Njelemiya 31:8 - Livulu lya Shukulu Kalunga

⁸ Njikavatundisa ku lifuti lya ku kunto, nakuvakungulula kutunda ku mitambela ya ku shongo na shongo ya kaye. Tupuputwa na vilema vakaija amo navo, na tufumbakazi, na vaje vali kuyehi nakukita. Vakeluka ngeci vapwe muyati wakama.

Njelemiya 31:8 Iomraidhean Croise

Myaso 107:3

voshe vaje vanatundisa Shukulu Kalunga ku mafuti a mu ngangela, na mu kangombe ka yambi, na ku kunto, na mu mbwela.

Myaso 65:5

Yove ukatukumbulula nakutuhyanesa, unalingi vyuma vyakukomokesa mukutwamena. Vanu voshe vali ano asi, nameme vali kulyala ku mema a kalunga vanakulaela kuli yove.

Myaso 98:3

Co lalo nasholola vushunga vwendi ku miyati, nanuka cizemo cendi cije kucesi kutenguluka, na kulongwa kwendi ku vanu va Isalele, kwamena kwa Njambi yetu vanacimono ano asi oshe.

Isaya 40:11

Akanyunga vutanga vwendi mwamuvwa ngwe kanyungi, akakungulwila amolika vana va vimanga, nakuvambata mu mavoko endi, co akatwamenena vainavo kamandondo-kamandondo.

Isaya 42:16

“Njikatwamenena tupuputwa twange mu vitapalo vije kuvendele. Njikatengulula lisusulungu lyavo kupwa ceke, njikavavwaesela lifuti lije lya minkinda nakulipwisa lyakulambasa. Evi vikevyo vikulaeso vyange, co njikavanyunga, kunjikajuka embwe.

Isaya 43:6

Njikaleka kunto na mbwela, kwecela vanu vange ngeci veluke kutunda ku mafuti a kulyala na ku mitambela yoshe ya mu kaye.

Isaya 45:22

“Yeni voshe muli kwoshe kuje kwasikisila kaye, tengulukileni kuli yange ngeci mwovoke. Yange lika Njambi njiliko.

Isaya 52:10

Shukulu Kalunga akapangesa nzili yendi yakama mukwamena vanu vendi, co vaka-kaye voshe vakamona kwamena kwa Njambi yetu.

Njelemiya 16:15

Oloni vakalisinga nakwendeka ngwavo njapwa Njambi wakuyoya, uje watundisile vanu va Isalele ku lifuti lya ku kunto na ku mafuti oshe aje njavashandwelele, co njikavelwisila mu lifuti lyavo, lifuti lije linjanene kuli vakukulwila vavo. Yange Kalunga, njinendekamo.”

Njelemiya 23:3

Njikatundisa vanu vange vaje vanasalao ku mafuti kuje kunjavashandwelelele, co njikavelwisa mu lifuti lyavo. Vakakala na vana vavangi, co vakatuma manene.

Njelemiya 23:8

Oloni vakalisinga a lizina lyange kupwa Njambi wakuyoya uje watundisile vanu va Isalele ku lifuti lya ku kunto na ku mafuti oshe eka lalo kuje kunjavashandwelelele. Asinoni vakakala mu lifuti lyavo.”

Njelemiya 29:14

Eyo, njendeka ngwange, mukanjiwana, co njikamiilwisila mu lifuti lyeni lalo. Njikamikungulula kutunda mu mafuti oshe, nakutunda mu mitambela yoshe muje munjamishandwelele, co njikamiilwisa nakuminena mu lifuti muje mumwatundile, omo njamitwalele mu vunzinda. Yange Kalunga, njinendekamo.’

Njelemiya 3:12

Shukulu Kalunga wanjilekele ngeci njikendeke kuli Isalele ngwange Shukulu Kalunga nendeka ngwendi, “Isalele wakujeneka kulongwa iluka kuli yange. Yange muka-mema ku mbunge, co kunjikakuluvalela ku myaka yoshe.

