Njelemiya 31:18 - Livulu lya Shukulu Kalunga

¹⁸ “Njazivi vanu vaIsalele valinyenga ngwavo ‘Shukulu Kalunga, twafwile ngwe tusitu vakujeneka kwononwesa, oloni watulongesele kwononoka. Twilwise, co tukeluka kuli yove, Shukulu Kalunga Njambi yetu.

Njelemiya 31:18 Iomraidhean Croise

Yombi 5:17

Kenga, navezika munu uje Njambi amulongesa! Ngecivene, kesi uyeluwise kulongesa kwa Njambi.

Myaso 118:18

Shukulu Kalunga wanjinyanyamesele manene, oloni kanjecelele ngeci njitse embwe.

Myaso 119:67

Omo te kanda unjihise, njakele nakulilingila, oloni ololo njilinakwononoka lijwi lyove.

Myaso 119:75

Njazivuka ngeci mashiko ove apwa a vushunga yove Shukulu Kalunga, yove wapwa wa kulongwa ngeci wanjihisile.

Myaso 31:15

Mwonyo wange woshe uli mu mavoko ove, njamene ku vitozi vange, na kuli voshe vaje vanjiyandesa.

Myaso 32:9

Kesi mupwe ngwe kavalu nambe kupanga ngwe cimulu, vaje kuvesi na mana, vaje vavendesa na cikuvo ca mu kanwa, mukuvononwesa ngeci vende mwamuvwa.”

Myaso 80:19

Yove Shukulu Kalunga Njambi Muka-nzili yoshe! Tupwise vaka-nzili lalo tukenge na mema ku mbunge ngeci twovoke.

Myaso 80:3

Yove Njambi tupwise vaka-nzili lalo! Tukenge na mema ku mbunge ngeci twovoke.

Myaso 80:7

Yove Njambi Muka-nzili yoshe, tupwise vaka-nzili lalo tukenge na mema ku mbunge ngeci twovoke.

Myaso 85:4

Twamene yove Njambi muyoyesi wetu, co likele kuluvala netu!

Myaso 94:12

Navezika munu uje iwulongesa yove Shukulu Kalunga, munu uje iwulongesa lishiko lyove.

Visimo 26:3

Kavalu na cimulu vanapande kuvapupa, nakuvaka cikuvo mu kanwa, mukemwo vene vanapande kulinga na cilema.

Visimo 29:1

Nga ukaluwisa mbunge yove visimbu vyoshe omo vakunangula, co litangwa limo vakakunyongesa kuukendukamo lalo.

Visimo 3:11

Munange, kesi uyeluwise kushungamesa kwa Shukulu Kalunga, kesi uvyane kunangula kwendi.

Isaya 1:5

Omwo vikajo mulinakunjitengulukila? Mushaka ngeci njimihise lalo manene ndi? Isalele, ku mutwe wove kulilaja vimbandu, co mbunge yove na viyongola vyove vinazeye.

Isaya 51:20

Ku vimbango vya vitapalo vyoshe vanu vove valinakulezumuka omwo kuzeya, vanafu ngwe mbambi natsi mu mweto wa ciyambi. Vanazivi nzili ya vukalu vwa Njambi.

Isaya 53:7

“Vamuyandesele, oloni wolokele kuluu, wolokele kuluu ngwe manga uje vatwala nakumutsiya, ngwe manga uje oloka kuluu kuli vaka-kumuteula.

Isaya 63:16

Yove wapwa u tatetu. Vakukulwila vetu Avilahama na Yakomba vonwele kutukwasa, oloni yove Shukulu Kalunga unapu u tatetu, uje muka-kutwamena ku visimbu vyoshe.

Isaya 9:13

Vanu va Isalele kuvatengulukile embwe, nameme Shukulu Kalunga Muka-nzili yoshe navahisa, oloni kuvatengulukilile kuli ikeye.

Njelemiya 17:14

Shukulu Kalunga njikangwise, co njikapwa mukangule, njamene, co njikovoka, omwo njikakushangazala!

Njelemiya 2:30

Njaminyanyamesele, oloni kucamikwasele ngeci mwa ndumba wa vukalu, yeni mwatsiile vaka-kwimanena vange.

Njelemiya 3:25

Tuli na vusiwa, co shwamwa yetu inatufwiki, omwo tunalingi vuvi kuli Shukulu Kalunga Njambi yetu, yetu na vakukulwila vetu kutwononokele mashiko endi.”

Njelemiya 31:6

Eyo, simbu ilinakwija omo vaka-kunyunga vakatambeka a malundu a Efalime ngwavo, ‘Tuyeni ku Siyone, kuli Shukulu Kalunga Njambi yetu.’ ”

Njelemiya 31:9

Vanu vange vakaija nakulila, nakulombela omo njivatwamenena mukuvelwisa. Njikavatwamenena ku vana va vindonga vya mema, mu ngila yaivwa muje kuvakasa kutanuka. Yange njapwa ishe ya Isalele, co Efalime ikeye munange wa ntwatwa.”

