Njelemiya 31:34 - Livulu lya Shukulu Kalunga

³⁴ Naumo wai akalongesa mundambo wendi nambe ndolome yendi kuzivuka Shukulu Kalunga, omwo voshe vakanjizivuka, kushangumukila ku vanike kutwala ku vakulunu. Njikavasambesa ku vivi vyavo, co kunjikanuka milonga yavo. Yange Kalunga, njinendekamo.”

Njelemiya 31:34 Iomraidhean Croise

1 Mizimbu 28:9

Co kuli Solomoni wendekele ngwendi, “Munange, njikushika ngwange kavangeya Njambi ya isho, nakumupangela na mbunge yoshe, co likundike na cizango ca mana ove. Ikeye azivuka viyongola vyetu vyoshe na mashungu avyo. Nga umushakezeka, co ukamuwana, oloni nga umuseza, co akakujenjuka ku myaka yoshe.

Myaso 25:7

Njisambese ku vivi vyange na ku milonga ya a vukwenje vwange. Njanuke, Shukulu Kalunga! Omo cizemo cove cije kucesi kutenguluka na vuvwa vwove!

Isaya 11:9

A Siyone, lilundu lya Njambi lyakujela, kwaakakala cuma cimo cakukuvulumuna nambe vuvi. Lifuti likashula na mana akuzivuka Shukulu Kalunga ngwe mema a kalunga mwakajalela.

Isaya 29:24

Vaje voshe vanapu vilema vakazivuka mana, na vaje vaka-kulinyenga simbu yoshe vakononoka vilongesa vyange.”

Isaya 30:26

Ngonde ikatwa ceke ngwe litangwa, co ceke ca litangwa cikatuvakana kuvyazima visimbu vitanu na vivali ngwe ceke ca matangwa atanu na avali ku litangwa olyo omo Shukulu Kalunga akakuta vimbandu vya vanu vendi, nakukangwisa mikiki ije yavapupile.

Isaya 33:24

Naumo wai lalo uje akayoyela mu lifuti lyetu akalinyenga a kuvinja, co vuvi vwoshe vakavusambesa.

Isaya 33:6

co akakolesa miyati ya vanu. Simbu yoshe akanyunga vanu vendi nakuvana mana nakuzivisisa. Vufuko vwavo vwakama manene vukapwa kasingimiko kuli Shukulu Kalunga.

Isaya 38:17

Vusiwa vwange vukemuka kwoloka. Amena mwonyo wange ku vushonde vwoshe, unjisambese ku vuvi vwange vwoshe.

Isaya 43:25

Nameme ngoco, yange njapwa Njambi uje muka-kumisambesa ku vuvi vweni omwo lizina lyange, co kunjikanuka lalo vuvi vweni vuje vumunalingi.

Isaya 44:22

Njinazimangana vuvi vwove ngwe lishelwa lya kuhima. Iluka kuli yange, yange njinakwovola.”

Isaya 52:6

Omo simbu yeta mukazivuka ngeci yange njapwa Njambi uje nendeka kuli yeni.”

Isaya 54:13

“Yange vene njikalongesa vanu vove, nakuvavezikisa na kwoloka.

Njelemiya 24:7

Co njikavana mbunge yakuzivuka ngeci yange njapwa Kalunga. Asinoni vakapwa vanu vange, co yange njikapwa Njambi yavo, omwo vakelukila kuli yange na mbunge yavo yoshe.

Njelemiya 32:40

Njikalikumiiya cikumiiyo navo ca ku myaka yoshe. Nalumo lwai njikalikela kulinga vyuma vyavivwa kuli vakevo, vakanjisingimika, ngecivene, nalumo lwai vakashondoloka kuli yange.

Njelemiya 33:8

Njikavajelesa ku vivi vyavo vyoshe vije vivanavulumuna kuli yange, co njikavasambesa ku vivi vyavo na ku kupenga-penga kwavo.

Njelemiya 50:20

Omo simbu ije ikaija, vuvi navumo vwai vukakala mu Isalele, co kupenga-penga nakumo kwai kukakala mu Yunda, omwo njikasambesa vanu vaje vanjasezeo. Yange Kalunga, njinendekamo.”

Njelemiya 9:23

Shukulu Kalunga alinakwendeka ngwendi, “Vaka-mana kesi valyalesele a mana avo, nambe vaka-nzili kesi valyalese a nzili yavo, nambe vaka-kufuka kulyalesela a vufuko vwavo,

Hoziya 2:20

Njikanyunga cikulaeso cange nakukupwisa u wange wa cikongo ca mbunge, co ukazivuka ngeci yange nji Kalunga.