Njelemiya 3:18

Isalele akalipandakana na Yunda, co voshe vakatunda mu vunzinda mu lifuti lya ku kunto, co vakeluka ku lifuti lije linjanene vakukulwila veni kupwa vufuko vwa ku myaka yoshe.”

Ezekiyele 20:34

Njikamimwesa nzili yange nakuluvala kwange, omo njikamikungulwila amolika, nakumiilwisa kutunda ku mafuti oshe kuje njamishandwelelele.

Ezekiyele 20:41

Omo njinamiilwisa laja kutunda mu mafuti muje njamishandwelelele, nakumikungulwila amolika, asinoni njikatambula vin̄ombelo vyeni vya kwenyeka, co miyati vakamona ngeci njapwa wakujela.

Ezekiyele 34:12

mu ngila ije vene kanyungi akanyungu vimanga vendi vaje valishandokele, co avakungulwila amolika lalo. Njikavanena lalo nakuvelwisa kutunda ku mitambela kuje kuvalishandokelele a litangwa lije lya lisusulungu, na n̄avava.

Ezekiyele 34:13

Njikavatundisa ku mafuti a vungenzi, nakuvakungulwila amolika, co njikavelwisila ku lifuti lyavo vavenya. Njikavatwamenena ku minkinda na ku vana va vindonga vya Isalele, co njikavalisila ku mwila wauvwa.

Ezekiyele 34:16

“Njikashakezeka vaje vanazimbala nakwilwisa vaje valinakuyevangela mwangoco, co njikakuta vaje vanavetwa, nakukangwisa vaje valinakuvinja, oloni vaje vakununa vali na nzili njikavanyongesa, omwo yange njapwa kanyungi uje akalingi vya vushunga.

Mika 4:6

Shukulu Kalunga alinakwendeka ngwendi, “Simbu ilinakwija, omo njikakungulula vanu vaje vanjanyanyamesele, vaje vayandelele mu vunzinda.

Zefaniya 3:19

Simbu ilinakwija! Njikanyanyamesa vaka-kumiyandesa, co njikapatula vilema voshe nakwilwisa vinzinda voshe kwimbo, co njikatengulula shwamwa yavo kupwa kasingimiko, na vaka-kaye voshe vakavashangazala.

Zakaliya 2:6

Shukulu Kalunga wendekele kuli vanu vendi ngwendi, “Njamishandwelele mu mitambela yoshe.

Mateo 12:20

Kakapokola lihongo lyakutepama, nambe kuzima mulangi wakutsitsivala mu ndeya. Akamona ngeci vushunga vunahyana vuvi.

Yowano 21:15

Omo vanalyaula laja, Yesu wendekele kuli Simoni Petulu ngwendi, “Simoni muna Yowano, wanjizema kutuvakana ava ndi?” Petulu wakumbulwile ngwendi, “Eyo Mwene, uzivuka ngeci njakuzema.” Yesu wendekele kuli ikeye ngwendi, “Nyunga vana va vimanga vange.”

1 Kolinte 8:10

Omwo nga munu umo uje citaku-taku cendi cinazeye amona yove uli na “mana,” unatumbama mu kazangu ka tumponya ulinakulya, kuma mbunge yendi isimpa kulya vyakulya vyakukombelela ku tumponya ndi?

Kwituluka mu Mashiko 30:4

Nameme nga yeni mwashandokelele ku mafuti a kulyala, Shukulu Kalunga Njambi yeni akamikungulwila amolika nakumiilwisa lalo,

1 Tesalonika 5:14

Vakwetu, tumisindiya ngwetu munangule volwa, takameseni vipapoki, kwaseni vaka-kuzeya, pweni vaka-lukakateya kuli voshe.

VaHevelu 12:12

Ngecivene, junduleni mavoko eni aje anatepuka, co koleseni mavuli eni akuzeya!

VaHevelu 4:15

Omwo kutwesi na Muka-kukombelela Wakama uje kasa kututetela kukuzeya kwetu, oloni a cuma eci vene, tuli na Muka-kukombelela Wakama uje ivesekele mu vingila vyoshe ngwe yetu lalo, oloni kalingile vuvi.