Njelemiya 31:32 - Livulu lya Shukulu Kalunga

³² Cikeco kucikapu ngwe cikumiiyo cije calaja cinjalikumiiye na vakukulwila vavo, omo njavambatele na livoko lyange kuvatundisa mu Ingito. Nameme njapwile nji munalume wavo, oloni kuvanyungile cikumiiyo cije.

Njelemiya 31:32 Iomraidhean Croise

1 Vimyene 8:9

Kumwakele cuma ceka lalo muje mukati ka Cikasa ca Cikumiiyo kuvanga vije vitale vya mamanya vivali vyaakelemo Mosesa ku Munkinda wa Sinai, omo Shukulu Kalunga walikumiiye na vanu va Isalele omo vatundile ku Ingito.

Myaso 73:23

Nameme ngoco njili nove simbu yoshe, yove unanjikwata ku livoko lyange lya cilyo.

Myaso 78:37

omwo vimbunge vyavo kuvyapwile vya vushunga, kuvapwile vaka-kukulaela cikumiiyo cije valikumiiye na Njambi.

Kutuuka 19:5

Ololo, nga munjononoka nakunyunga cikumiiyo cange, mukapwa vanu vange vavenya. Nameme asi oshe apwa ange, oloni yeni mukapwa vanu vange vakwanguka,

Kutuuka 32:8

Lajoko vanaseza ngila ije njavashikile kuyikava, vakevo vanamungu ngolinde kuyipwisa muna ngombe wa nkomba, co ikeye valinakulemesa nakukombelelako vin̄ombelo. Co valinakwendeka ngwavo ikeye njambi yavo, uje wavatwamenenene nakuvatundisa mu Ingito.

Myaso ya Solomoni 8:5

Iyajo ou alinakwija kutunda mu mambo, najendamena ali muka-cizemo cendi? Mwisi ya muti wa apulu njakwindwile, mu mutambela uje muwasemukilile.

Isaya 24:5

Vanu vanajwalesa kaye omwo vanapokola mashiko a Njambi, nakupokola cikumiiyo cije calikumiiye navo ca ku myaka yoshe.

Isaya 41:13

Yange Kalunga Njambi yeni, njikamikolesa nakumileka ngwange, ‘Kesi muzive lyova, njikamikwasa.’ ”

Isaya 54:5

Ishamatanga wove akapwa ngwe munalume wove, ikeye Shukulu Kalunga Muka-nzili yoshe, Njambi wakujela wa Isalele, ikeye muka-kushika a kaye koshe, co akakwamena.

Njelemiya 11:3

yange Kalunga Njambi ya Isalele, njikaka cisingo ali munu woshe uje kononoka majwi awa a cikumiiyo eci.

Njelemiya 11:4

Cinapu cikumiiyo cije njalikumiiye na vakukulwila vavo omo njavatundisile mu Ingito, lifuti lije lyafwile kuli vakevo ngwe tuhya twa mu lutengo. Njavalekele ngeci vanjononoke nakulinga vyuma vyoshe vije njashikile. Njavalekele ngwange nga munjononoka, co mukapwa vanu vange, nange njikapwa Njambi yeni.

Njelemiya 2:2

“Ya ku Yelusalema ukambulwile vanu voshe, ngwove Shukulu Kalunga nendeka ngwendi, ‘Njanuka kulongwa kwove omo wapwile u mwanike, na cizemo cove omo njakwambatele, na muje wanjikavele mu mambo, mukati ka lifuti lije kuvalimine.

Njelemiya 22:9

Asinoni vakakumbulula ngwavo omwo mwasezele cikumiiyo ceni nange Njambi yeni, co mwalemesele nakupangela vinjambi veka.”

Njelemiya 3:14

“Ilukeni kuli yange, yeni vanu vakujeneka kulongwa. Mu nganda na nganda njikambatamo munu umo-umo, co ku cikota na cikota njikambata vavali-vavali, co njikamiilwisa ku Munkinda wa Siyone.

Njelemiya 31:1

Shukulu Kalunga alinakwendeka ngwendi, “Simbu ilinakwija omo yange njikapwa Njambi wa miyati yoshe ya Isalele, co vakevo vakapwa vanu vange.

Njelemiya 34:13

Njambi ya Isalele, wanjilekele kwendeka kuli vanu ngwange, “Yange njalikumiiye cikumiiyo na vakukulwila veni, omo njavatundisile mu Ingito, nakuvecela ku vunzinda. Njavalekele ngwange

Njelemiya 34:14

omo myaka itanu na ivali inahu, vanapande kwecela ngoco woshe cinzinda wa kaHevelu, uje navapangela myaka itanu na umo. Oloni vakukulwila veni kuvombileko mbunge nambe kutolilila ku vije njendekele.

Ezekiyele 16:8

“Co omo njetile kuli yove lalo, njamwene ngeci simbu yove inete yakukala na cizemo. Njakufwikile na kazaku kange, co njakulaesele kukuzema. Eyo, njalikumiiye nove cikumiiyo ca vulo, co yove wapwile u wange.” Evi vikevyo vyanendeka Shukulu Kalunga wa Akamwa ya Vyoshe.

Ezekiyele 20:37

“Njikamisindiya ngeci mwononoke cikumiiyo cange.

