Njelemiya 31:10 - Livulu lya Shukulu Kalunga

¹⁰ Shukulu Kalunga alinakwendeka ngwendi, “Yeni miyati tolilileni kuli yange, ambululeni majwi ange na ku vikuma vyakulyala. Njashandwele vanu vange, oloni njikavakungulula lalo, nakuvatwamenena ngwe kanyungi atwamenena vutanga vwendi.

Njelemiya 31:10 Iomraidhean Croise

Kushangumuka 10:5

Vakevo vapwile vakukulwila va vanu vaje vakele ku ngenge ya mema a kalunga na a man̄anda. Ava vakevo vatekulwila va Njafeta, vaje vayoyele mu miyati yavo na mu mafuti avo akulyangunuka, co naanga na naanga vendekele muyati wavo.

Myaso 147:2

Shukulu Kalunga atungulula Yelusalema, elwisa vanu va mu Isalele ku vunzinda.

Myaso 23:1

Shukulu Kalunga ikeye Kanyungi kange, navimo vyai njijeneka.

Myaso 72:10

Vimyene va ku Sipeini na ava va ku man̄anda vakamulambwila milambu, na vimyene va ku Shemba na ku Semba vakamunenela vwana.

Visimo 27:23

Nyunga mwamuvwa vimanga vove, na vingombe vove,

Isaya 24:14

Vaje vakasalao vakaimba nakujolela. Vaje vali mu kangombe ka yambi vakambulula vukama vwa Shukulu Kalunga,

Isaya 27:12

A litangwa lije, kutunda ku Ndonga ya Yufuleti nakweta ku nginga ya Ingito, Shukulu Kalunga akakungulula vanu vendi umo na umo, ngwe munu aangununa tiliku ku lijungu.

Isaya 40:1

Njambi yetu alinakwendeka ngwendi, “Zembelekeni vanu vange. Vazembelekeni!

Isaya 40:11

Akanyunga vutanga vwendi mwamuvwa ngwe kanyungi, akakungulwila amolika vana va vimanga, nakuvambata mu mavoko endi, co akatwamenena vainavo kamandondo-kamandondo.

Isaya 41:1

Njambi alinakwendeka ngwendi, “Olokeni kuluu nakutolilila kuli yange, yeni muli mu mafuti a kulyala! Pweni vanu vakusimpa, shwenyeni kuno ngeci mwakwendeke. Ijeni tulikungulwile amo nakuyongola iya nashungamesa.

Isaya 42:10

Imbileni Shukulu Kalunga mwaso wauha, kaye koshe kaimbe nakumushangazala! Mushangazaleni, yeni vaka-kwenda a mema a kalunga, mushangazaleni, yeni vikashama vyoshe vya mu mema a kalunga! Mafuti aje alikulyala, na voshe vaje valimo, vaimbe.

Isaya 42:4

Kakonwa nambe kujuka, noo nanene vushunga asi. Mafuti a kulyala akashungwiya manene vilongesa vyendi.”

Isaya 48:20

Tundeni mu Mbambilone! Lisambeni omo muya. Joleleni nakutambeka ngeci vanu voshe vazive ngwavo, “Shukulu Kalunga namena Isalele ngamba yendi!”

Isaya 54:7

“Njakusezele kasimbu kakandondo lika, omwo a cizemo cange cakama njikakwilwisa lalo.

Isaya 60:9

Anapu mato aje atunda ku mafuti a kulyala, ali na kwilwisa vanu va Njambi kwimbo lyavo. Valinakwiluka na siliva na ngolinde, mukusingimika lizina lya Shukulu Kalunga, Njambi wakujela wa Isalele, uje nalingisa miyati ya vanu voshe ngeci vasingimike vanu vendi.

Isaya 66:19

co vakazivuka ngeci yange muka-kuvahisa. “Oloni ali vakevo njikasezao vamo, co njikavatuma ku miyati ya ku mafuti a kulyala vaje kuvazivile lutsimo lwange nambe kumona vukama vwange na nzili, ku Sipeini, Limbiya, na Lindiya, na vanalume vamwo vaka-vutongwe vwakwasha na mikili, na ku Tuvale, na ku Ngelese. Akati ka miyati ije vakambulula vukama vwange.

Njelemiya 23:4

Njikemika vaka-kushwana ngeci vavanyunge. Vanu vange kuvakazivi lalo lyova nambe kutewa, co naumo wai akazimbalao lalo. Yange Kalunga, njinendekamo.”

Njelemiya 25:22

na vimyene voshe va mu Tile, na Sindone, na vimyene voshe va ku man̄anda a Menditelenyani, na ku vinganda vya

Njelemiya 3:15

Njikamyana vaka-kushwana vaje vanjononoka, co vakamishika na mana nakuzivisisa.

Njelemiya 50:17

Shukulu Kalunga alinakwendeka ngwendi, “Vanu va Isalele vanafu ngwe vimanga vaje vavanasheke nakuvashandola ku vindumba. Akulivanga vavalwisile kuli Mwene wa Asilya, co lalo Mwene Nevukaneza wa Mbambilone ikeye wambulukutile vitsiya vyavo.

