Njelemiya 32:10 - Livulu lya Shukulu Kalunga

¹⁰ Njasonekele mukanda wa ndando nakuwaka cimweso, njasanene vakaleo, co twapeselesele siliva a cipeseleso.

Njelemiya 32:10 Iomraidhean Croise

Kushangumuka 23:16

Avilahama watavele, co wafwetele ndando ije yatumbwile Efelone, na vaHiti vazivileko. Yapwile mu vimbongo vyakupwa 400 vya mavundungulu a siliva, ngwe ku seteko ije vakele nakweseka nayo vaka-kulandesa.

Kushangumuka 23:20

Co lije lihya na linzenzengoma lije lyakelemo, vaHiti vavilandesele kuli Avilahama kupwa vimbumbo.

Yombi 14:17

Ukavisambesa nakuvyumbila kulyala, ukazimangana kupenga-penga kwoshe kunjalingi.

Myaso ya Solomoni 8:6

Njake mu mbunge yove ngwe cimweso, ngwe cimweso ca ku livoko lyove. Omwo cizemo cakala na nzili ngwe kutsa, lifuwa lyakala na muuka ngwe vukalo vwa vatsi. Vukalu vwaco vwapwa ngwe milangi ya tuhya twakama.

Isaya 30:8

Njambi wanjilekele kusoneka mu livulu majwi endi kuli vanu, ngeci kukakale visoneka vya ku myaka yoshe vya a vuvi vwavo.

Isaya 44:5

“Vanu vakendeka kuli umo na mukwavo ngwavo, ‘Nji wa Shukulu Kalunga.’ Vakaija nakulipandakana na vanu va Isalele. Munu na munu akaka cizivukiso ca lizina lya Shukulu Kalunga a livoko lyendi, nakulitumbula ikeye vavenya kupwa umo wa vanu va Njambi.”

Njelemiya 32:12

co njayanene kuli Mbaluke, muna Neliya mutekulu wa Mahaseya. Co njamwaneneyo ku mesho a Hanamele na ku mesho a vakaleo vaje vasonekele kuje ku mukanda wa cimweso na kuli vanalume vaje vatumbamene mu cipango ca lipela.

Njelemiya 32:25

Nameme ngoco, Shukulu Kalunga wa Akamwa ya Vyoshe yove wanjishikile kulanda lihya ku mesho a vakaleo, nameme nganda ije ololo vaifungulula vaMbambilone.”

Njelemiya 32:44

Vanu vakalanda, co vakasoneka vukaleo vwa vikumiiyo, nakuvisatesa. Evi vakavilingila mu mutambela wa lifuti lya Mbenjemani, mu membo akuzengeleka ku Yelusalema, mu vinganda vya mu Yunda, na mu vinganda vya mu lifuti lya malundu, na mu membo a mu lifuti lya ku vushelumukilo vwa malundu, na mu mbwela ya mutambela wa lifuti lya Yunda. Co njikelwisila vanu mu lifuti lyavo. Yange Kalunga, njinendekamo.”

Ndanyele 8:26

Cimona cakukombelela ca cingwezi na mutondo civanakulumbunwina cikapwa ca vushunga. Oloni unapande kucinyunga mu mbunge yove, omo kukaita myaka yaingi simbu kanda cipwe ca vushunga.”

Mateo 27:66

Ngecivene, vaile, co vanyungile mwamuvwa mbumbo, vaakele cisateso a limanya, co vasezele mashwalale kunyungako.

Yowano 3:33

Oloni woshe atambula muzimbu wendi amwesa ngeci Njambi wapwa muka-vushunga.

Yowano 6:27

Kesi mupangele vyakulya vije vikavola, oloni pangeleni vyakulya vya mwonyo wa myaka yoshe. Evi vikevyo vyakulya vije vyakamyana Muna Munu, omwo Njambi, Ishe, namwaka cimweso cakumutava.”

2 Kolinte 1:22

uje naka cizivukiso cendi ali yetu, ngeci atufuke, uje natwana Munzinzime Wakujela mu vimbunge vyetu ngwe cishimbikiya ca vyoshe vije vyanatutulikila.

Efeso 1:13

Ngecivene, neni lalo mwapwile mu vanu va Njambi omo mwazivile lijwi lya vushunga, Vin̄anda Vyavivwa vije vyaminenele kwovoka. Mwakulaelele muli Kilistu, co Njambi namyaka cizivukiso cakupwa muvendi akumyana Munzinzime Wakujela uje yamikulaesele.

Efeso 4:30

Co kesi muviililise Munzinzime Wakujela wa Njambi, omwo Munzinzime Wakujela wapwa cimweso ca Njambi ca vundambo ali yeni, napu cishimbikiya ngeci litangwa likaija omo Njambi akamipatula.

Kwituluka mu Mashiko 32:34

“Shukulu Kalunga alinakwanuka vije vivalingile vitozi vavo. Ikeye navandamena simbu yakuvahisa.

Yoshwa 18:9

Ngecivene, vaje vanalume vaile nakwitangana a livu lyoshe nakusoneka muvakalipangezela mu mitambela itanu na ivali, co vasonekele mazina a vinganda. Asinoni velukile kuli Yoshwa ku cilombo ca ku Shilo.

Kujombolola 7:2

Co njamwene kangelo mukwavo atundilila mu ngangela na kasateso ka Njambi wakuyoya. Watambekele na lijwi lyakama kuli vaje tungelo vawana vaje Njambi waanene nzili yakuviisa asi na mema a kalunga.

Kujombolola 9:4

Vavashikile ngeci kesi vaviise mwila nambe miti nambe cuma cimo cakumena, vanapande kuvulumuna lika vanu vaje kuvesi na cizivukiso ca kasateso ka Njambi a maholo avo.

Lute 4:1

Asinoni Mbowasi waile ku mwela wakukungulukila ku cikolo ca mu nganda, co watumbamene mu mbanja. Cooni kavushoko ka Elimeleke wa a mbunge, uje yatumbwile Mbowasi, wezile. Ngecivene, Mbowasi wamusanene ngwendi, “Ndolome yange ija utumbame kuno.” Co watumbamene.