Ezekiyele 23:4

Wa mukulunu lizina lyendi Ohola (ikeye wemanenene Samaliya), co wa shongo lizina lyendi Oholimba (ikeye wemanenene Yelusalema). Voshe muvuvali vwavo njavambatele nakukita navo vana.

Hoziya 11:1

Shukulu Kalunga alinakwendeka ngwendi, “Omo Isalele wapwile mwanike, njamuzemene, tunde a simbu ije watundile mu Ingito, co njamutumbwile ngwange munange.

Hoziya 2:2

Vana vange, lambeleleni vanyoko, nameme vene ikeye kapwile munakazi wange, co lalo yange kesi nji munalume wendi. Mulambeleleni ngeci alikele vupangala vwendi na vukwizi vwendi.

Hoziya 3:1

Shukulu Kalunga wendekele kuli yange ngwendi, “Ya lalo ukamwese cizemo cove kuli munakazi uje alinakulinga vupangala na muka-cizemo cendi. Unapande kumuzema ngwe muje munjicili nakuzema vanu va mu Isalele, nameme vacili nakuya ku vinjambi veka nakushaka kukombelela vin̄ombelo vya vushuka vwakuma ku tumponya.”

VaLevi 26:15

Nga muvyana kwononoka vizilika vyange, nakulimbulula vilongesa vyange, kunyunga mashiko ange, nakupokola cikumiiyo cange cije njalikumiiye neni,

Mako 8:23

Co Yesu wakwatele uje munalume wa kapuputwa a livoko, co wamutwalele anja ya limbo. Co wamujekwilile mate ku mesho endi, co Yesu waakele mavoko endi ali ikeye, wamwihwile ngwendi, “Wasa kumona cuma cimo ndi?”

Yowano 3:29

Uje ali na shombolwa ikeye vavenya vulo, oloni musamba wa vavenya vulo, uje nemana nakumutolilila, avwaelela omo aziva lijwi lya vavenya vulo. Ngecivene, mukemwo mukunapu kuvwaelela kwange.

Vilinga vya Miluwa 23:19

Muka-kushika mashwalale wamukwatele ku livoko nakumutwala ikeye vavenya, co wamwihwile mu vushweke ngwendi, “Vyuma mukajo ushaka kunjileka?”

2 Kolinte 11:2

Njili na lifuwa ali yeni ngwe lije lyakala nalyo Njambi, omwo munapu ngwe mumbanda uje kanda alimone na munalume uje njinakulaesa kumushombwesa kuli munalume umolika, ikeye Kilistu.

Kwituluka mu Mashiko 1:31

na mu mambo lalo. Co munamono muje Shukulu Kalunga Njambi yeni wamyendesele mu vungenzi vweni vwoshe kweta na ku mutambela uno, ngwe muje munu mwakalele munendi.’

Kwituluka mu Mashiko 29:1

Awa akewo majwi a cikumiiyo cije cashikile Shukulu Kalunga Mosesa kulinga na vana va Isalele mu lifuti lya Mowavi, mukuwezelela ku cikumiiyo cije calikumiiye Shukulu Kalunga na vakevo a Munkinda wa Sinai.

Kwituluka mu Mashiko 29:21

Co Shukulu Kalunga akamwangununa ku mesho a miyati yoshe ya vanu va Isalele mukumuhisa, nakunena tuyando ali ikeye ngwe ku visingo vyoshe vije vivasonekele mu livulu lya mashiko.

Kwituluka mu Mashiko 29:24

Asinoni vanu voshe va mukaye vakehula ngwavo, ‘Omwo vikajo Shukulu Kalunga nalingi eci ku lifuti lyavo? Cuma mukajo camuluvalesa na vukalu vwakama ngacije?’

Kwituluka mu Mashiko 31:16

Co Shukulu Kalunga wendekele kuli Mosesa ngwendi, “Ololo ukatsa, co omo unatsi laja, vanu vakajeneka kunjononoka, co vakapokola cikumiiyo cije njalikumiiye navo. Vakanjiseza nakulemesa vinjambi va mu lifuti lije livakakovela.

Kwituluka mu Mashiko 31:20

Njikavatwala mu lifuti lije lyalivwa lya vwilo nevi vyakujenekamo vyai muje njalisingile na vakukulwila vavo. Muje vakakala na vyakulya vyoshe vivakashaka, co vakakala mwamuvwa. Oloni vakanjikengesa nima nakulemesa vinjambi veka. Co vakanjivyana nakupokola cikumiiyo cange.

Kwituluka mu Mashiko 5:2

Ku Munkinda wa Sinai Shukulu Kalunga Njambi yetu walingile netu cikumiiyo.

Kwituluka mu Mashiko 5:3

Kesi na vakukulwila vetu walikumiiye cikumiiyo eci embwe, oloni wakulikumiiye netu yetu voshe tulinakuyoya ku litangwa lya lelo.

VaHevelu 8:9

Co kunjikalingi lalo cikumiiyo ngwe muje njalingile kuli vakukulwila vavo a litangwa lije njavatundisile mu lifuti lya Ingito nakuvatwamenena na livoko lyange. Kuvapwile vaka-kulongwa ku cikumiiyo cije njalingile navo, ngeci kunjakeleko mbunge kuli vakevo lalo.