Njelemiya 31:9 - Livulu lya Shukulu Kalunga

⁹ Vanu vange vakaija nakulila, nakulombela omo njivatwamenena mukuvelwisa. Njikavatwamenena ku vana va vindonga vya mema, mu ngila yaivwa muje kuvakasa kutanuka. Yange njapwa ishe ya Isalele, co Efalime ikeye munange wa ntwatwa.”

Njelemiya 31:9 Iomraidhean Croise

1 Mizimbu 29:10

Co aje vene, kulutwe lwa mbunga yoshe, Mwene Ndaviti washangazalele Shukulu Kalunga, wendekele ngwendi, “Shukulu Kalunga Njambi ya kukulwila yetu Yakomba, vakushangazale ku myaka yoshe!

Myaso 107:7

Shukulu Kalunga wavatwamenenene mu ngila yakushungama, nakuvetesa ku nganda ivanapande kukala.

Myaso 23:2

Anjihwimisa a mwila wakuzivuluka, nakunjitwamenena ku mema a kwoloka.

Myaso 89:27

Njikamupwisa munange wa ntwatwa, co akapwa wakama ku vimyene voshe va asi.

Kutuuka 4:22

Asinoni ukendeka kuli mwene ngwove Shukulu Kalunga nendeka ngwendi, ‘Isalele wapwa munange wa munalume, ikeye ntwatwa yange.

Isaya 42:16

“Njikatwamenena tupuputwa twange mu vitapalo vije kuvendele. Njikatengulula lisusulungu lyavo kupwa ceke, njikavavwaesela lifuti lije lya minkinda nakulipwisa lyakulambasa. Evi vikevyo vikulaeso vyange, co njikavanyunga, kunjikajuka embwe.

Isaya 43:20

Nameme tusitu vakanjisingimika, vimbanje na vankumbwa vakanjishangazala, njiketisa vindonga vya mema mu mambo, kwana mema ku vanu vange vaje vanjalyangwilile.

Isaya 45:11

Shukulu Kalunga, Njambi wakujela wa Isalele, uje muka-kuvwaesa vyuma vya kulutwe, alinakwendeka ngwendi, “Kumwapandele kunjihula ali vana vange, nambe kunjileka vinjinapande kulinga!

Isaya 57:14

Shukulu Kalunga alinakwendeka ngwendi, “Eceleni vanu vange veluke kuli yange. Tundiseni mingowa mu ngila ya vanu vange! Sheveni tapalo nakuyivwaesela cimweja!

Isaya 63:13

Shukulu Kalunga wavatwamenenene mu vinzinga vyakulova, co vendele mwamuvwa ngwe tuvalu vaje valyendela ngoco kujeneka kutanuka.

Isaya 63:16

Yove wapwa u tatetu. Vakukulwila vetu Avilahama na Yakomba vonwele kutukwasa, oloni yove Shukulu Kalunga unapu u tatetu, uje muka-kutwamena ku visimbu vyoshe.

Isaya 64:8

Oloni yove Shukulu Kalunga wapwa u tatetu. Yetu tunapu ngwe vuma, co yove unapu ngwe muka-kushonga. Yove watutangele,

Njelemiya 3:19

Shukulu Kalunga alinakwendeka ngwendi, “Isalele, njashakele kukutambula ngeci upwe u munange nakukwana lifuti lyalivwa, lifuti lyalivwa manene mu kaye koshe. Njashekele ngwange unjitumbule nji isho ngeci kesi utunde lalo kuli yange.

Njelemiya 3:4

“Co ololo wendeka kuli yange ngwove, ‘Yove u tate wanjizema tunde ku vwanike vwange.

Njelemiya 31:20

“Isalele, yove wapwa munange injazema manene, wapwa mwana injazema manene kutuvakana. Nameme njishaka kukunyanyamesa, anga vene njikuyongola. Mbunge yange ikushaka manene, co njikakuzivila mema ku mbunge.

Njelemiya 50:4

Shukulu Kalunga alinakwendeka ngwendi, “Omo simbu iketa vanu va mu Isalele na vanu va mu Yunda voshe vakaija nakulila, nakunjilemesa yange Njambi yavo.

Hoziya 12:4

Walwile na kangelo, co wamuhyanene. Yakomba walilile nakulomba civezikiso. Co Njambi wezile kuli kukulwila yetu Yakomba ku Mbetele, co wendekele nendi.

