Njelemiya 32:17 - Livulu lya Shukulu Kalunga

¹⁷ “Shukulu Kalunga wa Akamwa ya Vyoshe, yove watangele kaye na melu na nzili yove yakama, na livoko lyove lyakwolola, kukwesi cuma cacikalu kuli yove cai.

Njelemiya 32:17 Iomraidhean Croise

Kushangumuka 18:14

Kuma kuli cuma cimo cacikalu kuli Shukulu Kalunga ndi? Ngwe vene munjinendeka, a simbu ino vene mungolosika njikeluka kuli yove, co Sala akakita mwana wa munalume.”

2 Vimyene 19:15

co walombelele ngwendi, “Shukulu Kalunga, Njambi ya Isalele, yove watumbama akamwa ya vakelumbi va mambava, yove lika wapwa Njambi, yove washwana vumwene vwoshe vwa mu kaye. Yove watangele kaye na lilu.

2 Vimyene 3:18

Co Elisha wendekele ngwendi, “Eci cinapu cuma cacasi kuli Shukulu Kalunga kucilinga, co ikeye akamihyanesa kuli vaMowavi.

Nehemiya 9:6

Asinoni vanu va Isalele valombelele lilombelo eli, “Yove Shukulu Kalunga, yove lika u Shukulu Kalunga, yove watangele melu na vingongonosi vya mwilu. Yove watangele nunda na mema a kalunga na vyuma vyoshe vilimo. Yove waanene mwonyo ku vyoshe. Vyoshe vili mwilu vikutsikamena nakukulemesa.

Yombi 42:2

Njizivuka, Shukulu Kalunga ngeci yove u muka-nzili yoshe, co wasa kulinga vyoshe viwushaka.

Myaso 102:25

Ku san̄ulu yove wajalele luvula lwa asi, co melu akewo vipangi vya mavoko ove.

Myaso 136:12

Na livoko lyendi lya nzili, omwo cizemo cendi cije kucesi kutenguluka cakala ku myaka yoshe.

Kutuuka 20:11

Omwo a matangwa atanu na limo, yange Kalunga njatangele lilu, na asi, na mema a kalunga, na vyoshe vije vilimo, oloni a litangwa lyamucitanu na avali likelyo njahwimine. Mukemwo vene yange Kalunga njavezikisile Litangwa Lyakuhwima nakulijelesa.

Isaya 42:5

Njambi watangele melu nakuwajangumuna, ikeye wajalele kaye na vyoshe vije vilimo, ikeye mukakwana mwonyo kuli vanu voshe va mu kaye. Co ololo Shukulu Kalunga Njambi nendeka kuli ngamba yendi ngwendi,

Isaya 44:24

“Yange Kalunga, muyoyesi weni, yange uje wamitangele, yange Kalunga, Ishamatanga wa vyuma vyoshe. Ange lika njajangumwine melu, omo njajalele kaye, naumo wai wanjikwaseleko.

Isaya 45:12

Yange njatangele kaye, nakutanga munu ngeci ayoyeleo. Njajangumwine melu na nzili yange, yange muka-kushika litangwa, na ngonde, na vingongonosi.

Isaya 59:1

Kesi muyongole ngweni Shukulu Kalunga wapwa wakuzeya manene mukumyamena, nambe wapwa kasinda-matwi manene mukuziva malombelo eni ngeci amikwase embwe!

Njelemiya 1:6

Co njakumbulwile ngwange, “Shukulu Kalunga wa Akamwa ya Vyoshe, kunjizivukamo kwendeka, nji mwanike wamundondo.”

Njelemiya 14:13

Asinoni njendekele ngwange, “Shukulu Kalunga wa Akamwa ya Vyoshe, wazivuka ngeci vaka-kwimanena valinakuleka vanu ngwavo yove wakulaesele ngwove kukukakala nzita, nambe njala ya lyangengela, kukakala lika kwoloka mu lifuti lyetu.”

Njelemiya 21:2

“Twendekeleko kuli Shukulu Kalunga, omwo Mwene Nevukaneza wa ku Mbambilone ashaka kutulwisa. Amo Shukulu Kalunga akalinga cikomokeso cimo ngeci Nevukaneza eluke.”

Njelemiya 27:5

“Yange njatangele kaye, na vanu, na tusitu, vaje vali ano asi, na nzili yange yakama na livoko lyange lyakwolola, co njivyana kuli munu uje injashaka.

Njelemiya 32:27

“Yange Kalunga, Njambi wa vanu voshe. Kukwesi cuma cimo cacikalu kuli yange cai.

