Njelemiya 31:21 - Livulu lya Shukulu Kalunga

²¹ Aka vimweso, twa vipalo mu ngila, co wana ngila ije iwaililile. Ilukeni, yeni vanu va Isalele, ilukeni kwimbo ku vinganda vije mwasezele.

Njelemiya 31:21 Iomraidhean Croise

1 Mizimbu 29:3

Co lalo akamwa yevi vyoshe njinalingi, njinaana siliva na ngolinde vyakutunda ku vufuko vwange, omwo ya cizemo cange a Njuvo ya Shukulu Kalunga Njambi.

2 Mizimbu 11:16

Co miyati yoshe ya vanu va Isalele, vaje vashakele kulemesa mwamuvwa Shukulu Kalunga Njambi ya Isalele, vakavele vaLevi ku Yelusalema, ngeci vakakombelele vin̄ombelo kuli Shukulu Kalunga Njambi ya vakukulwila vavo.

2 Mizimbu 20:3

Njosefati wajajele manene, co walombelele kuli Shukulu Kalunga ngeci amutwamenene. Washikile lifuti lyoshe lya Yunda ngeci valikele kulya.

Myaso 62:10

Kesi mukulaele mu vyuma vya vupapoki, kesi mukulaele akuwana vyuma mu ngila ya vwizi embwe, nameme kukulaela mu vufuko vwavungi.

Myaso 84:5

Vavezika vanu vaje nzili yavo itunda kuli yove, vanu vaje vimbunge vyavo vili mu vungenzi vwakuya ku Munkinda wa Siyone.

Visimo 24:32

Omo njakengele cuma eci, njaciyongwele, co njalilongeseleleo,

Isaya 48:20

Tundeni mu Mbambilone! Lisambeni omo muya. Joleleni nakutambeka ngeci vanu voshe vazive ngwavo, “Shukulu Kalunga namena Isalele ngamba yendi!”

Isaya 57:14

Shukulu Kalunga alinakwendeka ngwendi, “Eceleni vanu vange veluke kuli yange. Tundiseni mingowa mu ngila ya vanu vange! Sheveni tapalo nakuyivwaesela cimweja!

Isaya 62:10

Eni vanu va Yelusalema, tuukeni mu nganda, vwaeseni tapalo ya vanu veni vaje valinakwiluka! Vwaeseni tapalo, kombenimo mamanya! Junduleni cizivukiso ngeci miyati ya vanu vazivuke kwakuya.

Njelemiya 3:12

Shukulu Kalunga wanjilekele ngeci njikendeke kuli Isalele ngwange Shukulu Kalunga nendeka ngwendi, “Isalele wakujeneka kulongwa iluka kuli yange. Yange muka-mema ku mbunge, co kunjikakuluvalela ku myaka yoshe.

Njelemiya 3:14

“Ilukeni kuli yange, yeni vanu vakujeneka kulongwa. Mu nganda na nganda njikambatamo munu umo-umo, co ku cikota na cikota njikambata vavali-vavali, co njikamiilwisa ku Munkinda wa Siyone.

Njelemiya 31:4

Co lalo njikakala neni, co lalo mukambata tumbulumbumba tweni nakukina nakujolela manene.

Njelemiya 46:11

Vanu vaka-Ingito, yeni ku Ngilyande nakushakezeka vumbanda! Vumbanda vweni vwoshe kuvwesi na seo, nacimo cai casa kumikangwisa.

Njelemiya 50:5

Vakehula ngila yakuya ku Siyone, co vakaya ku mutambela uje vene. Vakalikumiiya nange cikumiiyo ca ku myaka yoshe, co kucikapokoka.

Njelemiya 51:50

Shukulu Kalunga alinakwendeka kuli vanu vendi vali mu Mbambilone ngwendi, “Munaputumuka ku kutsa! Ololo yeni! Kesi mutumbame! Nameme muli kulyala na kwimbo, anukeni yange Kalunga Njambi yeni, co anukeni Yelusalema.

Njelemiya 51:6

Teweni mutunde mu Mbambilone! Teweseni myonyo yeni! Kesi vamitsiye omwo vuvi vwa vaka-Mbambilone. Yange ololo njilinakulinga shambandinga, nakuvahisa ngwe mucinavapande.

Njelemiya 6:16

Shukulu Kalunga wendekele kuli vanu vendi ngwendi, “Imaneni a masambwa ngila mumone. Kaveni vingila vije vendele vakukulwila veni, co mukakala mu kwoloka.” Oloni vendekele ngwavo, “Embwe kutukaimo!”

Ezekiyele 40:4

Co wendekele kuli yange ngwendi, “Muna munu, kengelela. Tolilila mwamuvwa, aka mbunge ku vyuma vyoshe vije vinjikumwesa, omwo evi vikevyo vivanakunenela kuno. Yove ukaleke vanu va Isalele vyuma vyoshe umona.”

Hangai 1:5

Kumwesi nakumona vije vilinakulingiwa ali yeni?

Zakaliya 10:9

Nameme njavashandwela akati ka miyati ya vanu, oloni ku mitambela yakulyala kuje vali vakanjanuka. Vakevo na vana vavo vakayoya, co vakeluka mumolika kwimbo.

Kwituluka mu Mashiko 32:46

co wendekele kuli vakevo ngwendi, “Mwa vushunga ononokeni mashiko oshe awa njinamilekawo ku litangwa lya lelo. Alongeseni vana veni, ngeci vakononoke na kulongwa vilongesa vyoshe vya Njambi.