Njelemiya 5:3

Mwa vushunga Shukulu Kalunga akakenge a kulongwa. Waminyanyamesele, oloni kumwamutolililile, wamisindakanene, oloni kumwalilongesele. Mwakaluwisile vimbunge vyeni, co kumwatengulukile ku vuvi vweni.

Mbimbi 5:21

Shukulu Kalunga twilwisile kuli yove! Co tukeluka! Twilwisile lalo vumpau vwetu vwalaja.

Ezekiyele 20:43

Asinoni mukanuka vyuma vyoshe vya vunyengwe vimwalingile na muje mumwalijwalesele. Mukaziva vunyengwe omwo vyuma vyoshe vije vyavivi vimwalingile.

Ndanyele 9:13

twatambwile cihiso coshe cije ciwatumbwile mu Lishiko lya Mosesa. Oloni nameme ololo, yove Shukulu Kalunga Njambi yetu, kutwakuvwaelesele akutunda ku vuvi vwetu nambe akukavangeya vushunga vwove.

Hoziya 10:11

“Isalele wapwile ngwe ngombe wa lwavo wakulongesa mwamuvwa, uje wazema kujungula vimbuto. Oloni njayongwele kumwaka mandauluwa a mukoshi wendi wauvwa manene, ngeci apange vipangi vyakukaluwa nakumulemuwisa. Njalingisile Yunda kukoka litemo, co Isalele wakavele munima nakuvujula masinde.

Hoziya 4:16

Vanu va mu Isalele vanakaluwisa manene vimbunge vyavo ngwe ngombe wa lwavo. Vatijo njasa kuvalisa ngwe vimanga mu mwila wauvwa?

Hoziya 5:15

“Co njikakengesa nima vanu vange noo vanapwisamo kuyanda omwo vivi vyavo, co vakeluka lalo nakunjishakezeka. Amo omo a tuyando twavo vakeseka kunjishakezeka.”

Yona 3:10

Omo Njambi wamwene vije vivalingile vaka-Nenevayi, na muje lalo muvecelele vingila vyavo vyavivi, co wavazivilile mema ku mbunge, co kavanyanyamesele ngwe muje mwashakele kulinga.

Zefaniya 3:2

Kuyatolililile kuli Shukulu Kalunga nambe kutava kunangula kwendi. Kuyakulaelele kuli Shukulu Kalunga nambe kulomba vukwasi vwendi.

Malakiya 3:16

Asinoni vanu vaje vakomokele Shukulu Kalunga valyendekesele umo na mukwavo, co Shukulu Kalunga wavatolililile nakuziva vije vivendekele. Co vasonekele vaje vakomokele Shukulu Kalunga nakumusingimika mu livulu lya canukiso ku mesho endi.

Malakiya 4:6

Co akatengulwila vimbunge vya vaishe kuli vana, nakutengulwila vimbunge vya vana kuli vaishavo, nga ngoconi, njikaija nakunyongesa lifuti na cisingo.”

Kulava 2:18

“Muyati wa Efalime vakashimbike vimbalaka vyavo ku mutambela wa kangombe ka yambi mwisi ya pandelo ya mbunga yavo. Ntwama ya vanu va Efalime ikeye Elishama muna Amihunde.

Luka 1:17

Akaya kulutwe lwa Mwene, na nzili na vukama ngwe Elinja muka-kwimanena. Akelwisila vaishavo na vana amolika, akatengulula vaka-kujeneka kwononoka nakuvelwisila lalo ku ngila yakuyongola ngwe vaka-vushunga, akavwaesela cimweja vanu va Mwene ngeci vamukengelele.”

Luka 15:20

Ngecivene, wakatukile welukile kuli ishe. “Oloni omo wakele kulyala na kwimbo, co ishe wamumwene wamuzivilile mema ku mbunge, co washatukile lumbisi wamuvumbatelele nakumutsemba.

Vilinga vya Miluwa 3:26

Co Njambi waangwile Ngamba yendi, co wamutumine kuli yeni akulivanga, mukumivezikisa ngeci munu woshe atunde ku vingila vyendi vya kupenga-penga.”

Filipu 2:13

omwo simbu yoshe Njambi alinakupanga muli yeni ngeci mukale na cizango, co ngeci mwase kwononoka vutumbe vwendi vavenya.

VaHevelu 12:5

Kuma yeni munevala mwaya majwi akumikolesa aje Njambi wendekele kuli yeni akupwa mu vana vendi ndi? “Munage, tolilila omo Shukulu Kalunga akunyanyamesa, co kesi uviilile omo akuvindika.

Kujombolola 3:19

Yange njivindika nakunyanyamesa vaje voshe vanjazema. Ngecivene, nyanyammeni, co tengulukeni ku vivi vyeni.