Njelemiya 31:13 - Livulu lya Shukulu Kalunga

¹³ Vambanda vakakina nakuvwaelela, vanalume va vakulunu amo na vakwenje voshe vakavwaelela. Njikavazembeleka, co kulila kwavo kukapwa kujolela, na vusiwa vwavo vukapwa kuvwaelela.

Njelemiya 31:13 Iomraidhean Croise

Ezela 6:22

A matangwa atanu na avali vajolelele nakulisamba a Ciwano ca Makende Akujeneka Musima. Vajolelele manene omwo Shukulu Kalunga walingisile mwene wa Asilya kukala na mema ku mbunge ali vakevo, ngeci wavakwasele ku vipangi vyavo vyakutungulula Njuvo ya Shukulu Kalunga Njambi ya Isalele.

Nehemiya 12:27

Omo vakundikile civumbe ca nganda ya Yelusalema, co vakashakele vaLevi kwoshe kuje kuvakele, ngeci navo vakulipandakane mukulisamba, akukundika nakwimba myaso ya cikandelela, na vingenjo, na tulyalya, na visanzi.

Nehemiya 12:43

A litangwa lije vakombelelele vin̄ombelo vyavingi, co vanu vajolelele manene, omwo Njambi wavavwaelelesele manene. Vanakazi na vanike valipandakanene mukulisamba, valingile muyoyo wakama uje vasele kuuziva kulyala manene.

Esita 9:22

Awa akewo matangwa aje vaYunda vafungulwile vitozi vavo, co ku ngonde ije vene kuviilila kwavo kwatengulukile kujolela, vusiwa vwavo vwatengulukile kuvwaelela. Co vavalekele ngeci vaapwise matangwa a ciwano nakujolela, nakulyana vwana vwa vyakulya kuli umo na mukwavo nakwana vwana kuli tuutu.

Myaso 126:5

Vaje valilile omo vaile nakukuna vimbuto vyavo, vavwaelele a kuteja vimbuto vyavo!

Myaso 148:12

vakwenje na vambanda, vakulunu na vanike lalo!

Myaso 149:3

Shangazaleni lizina lyendi nakukina, mwimbileni myaso yakumushangazala, na vingoma na tulyalya.

Myaso 30:11

Unatengulula vusiwa vwange kuvupwisa kujolela, unatundisa vusiwa vwange nakunjana kujolela.

Isaya 12:1

Litangwa lilinakwija omo vanu vakaimba ngwavo, “Njikushangazala yove Shukulu Kalunga! Yove waluvalele nange, oloni unanjizembeleka, co kuwaluvalele lalo.

Isaya 35:10

Vaketa mu Yelusalema nakujolela, vakaimba nakutambeka nakujolela. Vakavwaelela myaka yoshe, vusiwa nakuviilila kuvikakalako myaka yoshe.

Isaya 51:11

Vaje vawapatwile vaketa mu Yelusalema nakuvwaelela, vakaimba nakutambeka nakujolela. Vakavwaelela ku myaka yoshe, vanapatuka ku vusiwa nakukuviilila ku myaka yoshe.

Isaya 51:3

“Njikazivila mema ku mbunge Yelusalema, na voshe vaje valinakuyoya mu ngundu yendi. Nameme lifuti lyavo linapu mambo, njikalipwisa ngwe citungu ca Endeni cije cinjakunine. Yelusalema ikajolela nakuvwaelela, ikaimba myaso yakushangazala nakukandelela kuli yange.

Isaya 60:20

Matangwa akuviilila kwove akahwa. Yange Kalunga, njikapwa ceke cove ku myaka yoshe ceke cije kucesi kuhwa catuvakana ceke ca litangwa na ngonde.

Isaya 61:2

Nanjitumu mukwambulula ngeci simbu inete omo Shukulu Kalunga akaamena vanu vendi, nakufungulula vitozi vavo. Nanjitumu mukuzembeleka voshe vaje valinakulila,

Isaya 61:3

nakwana kuli vaje valinakulila mu Siyone kuvwaelela nakujolela. Mwaso wakushangazala ukakalako kwinga mu mwaso wa vusiwa. Vakafwa ngwe miti ije yanakunu vavenya Shukulu Kalunga. Voshe vakalinga vya vushunga, co vakashangazala Njambi a vije vyanalingi.

Njelemiya 31:4

Co lalo njikakala neni, co lalo mukambata tumbulumbumba tweni nakukina nakujolela manene.

Njelemiya 33:11

muyoyo wakulisamba, nakujolela, nakuvwaelela, na muyoyo wa viwano vya vulo. Mukaziva vanu vakaimba omo vanena milambu ya cikandelela ku Njuvo yange nakwendeka ngwavo, ‘Kandeleleni kuli Shukulu Kalunga Muka-nzili yoshe, omwo ikeye wamuvwa, omwo cizemo cendi cakala ku myaka yoshe.’ “Lifuti eli likavezika, ngwe mulyafwile laja. Yange Kalunga, njinendekamo.”

Zakaliya 8:19

“Kulikela kulya kuje kukakalako ku ngonde yamuciwana, na yamucitanu, na yamucitanu na vivali, na ku ngonde yamulikumi vikapwa viwano vyakujolela nakuvwaelela vya vanu va mu Yunda. Munapande kuzema vushunga na kwoloka.”

Yowano 16:22

Ngecivene, omu mukemwo mucinapu neni, ololo muli na vusiwa, oloni njikamimona lalo, co vimbunge vyeni vikashula nakujolela, kujolela kuje naumo wai akacitundisa muli yeni.

Maako 21:21

Omo vambanda va ku Shilo vaija mukukina simbu ya ciwano, co jombolokeni mu mahya a mikolovozi ya vushuka vwa vinyu. Co munu na munu akwate munakazi wa ku Shilo, co amutwale ku mutambela wa Mbenjemani.