Njelemiya 31:3 - Livulu lya Shukulu Kalunga

³ njasholokele kuli vakevo alyala. Vanu va Isalele, simbu yoshe njamizema, ngecivene, simbu yoshe njikamwesa cizemo cange cije kucesi kutenguluka.

Njelemiya 31:3 Iomraidhean Croise

1 Vimyene 10:9

Vashangazale Shukulu Kalunga Njambi yove! Nakumwesa kuvwaelela kwendi akukupwisa mwene wa mu Isalele. Omwo cizemo cendi a Isalele cije kucesi kutenguluka, ikeye nakupwisa mwene yavo ngeci unyunge mashiko na vushunga.”

Myaso 103:17

Oloni cizemo ca Shukulu Kalunga kucesi kutenguluka kuli vaje vamukomoka, cikakalako myaka yoshe, na vuvwa vwendi lalo vukakala ku cisemwa coshe,

Myaso 25:6

Anuka kutetela kwove yove Shukulu Kalunga, na cizemo cove cije kucesi kutenguluka, vije viwasholwele tunde ku san̄ulu.

Myaso ya Solomoni 1:4

Njiye amo nove, tushatuke lumbisi, pwa mwene yange, co njikovelese mu milili yove. Tuvwaelela nakujolela muli yove, tukashangazala cizemo cove kutuvakana vinyu. Kucikomokesa omwo vambanda voshe vakuzema.

Isaya 43:4

Muli na seo na kasingimiko kuli yange, eci cikeco canenesele ngeci njecele mafuti na miyati ya vanu ngeci njimyamene.

Isaya 45:17

Oloni Shukulu Kalunga akamena Isalele, co akahyana ku myaka yoshe, vanu vendi kuvakazivi shwamwa.’ ”

Isaya 49:14

Oloni vanu va mu Yelusalema vendekele ngwavo, “Shukulu Kalunga natuseze! Ikeye natwivala.”

Hoziya 11:1

Shukulu Kalunga alinakwendeka ngwendi, “Omo Isalele wapwile mwanike, njamuzemene, tunde a simbu ije watundile mu Ingito, co njamutumbwile ngwange munange.

Hoziya 11:4

Njavashwenyesele kuli yange na cizemo cange. Njavajundwile nakuvaka a nulo yange, njakulamene nakuvalisa.

Malakiya 1:2

Shukulu Kalunga alinakwendeka ku vanu vendi ngwendi, “Njamizema simbu yoshe.” Oloni vakumbulula ngwavo, “Watuzema vatijo?” Shukulu Kalunga akumbulula ngwendi, “Isau na Yakomba vapwile mu vundolome vwavo, oloni yange njinazeme Yakomba na vatekulwila vendi,

Loma 8:30

Co vaje vaangunwine Njambi, vakevo vaasanene, co vaje vaasanene, wavapwisile vaka-vushunga ku mesho endi, co wavanene vumpau vwendi.

Loma 9:13

Ngwe muvyendeka visoneka ngwavyo, “Yakomba munjazemene, oloni Isau njamuzindile.”

Kwituluka mu Mashiko 10:15

Nameme ngoco Shukulu Kalunga wazemene vakukulwila veni manene, ngeci waangwile yeni vene vatekulwila vavo kutuvakana vanu veka.

Kwituluka mu Mashiko 33:26

“Yeni vanu va Isalele, kukwesi njambi wakulifwa na Njambi yeni, uje endekela mwilu nakumikwasa, uje enda mu vukama vwendi a mashelwa.

Kwituluka mu Mashiko 33:3

Shukulu Kalunga wazema vanu vendi, nakunyunga vaje vanapu vendi. Ngeci tukatsikama ku mendi endi nakulemesa, co tukononoka mashiko endi.

Kwituluka mu Mashiko 4:37

Shukulu Kalunga wamyangwile nakukala akati keni, ngeci wamitundisile mu lifuti lya Ingito na nzili yendi yakama omwo wazemene vakukulwila veni.

2 Timateo 1:9

Ikeye watwovwele, co watusanene ngeci tupwe vanu vendi, kesi omwo a vilinga vyetu embwe, oloni omwo a vutumbe na a kutetela kwendi. Watwanene kutetela oku muli Kilistu Yesu ku simbu ya ku san̄ulu,

Yakomba 1:18

Ku cizango cendi natutanga yetu a lijwi lya vushunga, ngeci tupwe mushoke wakulivanga akati ka vyoshe vije vyatangele.

1 Petulu 1:3

Tukandeleleni kuli Njambi na Ishe ya Mwene yetu Yesu Kilistu! Omwo a mema ku mbunge endi akama manene, natwana mwonyo wauha akusangula Yesu Kilistu ku vatsi. Eci cikeco citushulisa na cinyangavili cakuyoya,

1 Yowano 4:19

Tuzema omwo Njambi watuzemene akulivanga.