Njelemiya 33:3

Njihule, co njikakukumbulula, nakukuleka vyuma vyakama vyakukomokesa.

Njelemiya 4:10

Asinoni njendekele ngwange, “Yove Shukulu Kalunga wa Akamwa ya Vyoshe, mwa vushunga unakwisa vanu va mu Yelusalema akwendeka ngwove kukakala kwoloka, oloni mukwale anga ucili ku milivu yavo.”

Njelemiya 51:15

Shukulu Kalunga watangele kaye na nzili yendi, watangele kaye na mana endi, co wajangumwine melu.

Njelemiya 51:19

Njambi ya Yakomba kalifwile natwo embwe, ikeye watangele vyuma vyoshe, co waangwile Isalele kupwa vanu vendi. Lizina lyendi ikeye Shukulu Kalunga Muka-nzili yoshe.

Ezekiyele 11:13

Omo njambulwile vuka-kwimanena, Pelatiya muna Mbenaya watsile. Co vwasi-vwasi njakulamene asi nakutambeka ngwange, “Embwe, Shukulu Kalunga wa Akamwa ya Vyoshe! Kuma ukanyongesa vanu voshe vaje vanasalao mu Isalele ndi?”

Ezekiyele 9:8

Omo vakele nakutsiya vanu, njasalele ange lika. Co njakulamene asi nakutambeka ngwange, “Yove Shukulu Kalunga wa Akamwa ya Vyoshe, kuma unaluvala na Yelusalema ngeci ulinakutsiya munu woshe uje nasalao mu Isalele ndi?”

Ndanyele 2:22

Akasholola vyuma vyakulova nevi vyakushwekesa, azivuka vije vyakuvanda mu lisusulungu, ceke camuzengeleka.

Ndanyele 6:20

Omo washwenyele kuyehi, watambekele na lijwi lya vusiwa ngwendi, “Ndanyele, ngamba ya Njambi wakuyoya! Njambi uje iwapangela na kulongwa manene nakwamena ku tunwa twa vindumba ndi?”

Zakaliya 12:1

Awa akewo majwi a Shukulu Kalunga kuli Isalele, Shukulu Kalunga uje wajangumwine melu, uje watangele asi, nakwana mwonyo kuli munu. Ikeye alinakwendeka ngwendi,

Zakaliya 8:6

“Eci cikapwa ngwe cuma cacikalu ku miyati ya vanu vange vaje vasaleleo, oloni kucikapu cacikalu kuli yange embwe.

Kulava 11:23

Co Shukulu Kalunga wamukumbulwile ngwendi, “Kuma nzili yange yakala naa ayahwila ndi? Cooni ololo ukamona nga evi njinendeka vikalingiwa nambe kuvikalingiwa!”

Mateo 19:26

Oloni Yesu wavakengele shwii, co wavakumbulwile ngwendi, “Eci cinakaluwa lika kuli vanu, oloni kuli Njambi vyuma vyoshe vyavyasi.”

Mako 10:27

Yesu wavakengele shwii, co wavakumbulwile ngwendi, “Eci cinakaluwa lika kuli vanu, oloni kuli Njambi vyuma vyoshe vyavyasi.”

Luka 1:37

Omwo cuma nacimo cai cahonwa Njambi kulinga.”

Luka 18:27

Co Yesu wavakumbulwile ngwendi, “Cije cacikalu kuli vanu cinapu cacasi kuli Njambi.”

Vilinga vya Miluwa 14:15

“Omwo vikajo mulinakulinga cuma eci? Netu tunapu tu vanu ngeci mweni! Tulikuno mukwambulula Vin̄anda Vyavivwa, mukumitengulula ku vyuma vyangoco ngeci mwije kuli Njambi wakuyoya, uje watangele lilu na asi na mema a kalunga na vyoshe vilimo.

Vilinga vya Miluwa 15:18

Mukemwo mwalinakwendeka Shukulu Kalunga, uje washolwele vyuma evi ku san̄ulu.’ ”

Vilinga vya Miluwa 17:24

Njambi uje watangele kaye na vyoshe vilimo, ikeye Mwene wa lilu na asi, co kesi kuyoya mu njuvo yakutunga na mavoko a vanu.

Kujombolola 4:11

“Mwene yetu na Njambi yetu! Yove wafwila kutambula vumpau na kasingimiko na nzili. Omwo yove watangele vyuma vyoshe, co ku cizango cove vavyanene kuyoya na mwonyo.”