Njelemiya 31:7 - Livulu lya Shukulu Kalunga

⁷ Shukulu Kalunga alinakwendeka ngwendi, “Imbileni Isalele nakujolela, muyati wa vanu wakama kutuvakana miyati ya vanu voshe. Imbeni mwaso weni wakushangazala ngweni, ‘Shukulu Kalunga namena vanu vendi, napatula voshe vaje vasaleleo.’

Njelemiya 31:7 Iomraidhean Croise

Myaso 106:47

Shukulu Kalunga Njambi yetu twamene, tutundise akati ka miyati ya vanu, ngeci tukandelele nakushangazala lizina lyove.

Myaso 126:2

Twajolelele manene, co twembile myaso yakuvwaelela! Asinoni miyati yeka vendekele kuli yetu ngwavo, “Shukulu Kalunga nalingi vyuma vyakukomokesa kuli vanu vendi.”

Myaso 14:7

Kwamena kwa Isalele kwije kutunda ku Siyone! Omo Shukulu Kalunga akelwisa vanu vendi vaje vatwalele mu vunzinda, co Yakomba akavwaelela, na Isalele akajolela.

Myaso 28:9

Shukulu Kalunga amena vanu vove, co vezikisa vaje voshe vanapu vove. Pwa kanyungi kavo, vanyunge ku myaka yoshe.

Myaso 67:1

Tuzivileko mema ku mbunge nakutuvezikisa yove Njambi, co tumwese ngozi yove,

Myaso 69:35

Omwo Njambi akamena Siyone, nakutungulula vinganda vya Yunda, co vangamba vendi vakakala muje, co lifuti likapwa vushwana vwavo,

Isaya 1:9

Nga Shukulu Kalunga Muka-nzili yoshe kasezeleo vanu vamo, nga Yelusalema yoshe yanyongele, ngwe muvyanyongele vinganda vya Sondoma na Ngomola.

Isaya 11:11

Omo litangwa lije likaija, Shukulu Kalunga akapangesa nzili yendi nakwilwisa vanu vendi vaje vasalele ku Asilya na ku Ingito, na ku Patelose, na ku Sundane, na ku Elame, na ku Mbambilone, na ku Hamate, na ku man̄anda ku mema a kalunga.

Isaya 37:31

Co vaje vakasala mu Yunda vakayoya mwamuvwa, ngwe vimena vije vitwala mizi yavyo manene mu livu, co viima vushuka.

Isaya 37:4

Mwene wa vaAsilya natumu mwata wakama kushaula Njambi wakuyoya. Shukulu Kalunga Njambi yove azive kushaula oku nakuhisa vaje vanendekelemo. Ngecivene, lombela kuli Njambi ali vanu vetu vaje vacili nakuyoya.”

Isaya 44:23

Tambekeni nakujolela, yeni melu! Tambekeni, yeni mitambela ya mwisi ya kaye! Tambekeni nakujolela, yeni minkinda na miti yoshe ya mu shwata! Shukulu Kalunga namwesa vukama vwendi akwamena vanu vendi va Isalele.

Isaya 52:8

Vaje vanyunga nganda valinakutambeka, valinakwimba nakujolela. Valinakumona na mesho avo vavenya, kwiluka kwa Shukulu Kalunga ku Siyone.

Isaya 61:9

Vakatsimana akati ka miyati ya vanu, munu woshe uje akavamona akavazivuka ngeci vanapu vanu vaje vanjinavezikisa.”

Njelemiya 20:13

Imbileni kuli Shukulu Kalunga! Shangazaleni Shukulu Kalunga! Omwo ikeye napatula vaka-kuyanda ku mavoko a vaka-vuvi.

Njelemiya 23:3

Njikatundisa vanu vange vaje vanasalao ku mafuti kuje kunjavashandwelelele, co njikavelwisa mu lifuti lyavo. Vakakala na vana vavangi, co vakatuma manene.

Njelemiya 3:23

Kutwawanene vukwasi akulemesa vinjambi vetu vakujeneka seo akamwa ya malundu. Vukwasi vwa Isalele vwatunda lika kuli Shukulu Kalunga Njambi yetu.