Njelemiya 50:19

Njikelwisila vanu va Isalele ku lifuti lyavo. Co vakalya vyakulya vije vilinakumena a Munkinda wa Kalemele mu lifuti lya Mbashane, co vakalya vyoshe vije vivashaka ku vimbuto vije vilinakumena mu mafuti a Efalime na Ngilyande.

Ezekiyele 11:16

“Ngecivene, leka vakweni vinzinda vije vinjendeka. Yange njavatumine kukakala akati ka miyati ya kulyala, nakuvashandwela akati ka mafuti eka. Nameme ngoco, a simbu ino vene, njikakala amo navo ku mafuti kuje kuvanai.

Ezekiyele 20:34

Njikamimwesa nzili yange nakuluvala kwange, omo njikamikungulwila amolika, nakumiilwisa kutunda ku mafuti oshe kuje njamishandwelelele.

Ezekiyele 34:12

mu ngila ije vene kanyungi akanyungu vimanga vendi vaje valishandokele, co avakungulwila amolika lalo. Njikavanena lalo nakuvelwisa kutunda ku mitambela kuje kuvalishandokelele a litangwa lije lya lisusulungu, na n̄avava.

Ezekiyele 37:24

Ngamba yange Ndaviti ikeye akapwa mwene yavo. Voshe vakakala na muka-kwimanena umolika, co vakononoka mashiko ange nakuwanyunga.

Ezekiyele 5:10

Mu ngila eyi, visemi va mu Yelusalema vakalya vana vavo, na vana lalo vakalya visemi vavo. Njikaminyanyamesa, co vaje vakasalao na myonyo njikavashandwela ku mitambela yoshe.

Ezekiyele 5:2

Enyekela mutambela wamucitatu wa vin̄ambu mu nganda omo nzita inahu. Co nona mutambela ukwavo wamucitatu nakuutetanga na mukwale wove omo ulinakulizenga ku nganda. Umbila mutambela uje wanasalao wamucitatu mu lihunzi, co njikavakava na mukwale wange.

Ndanyele 11:18

Munima yevi akalwisa miyati ije ili ku mema a kalunga, co akafungulula vanu vavangi. Oloni ntwama uje muka-kwija akamufungulula nakumanesa kapopolwezi kendi. Mwa vushunga kapopolwezi kendi kakamwilukila ikeye vavenya.

VaLevi 26:33

Co nzita ikaija akati keni yakumishandwela ku mafuti eka. Mu lifuti lyeni mukapwa mwangoco, na membo akapwa vingundu.

Mika 2:12

“Oloni njikamikungulwila amolika, yeni vanu voshe va mu Isalele vaje vanasalao. Njikamikungulwila amolika ngwe vimanga veluka ku vutanga. Ngwe vulilo vunashulu na vimanga, lifuti lyeni likakala na vanu vavangi.”

Mika 4:6

Shukulu Kalunga alinakwendeka ngwendi, “Simbu ilinakwija, omo njikakungulula vanu vaje vanjanyanyamesele, vaje vayandelele mu vunzinda.

Mika 5:4

Omo akaija, akashwana vanu vendi na nzili yakutunda kuli Shukulu Kalunga na vukama vwavavenya Shukulu Kalunga Njambi. Vanu vendi vakakala mu kwoloka omwo vanu va mu kaye mwoshe vakamona vukama vwendi,

Zefaniya 2:11

Shukulu Kalunga akavajujwisa. Akatengulula vinjambi va ano asi nakuvapwisa vangoco, asinoni muyati na muyati wa vanu mu lifuti lyawo vakalemesa Shukulu Kalunga.

Zefaniya 3:19

Simbu ilinakwija! Njikanyanyamesa vaka-kumiyandesa, co njikapatula vilema voshe nakwilwisa vinzinda voshe kwimbo, co njikatengulula shwamwa yavo kupwa kasingimiko, na vaka-kaye voshe vakavashangazala.

Zakaliya 10:8

“Njikasana vanu vange nakuvakungulwila amolika. Njikavapatula, co njikavapwisa vavangi ngwe muvapwile laja.

Zakaliya 2:6

Shukulu Kalunga wendekele kuli vanu vendi ngwendi, “Njamishandwelele mu mitambela yoshe.

Zakaliya 9:16

Omo litangwa lije likaija, Shukulu Kalunga akanyunga vanu vendi ngwe kanyungi amena vutanga vwendi ku vushonde. Vakavyazima mu lifuti lyendi ngwe mamanya a seo a cilongo.

Luka 12:32

“Kesi muzive lyova, yeni mbunga yaindondo, omwo Ishweni navwaelela kumyana Vumwene.

Yowano 10:27

Vimanga vange vaziva lijwi lyange, co nange njivazivuka, co vanjikava.

Yowano 11:52

co kesi vakevo lika embwe, oloni akungulwile amo vanu va Njambi mu muvila umo vaje vanashandokela kweka.

Kwituluka mu Mashiko 30:4

Nameme nga yeni mwashandokelele ku mafuti a kulyala, Shukulu Kalunga Njambi yeni akamikungulwila amolika nakumiilwisa lalo,

Kwituluka mu Mashiko 32:26

Njayongwele kuvanyongesa voshe njwa, ngeci kesi kukakale umo lalo akavanuke.