Hoziya 3:5

Oloni simbu ikaija omo vanu va mu Isalele vakeluka lalo kuli Shukulu Kalunga Njambi yavo, na kuli mutekulwila wa Ndaviti mwene yavo. Co vakakomoka Shukulu Kalunga, co vakatambula vivezikiso vyendi vyavivwa.

Zakaliya 12:10

“Njikashulisa vatekulwila va Ndaviti na vanu veka va mu Yelusalema na munzinzime wa mema ku mbunge na munzinzime wakulombela. Vakakenga kuli uje ivativile likunga nakumutsiya, co vakamulila ngwe vaje vanatsisa munavo umolika. Vakalila manene, ngwe vaje vanatsisa munavo wa ntwatwa umolika wa munalume.

Malakiya 2:10

Kuma yetu voshe tatetu kesi umolika ndi? Kuma kesi Njambi umolika watutangele ndi? Omwo vikajo tulitengulukila yetu vavenya, nakushawisa cikumiiyo ca vakukulwila vetu?

Kulava 2:18

“Muyati wa Efalime vakashimbike vimbalaka vyavo ku mutambela wa kangombe ka yambi mwisi ya pandelo ya mbunga yavo. Ntwama ya vanu va Efalime ikeye Elishama muna Amihunde.

Mateo 3:3

Omo ou ikeye Yowano uje yatumbwile Isaya muka-kwimanena ngwendi, “Lijwi lya umo atambeka mu mambo ngwendi, ‘Vwaeseni tapalo ya Shukulu Kalunga, sheveni mu ngila yendi ngeci akwitilemo!’ ”

Mateo 5:4

“Vanavezika vaje valinakulila, omwo Njambi akavazembeleka!

Mateo 6:9

Omu mukemwo mumunapande kulomba, ngweni, ‘Tatetu uli mwilu, valemese lizina lyove,

Luka 6:21

“Mwavezika yeni muli na njala ololo, omwo mukakuta! “Mwavezika yeni mulinakulila ololo, omwo mukajolela!

Loma 8:26

Mu ngila eyi vene Munzinzime aija nakutukwasa mukuzeya kwetu. Omwo kutuzivuka vati tunapande kulombela, oloni Munzinzime akalambelela kuli Njambi na majwi akukemanga aje kutwasa kutumbula.

2 Kolinte 6:18

Njikapwa nji ishweni, co yeni mukapwa vana vange va vanalume na ava va vanakazi, mwanendeka Shukulu Kalunga Muka-nzili yoshe.”

Kwituluka mu Mashiko 14:1

“Yeni munapu mu vanu va Shukulu Kalunga Njambi yeni. Ngecivene, omo mukalila a kutsa, kesi mukalicate a mivila yeni nambe kuteula vin̄ambu vya kumukulo wa maholo eni embwe, ngwe muvakalingi vanu vamo.

Kwituluka mu Mashiko 32:6

Kuma eyi ikeyo ngila imukapangesa nayo kuli Shukulu Kalunga ndi? Eni vikolokomba vakujeneka mana! Ikeye ishweni, uje wamitangele, ikeye wamipwisile muyati.

VaHevelu 12:13

Endeni mu vingila vyakushungama, ngeci lindi lije lya vulema kesi likatanuke.

VaHevelu 12:23

Yeni munaija kukuvwaelela ku cikungulukilo ca vana va ntwatwa va Njambi, vaje mazina avo vanawasoneka mwilu. Yeni munaija kuli Njambi, uje muka-kusompa vanu voshe, na ku minzinzime ya vanu vaje vanapwisa vaka-vushunga.

VaHevelu 5:7

Yesu Mukuyoya kwendi ano asi walombele nakwihula na kutambeka na lijwi lyakama na misozi kuli Njambi, uje wasele kumwamena ku kutsa. Omwo ikeye wapwile muka-kulikeesa na muka-kulyana, Njambi wamuzivile.

Kujombolola 7:17

omwo Muna Manga, uje ali mukati ka litanda, akapwa kanyungi kavo, co akavatwamenena ku tuvwelu-vwelu twa mema a mwonyo. Co Njambi akasikumuna misozi yoshe ku mesho avo.”