Njelemiya 31:4 - Livulu lya Shukulu Kalunga

⁴ Co lalo njikakala neni, co lalo mukambata tumbulumbumba tweni nakukina nakujolela manene.

Njelemiya 31:4 Iomraidhean Croise

2 Vimyene 19:21

Shukulu Kalunga nendeka ngwendi, “Nganda ya Yelusalema inakuzindi, co ilinakukujola yove Senakelivi.

Myaso 149:3

Shangazaleni lizina lyendi nakukina, mwimbileni myaso yakumushangazala, na vingoma na tulyalya.

Myaso 30:11

Unatengulula vusiwa vwange kuvupwisa kujolela, unatundisa vusiwa vwange nakunjana kujolela.

Myaso 51:18

Yove Njambi, zivila ngozi Siyone nakuyikwasa, co tungulula vivumbe vya Yelusalema.

Myaso 69:35

Omwo Njambi akamena Siyone, nakutungulula vinganda vya Yunda, co vangamba vendi vakakala muje, co lifuti likapwa vushwana vwavo,

Isaya 14:1

Shukulu Kalunga akatetela vanu vendi va Isalele, akavaangula lalo nakuvaka mu lifuti lyavo, co vaka-kwija vakaija nakukala amo navo.

Isaya 30:32

Omo Shukulu Kalunga akavapupa lalo lalo, co vanu vendi vakatwalao kwimba vingoma na tulyalya. Njambi vavenya akalwisa vaAsilya.

Isaya 37:22

Shukulu Kalunga nendeka ngwendi, “Nganda ya Yelusalema ilinakujola yove, Senakelivi, nakukushendumuna.

Njelemiya 1:10

Ku litangwa lya lelo njilinakukutuma na nzili kukendeka ku mafuti oshe na ku vumwene vwoshe kutukula nakusiwula, kunyongesa nakuwisa, kutunga nakukuna.”

Njelemiya 14:17

Shukulu Kalunga wanjishikile ngeci njileke vanu ngwange Shukulu Kalunga nendeka ngwendi, “Mesho ange alinakuyengela misozi mutanya na vutsiki, kunjilikele kulila, omwo vanu vange vanavetwa manene, co vanavulumuka mwamuvi.

Njelemiya 18:13

Shukulu Kalunga alinakwendeka ngwendi, “Ihula miyati yoshe ya vanu nga cuma eci calingiwileo ku san̄ulu. Vanu va Isalele vanalingi cuma cakukomokesa!

Njelemiya 24:6

Njikavanyunga nakuvelwisila lalo mu lifuti eli. Yange vene njikakala navo. Kunjikavashandola embwe, njikavakongweya, kuvakatundumo embwe.

Njelemiya 31:13

Vambanda vakakina nakuvwaelela, vanalume va vakulunu amo na vakwenje voshe vakavwaelela. Njikavazembeleka, co kulila kwavo kukapwa kujolela, na vusiwa vwavo vukapwa kuvwaelela.

Njelemiya 31:21

Aka vimweso, twa vipalo mu ngila, co wana ngila ije iwaililile. Ilukeni, yeni vanu va Isalele, ilukeni kwimbo ku vinganda vije mwasezele.

Njelemiya 31:38

Shukulu Kalunga alinakwendeka ngwendi, “Simbu ilinakwija, omo Yelusalema yoshe vakaitungulula kupwa nganda yange, kutunda ku Kaposhi ka Hananele mu kangombe ka yambi, kutwala ku Cikolo ca mu Mbango.

Njelemiya 33:7

Njikatumisa manene Yunda na Isalele, co njikavatungulula lalo ngwe muvakele laja.

Njelemiya 46:11

Vanu vaka-Ingito, yeni ku Ngilyande nakushakezeka vumbanda! Vumbanda vweni vwoshe kuvwesi na seo, nacimo cai casa kumikangwisa.

Mbimbi 1:15

“Shukulu Kalunga wayeluwisile mashwalale vange va nzili, watumine mbunga ya mashwalale kunyongesa vakwenje vange. Ikeye watsenene vanu vange ngwe cikamwino ca mikolovozi ya vushuka vwa vinyu.

Mbimbi 2:13

Ove Yelusalema, Yelusalema injazema, vikajo njendeka kuli yove? Vatijo njikuzembeleka? Kukwesi umo wayandele ngeci wai. Tuyando twove tunaama ngwe mema a kalunga, iyajo asa kukukangwisa?

Amose 5:2

Mumbanda wa Isalele nau, kakendukamo lalo. Nasala nalala mu livu, naumo wai amukwasa ngeci endukemo.

Amose 9:11

Shukulu Kalunga alinakwendeka ngwendi, “Litangwa likaija omo njikelwisa vumwene vwa Ndaviti vuje vunapu ngwe njuvo yakusiwuka. Co njikavwaesa vivumbe vyayo, nakuyiindula. Njikaitungulula nakuyipwisa ngwe muyafwile laja.

Luka 15:23

Co neneni lalo muna ngombe wakununa, co mutsiyeni ngeci tulye nakulisamba tulinge ciwano!

Vilinga vya Miluwa 15:16

‘Shukulu Kalunga alinakwendeka ngwendi, munima ya vyuma evi njikeluka nakwilwisa lalo vumwene vwa Ndaviti. Njikavutungulula nakuvukolesa lalo.

Maako 11:34

Omo Njefeta welukile kwimbo ku Mizipa, co kuje kwakele munendi wa munakazi wezile nakumushesha, nakukina nakwimba kambulumbumba. Wapwile munendi umolika.