

Ndanyele 2:45

Co wamwene limanya lije lyatendukile kutunda ku munkinda kujeneka umo kulikwata, co likelyo lyavujwile kaje kamponya kakupanga na vutale, na vunengu, na vuma, na siliva, na ngolinde. Njambi uje wakama alinakukunangula yove shukulu vije vikalingiwa kulutwe. Mwa vushunga njinakulumbunwina mwamuvwa njozi yove, co njinakuleke muyinalumbunukila.”

Hambakuke 1:12

Shukulu Kalunga, kutunda kukushangumuka yove wapwa u Njambi vene. Yove wapwa u Njambi yange wakujela, co wakala myaka yoshe. Shukulu Kalunga, Njambi yange muka-kunjinyunga, yove unaangula vaMbambilone, co unavana nzili ngeci vatuhise.

Kulava 14:18

‘Yange Kalunga kunjesi kuluvala vwasi embwe. Njashula na cizemo cije kucesi kutenguluka nakusambesa vuvi vwavo nakutengulukila kwavo. Oloni kunjikonwa kunyanyamesa vana na vatekulwila a vuvi vwa vaishavo ku cisemwa camucitatu neci camuciwana.’

Mateo 27:25

Co voshe vamukumbulwile ngwavo, “Maninga endi aije ali yetu na ali vana vetu!”

Luka 6:38

Aneni vakweni, co Njambu akamyana. Mwa vushunga vene, mukatambula vyavingi, vukwasi vwakushemutukwa, vakavwaka mu mavoko eni, vukwasi vuje vwoshe mwasa kukwata. Seteko ije musetaka nayo vakweni, ikeyo lalo yakamiseteka nayo Njambi.”

Kwituluka mu Mashiko 10:17

Omwo Shukulu Kalunga Njambi yeni ikeye wapwa Njambi ya vinjambi voshe, na Shukulu ya vishukulu voshe, Njambi wakama wakujujwisa. Ikeye Muka-nzili yakukomokesa, kesi na kahangu, co kesi kutambula lizika-kanwa embwe.

Kwituluka mu Mashiko 7:21

Ngecivene, kesi mukavazivile lyova omwo Shukulu Kalunga Njambi yeni, ou ali akati keni ikeye Njambi Muka-nzili, wakujujwisa.