Njelemiya 31:12

Vakaija nakwimba mwaso wakujolela a Munkinda wa Siyone, co vakavwaelela na vwana vwange, vwana vwa vimbuto na vinyu, na mazi a olive, vwana vwa vimanga na vingombe. Vakafwa ngwe lihya lyakutukumwina mema mwamuvwa, vakakala na vyuma vyoshe vije vivashaka.

Mbimbi 1:1

Yelusalema, nganda ije yashulile na vanu, ololo inapu ngundu! Nganda ije vakele nakusingimika mu kaye mwoshe, ololo inapu ngwe fwile. Nganda ije yapwile ngwe lishano a vinganda vyoshe, ololo inapu ngwe ndungo.

Ezekiyele 6:8

“Oloni njikecela vamo vakayoye, co njikavashandwela akati ka miyati,

Hoziya 1:7

Oloni njikamwesa cizemo ku vanu va mu Yunda. Yange Kalunga Njambi yavo, njikavamena, oloni kunjikavamena nakulwa embwe, nambe na mikwale, nambe na mata a lusipa na mikili, nambe na tuvalu na vaka-kulonda a tuvalu.”

Njwele 2:32

Co cikapwa ngeci woshe akatambakana lizina lya Shukulu Kalunga akovoka. Ngeci mwendekele Shukulu Kalunga ngwendi, ‘Kukakala vamo vakaputumuka mu Yelusalema, vaje vanjaangwile vakovoka.’ ”

Amose 5:15

Zindeni vije vyavivi, co zemeni vije vyavivwa, vushunga vusholoke mu mbanja. Amo Shukulu Kalunga akazivilako mema ku mbunge vanu va lifuti eli vaje vacili nakuyoya.

Mika 2:12

“Oloni njikamikungulwila amolika, yeni vanu voshe va mu Isalele vaje vanasalao. Njikamikungulwila amolika ngwe vimanga veluka ku vutanga. Ngwe vulilo vunashulu na vimanga, lifuti lyeni likakala na vanu vavangi.”

Mika 7:18

Yove Shukulu Kalunga, kukwesi njambi weka wakulifwa nove, u muka-kusambesa vuvi vwa vanu vove vaje vaputumukileo. Kuwesi kuluvala ku myaka yoshe embwe, oloni ukavwaelela mukutumwesa cizemo cove cije kucesi kutenguluka.

Zefaniya 2:9

Mwa vushunga vene yange Kalunga Njambi wa Isalele uje wayoya, njilinakulisinga ngeci Mowavi na Amoni vakanyonga ngwe Sondoma na Ngomola. Mafuti avo akemuka mitambela ya vimbulu vya mwongwa muje kuvakasa kulima vimbuto, co mukamena shaku lika. Co vanu vange vaje vakasalao vakapukula nakwambata lifuti lya Mowavi na Amoni.”

Loma 11:5

Ngecivene, cinapu cuma cimo vene na ololo, kuyicili mbunga yaindondo vanasalao vaje vaangwile Njambi omwo kutetela kwendi.

Loma 9:27

Co Isaya atambeka ali vaIsalele ngwendi, “Nameme vanu va Isalele vanatumu ngwe lishen̄avu lya ku kenge ya mema a kalunga, oloni vavandondo lika vakovoka,

Kwituluka mu Mashiko 28:13

Co Shukulu Kalunga Njambi yeni akamipwisa vantwama akati ka miyati ya vanu, kumukapu vakumanesela embwe. Simbu yoshe mukalinga mwamuvwa kumukonwa nga mwononoka mashiko a Shukulu Kalunga Njambi yeni, awa njilinakumishikawo ku litangwa lya lelo, anyungeni nakuwapangesa.

Kwituluka mu Mashiko 32:43

“Yeni miyati munapande kushangazala vanu va Shukulu Kalunga. Ikeye akahisa voshe vaje vakatsiya vanu vendi, omwo ikeye akalinga shambandinga ali vitozi vendi, nakwamena vuvi vwa vanu vendi.”