Njelemiya 31:23 - Livulu lya Shukulu Kalunga

²³ Shukulu Kalunga Muka-nzili yoshe, Njambi ya Isalele, alinakwendeka ngwendi, “Omo njikelwisila vanu mu lifuti lyavo, vakendeka lalo mu lifuti lya mu Yunda na mu vinganda vyamwo ngwavo, ‘Shukulu Kalunga avezikise lilundu lyakujela lya Yelusalema, mwela wakujela kuje kwakala.’

Njelemiya 31:23 Iomraidhean Croise

Myaso 128:5

Shukulu Kalunga akuvezikise ku Siyone! Umone Yelusalema omo ivezika, a matangwa oshe akuyoya kwove!

Myaso 129:8

Vanu vaje vakaita kuje kesi vendeke ngwavo, “Shukulu Kalunga amivezikise! Tumivezikisa mu lizina lya Shukulu Kalunga!”

Myaso 134:3

Shukulu Kalunga uje watangele lilu na asi, amivezikise ku Siyone!

Myaso 28:9

Shukulu Kalunga amena vanu vove, co vezikisa vaje voshe vanapu vove. Pwa kanyungi kavo, vanyunge ku myaka yoshe.

Isaya 1:21

Nganda ije yapwile ya kulongwa ololo inalifu ngwe cikwizi! A simbu yalaja, mu nganda omu mwakele vanu vaka-vushunga, oloni ololo munasala lika vanu vaka-kutsiya.

Isaya 1:26

Yelusalema njikakwana vaka-kushwana na vaka-kunangula ngwe vaje vawakele navo ku san̄ulu. Asinoni lizina lyove lyaliha likapwa ‘Nganda yakushungama na kulongwa.’ ”

Isaya 11:9

A Siyone, lilundu lya Njambi lyakujela, kwaakakala cuma cimo cakukuvulumuna nambe vuvi. Lifuti likashula na mana akuzivuka Shukulu Kalunga ngwe mema a kalunga mwakajalela.

Isaya 32:16

Mu lifuti mwoshe vushunga na kulongwa vikalingiwa.

Isaya 33:5

Shukulu Kalunga wapwa wakama! Ikeye wakala mu melu. Akashulisa Yelusalema na vushunga na kulongwa,

Isaya 60:21

Vanu vove voshe vakapwa vaka-vushunga, vakashwana lifuti ku myaka yoshe. Njavakunine, nakuvatanga, ngeci vasholole vukama vwange ku vanu voshe.

Njelemiya 29:14

Eyo, njendeka ngwange, mukanjiwana, co njikamiilwisila mu lifuti lyeni lalo. Njikamikungulula kutunda mu mafuti oshe, nakutunda mu mitambela yoshe muje munjamishandwelele, co njikamiilwisa nakuminena mu lifuti muje mumwatundile, omo njamitwalele mu vunzinda. Yange Kalunga, njinendekamo.’

Njelemiya 30:18

Shukulu Kalunga alinakwendeka ngwendi, “Njikelwisila vanu vange mu lifuti lyavo, co njikazivila mema ku mbunge naanga na naanga, vakatungulula Yelusalema, co lipela lya mwene vakaliilwisila mu mutambela walyo walaja.

Njelemiya 32:44

Vanu vakalanda, co vakasoneka vukaleo vwa vikumiiyo, nakuvisatesa. Evi vakavilingila mu mutambela wa lifuti lya Mbenjemani, mu membo akuzengeleka ku Yelusalema, mu vinganda vya mu Yunda, na mu vinganda vya mu lifuti lya malundu, na mu membo a mu lifuti lya ku vushelumukilo vwa malundu, na mu mbwela ya mutambela wa lifuti lya Yunda. Co njikelwisila vanu mu lifuti lyavo. Yange Kalunga, njinendekamo.”

Njelemiya 50:7

Valinakuvalwisa kuli voshe vaje vavawana. Co vitozi vavo vendeka ngwavo, ‘Vanavulumuna ku mesho a Shukulu Kalunga, ngecivene, evi vitunalingi kesi vyavivi embwe. Vakukulwila vavo vakulaelele kuli Shukulu Kalunga, co na vakevo lalo vapandele kukala muli ikeye.’

Ovandiya 1:17

“Oloni a Munkinda wa Siyone, vamo vakavomboloka, co ukapwa mutambela wakujela. Vanu va Yakomba, vakashwana lifuti lyavushwana vwavo.

Mika 4:1

Mu matangwa a kulutwe munkinda aje ali Njuvo ya Shukulu Kalunga, ukapwa waulaja manene kutuvakana malundu oshe, miyati ya vanu vavangi vakaija kuukewo,

Zakaliya 8:3

Njikeluka ku Yelusalema, nganda yange yakujela, co njikakala muje. Vakaitumbula nganda ya kulongwa, co lilundu lya Shukulu Kalunga Muka-nzili yoshe vakalitumbula ngwavo lilundu lyakujela.

Lute 2:4

Omo kwetile kasimbu Mbowasi wezile kutunda ku Mbetelehema, walikandelelele na vaka-vipangi vendi. Wendekele ngwendi, “Shukulu Kalunga akale amo neni.” Co vamukumbulwile ngwavo, “Shukulu Kalunga amivezikise mwane.”