Njelemiya 31:22 - Livulu lya Shukulu Kalunga

²² Visimbu vingaijo mukendangana oku noku, yeni vanu vaka-kujeneka kukulaela? Njinatanga cuma caciha cakufwa mweka lalo, cakufwa mweka ngwe munakazi anyunga munalume wendi.”

Njelemiya 31:22 Iomraidhean Croise

Kushangumuka 3:15

Njikaka vutozi akati kove na munakazi, na akati ka mbuto yendi na mbuto yove. Co mbuto yendi ikasanyozola mutwe wove, co yove lalo ukamushuma ku linsinsinye lyendi.”

Isaya 7:14

Ngecivene, Shukulu Kalunga ikeye vavenya akamyana cimweso, kengeni mumbanda uje kanda alimone na munalume akakala na limo, co akakita mwana wa munalume, vakamuluka lizina lyendi ‘Manuwele.’

Njelemiya 13:27

Ikeye namimono mumuli nakulinga vije vyazinda. Ikeye namimono omo mulinakukavangeya vinjambi va makuli na nakulinga vupangala a malundu na mu mahya, ngwe munalume ashungwiya munakazi wa musamba wendi, nambe ngwe kavalu wa nkomba alinakweveyeya kavalu wa lwavo. Yeni vanu va mu Yelusalema, munavindama! Simbu mukajo mukajela?

Njelemiya 14:7

Vanu vange vanjililila ngwavo, ‘Nameme vuvi vwetu vutuhisa, oloni Shukulu Kalunga tukwase ngwe omo watukulaesele. Tunakukengesa nima visimbu vyavingi, tunalingi vuvi ku mesho ove.

Njelemiya 2:18

Vikajo ukawanao akuya ku Ingito mukunwa mema a mu Ndonga ya Nailo? Vikajo ukawanao akuya ku Asilya mukunwa mema a mu Ndonga ya Yufuleti?

Njelemiya 2:23

Vatijo wendeka ngwove kuwalijwalesele nameme kulemesa Mbale? Oloni anuka muje muwalingile vuvi mu cana, kenga vije viwunalingi. Yove unalifu ngwe kamelo wa lwavo uje ali na lishungu, ashatukila noku-noku mu mambo omwo ya lishungu lyendi,

Njelemiya 2:36

Omwo vikajo mulinakutengulwila vingila vyeni akukavangeya vinjambi va miyati yeka? Vaka-Ingito vakamizivisa shwamwa, ngwe muvamizivisile shwamwa vaka-Asilya.

Njelemiya 3:1

Shukulu Kalunga alinakwendeka ngwendi, “Nga munalume akondola munakazi wendi, co uje munakazi ashomboka kweka, munalume wendi kasa kumwilwisa lalo kuli ikeye. Eci cikajwalesa lifuti lyoshe. Oloni Isalele unakala na mapangala vavangi manene, co ololo ushaka kwiluka lalo kuli yange!

Njelemiya 3:14

“Ilukeni kuli yange, yeni vanu vakujeneka kulongwa. Mu nganda na nganda njikambatamo munu umo-umo, co ku cikota na cikota njikambata vavali-vavali, co njikamiilwisa ku Munkinda wa Siyone.

Njelemiya 3:22

Ilukeni, yeni voshe munatundu kuli Shukulu Kalunga, co ikeye akamikangwisa nakumipwisa vanu vaka-kulongwa. Mulinakwendeka ngweni, “Eyo, twiluka kuli Shukulu Kalunga, omwo wapwa Njambi yetu.

Njelemiya 3:4

“Co ololo wendeka kuli yange ngwove, ‘Yove u tate wanjizema tunde ku vwanike vwange.

Njelemiya 3:6

Omo Yosiya wapwile mwene, Shukulu Kalunga wendekele kuli yange ngwendi, “Unamono vije vyanalingi Isalele, uje munakazi wakujeneka kulongwa? Ikeye natundu kuli yange, co nalingi vukwizi a lilundu lyoshe lyalilaja na mu minzinze ya miti yoshe yakutonola.

Njelemiya 3:8

Yunda lalo wamwene ngeci yange njashekele Isalele omwo watundile kuli yange nakupwa cikwizi. Oloni Yunda, ndokazi ya Isalele wakujeneka kulongwa, kakele na lyova. Nendi lalo wapwile cikwizi,

Njelemiya 4:14

Yelusalema, kusha vuvi vuli mu mbunge yove ngeci wovoke. Visimbu vingaijo ukatumba matumbe amavi?

Njelemiya 49:4

Omwo vikajo yeni vanu vakujeneka kulongwa mukalishasha? Nzili yeni ilinakuhwa. Omwo vikajo mwakulaela mu nzili yeni vavenya, nakwendeka ngweni naumo wai akatulwisa?

Njelemiya 7:24

Vakukulwila veni kuvononokele nambe kumbako mbunge, oloni valingile ngwe muvyavalekele vimbunge vyavo vyakukaluwa, co vaviile manene.

Hoziya 11:7

Valambelela ngeci vatunde kuli yange. Vakalilila kuli yange omwo mandauluwa ije ili ali vakevo, oloni naumo wai akavatundisayo.

Hoziya 14:4

Shukulu Kalunga alinakwendeka ngwendi, “Njikelwisa lalo vanu vange kuli yange vavenya. Njikavazema na mbunge yange yoshe, vukalu vwange ali vakevo vunahu.

Hoziya 4:16

Vanu va mu Isalele vanakaluwisa manene vimbunge vyavo ngwe ngombe wa lwavo. Vatijo njasa kuvalisa ngwe vimanga mu mwila wauvwa?

Hoziya 8:5

Njazinda ngombe wa nkomba wa ngolinde uje ivakalemesa vanu va mu nganda ya Samaliya. Njinaluvala navo manene. Simbu mukajo vakecela kulemesa tumponya twavo?

Zakaliya 7:11

“Oloni vanu vange vakaluwisile vimbunge vyavo manene, co vavyanene kunjitolilila. Vashokele mana avo,

Kulava 16:30

Oloni nga Shukulu Kalunga alinga cuma cimo caciha, co nga livu lyashama nakuvaleula amo na vufuko vwavo vwoshe, ngeci vakevo vaye mu vukalo vwa vatsi oku vacili nakuyoya, co yeni mukazivuka ngeci kuma vanu ava vakevo vanashaula Shukulu Kalunga.”

Mateo 1:21

Ikeye akakita mwana wa munalume, co ukamuluka lizina lyendi Yesu, omwo ikeye akaamena vanu vendi ku vuvi vwavo.”

Ngalatiya 4:4

Oloni omo simbu yaivwa yetele, Njambi watumine Munendi, wakusemuka ku munakazi, wakusemuka ku majwi a Lishiko,