Mika 7:18

Yove Shukulu Kalunga, kukwesi njambi weka wakulifwa nove, u muka-kusambesa vuvi vwa vanu vove vaje vaputumukileo. Kuwesi kuluvala ku myaka yoshe embwe, oloni ukavwaelela mukutumwesa cizemo cove cije kucesi kutenguluka.

Mika 7:19

Ukatuzivila mema ku mbunge lalo. Ukalyatangela vuvi vwetu nakuvushekela a masima kwisi ya mema a kalunga.

Hambakuke 2:14

Oloni kaye kakashula na mana a vumpau vwa Shukulu Kalunga ngwe mema a kalunga mwakajalela.

Mateo 11:27

“Vyuma vyoshe Tate nanjanavyo. Co lalo naumo wai azivuka Mwana kuvanga Ishe, co lalo naumo wai azivuka Ishe kuvanga Mwana, na vaje voshe vashaka Mwana kuvasholwelaye.

Luka 1:77

nakuleka vanu vendi ngeci vakavovola, akuvasambesa ku vuvi vwavo.

Yowano 17:3

Co mwonyo wa myaka yoshe ukewo ou, ngeci vakuzivuke yove Njambi umolika wa vushunga, co nakuzivuka Yesu Kilistu, uje iwatumine.

Yowano 17:6

“Njinasholola lizina lyove kuli vanu vaje vawanjanene kutunda akati ka vaka-kaye. Vapwile vove, co wanjanenevo. Vanononoka lijwi lyove,

Yowano 6:45

Vaka-kwimanena vasonekele ngwavo, ‘Voshe Njambi akavalongesa.’ Woshe aziva Tate nakulilongesa kuli ikeye aija kuli yange.

Vilinga vya Miluwa 10:43

Kuli ikeye vaka-kwimanena voshe vendekele vyendi ngwavo munu woshe akulaela kuli ikeye vakamusambesa ku vivi vyendi a lizina lyendi lya nzili.”

2 Kolinte 2:10

Omo musambesa munu ku vije vyanalingi, co nange lalo njinamusambesa. Omwo nga njinasambesa vuvi, njilinakucilinga ku mesho a Kilistu, omwo yeni,

2 Kolinte 4:6

Njambi uje wendekele ngwendi, “Mu lisusulungu mukatwa ceke!” Ikeye Njambi uje vene umolika watwisile ceke mu vimbunge vyetu, mukututwisila ceke ca vumpau vwa Njambi vuje vunatu mu cihanga ca Kilistu.

Efeso 1:7

Omwo tunapatuka a maninga a Kilistu, ngeci na vuvi vwetu vanavusambesa, kutetela kwa Njambi kunapu kwakama,

1 Tesalonika 4:9

Kutwapandele kumisonekela a cizemo kuli umo na mukwavo. Omwo yeni vavenya Njambi wamilongesele vati munapande kulizema umo na mukwavo.

VaHevelu 5:12

Ololo yeni, omwo simbu yakama ineti, mwapandele kupwa muvalongisi, oloni mucijeneka umo amilongese vilongesa vyakulivanga vya lijwi lya Njambi. Mwapandele kulya vyakulya vyakukola, oloni mucili nakunwa mavele.

VaHevelu 8:11

Co naumo wai lalo wavo akalongesa mukwavo wa mu lifuti lyendi, naumo wai lalo akaleka mukwavo ngwendi, ‘Muzivuke Shukulu Kalunga.’ Omwo voshe vakanjizivuka, kutunda kuli uje wamundondo nakweta kuli mukulunu.

VaHevelu 8:12

Njikavasambesa ku vivi vyavo, co kunjikanuka lalo vivulumuna vyavo.”

1 Yowano 2:20

Oloni Kilistu netila laja Munzinzime Wakujela ali yeni, ngecivene, yeni voshe munazivuka vushunga.

1 Yowano 2:27

Oloni ngeci mweni, Kilistu netila Munzinzime wendi ali yeni. Ngwe omo Munzinzime wendi ali muli yeni, kumushaka munu kumilongesa. Omwo Munzinzime wendi alinakumilongesa vyuma vyoshe, co vije alinakulongesa vinapu vya vushunga, kesi vya makuli embwe. Ngecivene, ononokeni vilongesa vya Munzinzime, co kaleni muli Kilistu.

1 Yowano 5:20

Twazivuka ngwetu Muna Njambi naija, co natwana kuzivisisa ngeci tuzivuke Njambi wa vushunga. Tulinakuyoyela muli Njambi wa vushunga, muli Munendi Yesu Kilistu. Ou ikeye Njambi wa vushunga, co ou ukewo mwonyo wa myaka yoshe.

1 Samwele 2:12

Vana va Eli vapwile vanu vavavi manene. Kuvakele na lyova kuli Shukulu Kalunga,