Njelemiya 30:7 - Livulu lya Shukulu Kalunga

⁷ Litangwa lyalikalu lilinakwija, kukwesi lalo litangwa lyeka lyakulifwa nalyo, ikapwa simbu yaikalu kuli vanu vange, oloni vakovoka.”

Njelemiya 30:7 Iomraidhean Croise

Kushangumuka 32:7

Ngecivene, Yakomba wazivile lyova manene nakujujuka. Co waangunwine vanu vaje wendele navo mu vimbunga vivali, co lalo waangunwine vimanga vendi, na vimembe, na vingombe na tumelo lalo mu vimbunga vivali.

Myaso 25:22

Yove Njambi, amena Isalele ku tuyando twendi twoshe!

Myaso 34:19

Tuyando twa muka-vushunga twapwa twatungi, oloni Shukulu Kalunga amwamena mu vyoshe.

Isaya 20:6

Omo vyuma evi vikalingiwa, vanu vaje vatungila ku ngenge ya ndonga ya mema a kalunga ya Filisitiya vakendeka ngwavo, ‘Kengeni vije vinalingiwa ku vanu vaje twajendamenene ngeci vatunyunge kuli mwene wa Asilya! Twasa kuyoya vatijo?’ ”

Njelemiya 14:8

Yove cinyangavili ca Isalele, yove muyoyesi wa Isalele a simbu ya tuyando. Omwo vikajo upwa ngwe mungenzi mu lifuti lyetu, nambe ngwe muka-kwendangana uje alala vutsiki vumolika?

Njelemiya 2:27

voshe vaje vendeka ngwavo muti wapwa ishweni, co limanya lyapwa vanyoko. Eci cikalingiwa omwo munatundu kuli yange, kumwelukile kuli yange embwe. Oloni omo muli mu tuyando, co munjilomba ngeci njimikwase.

Njelemiya 2:28

“Vali kulijo vinjambi vaje mwalishongelele? Vanapande kumyamena, omo muli mu tuyando! Yunda, yove uli na vinjambi vavangi ngwe muuli na vinganda vyavingi.

Njelemiya 30:10

Yeni vanu vange, kesi muzive lyova, yeni vanu va Isalele kesi mujaje embwe. Njikamyovola ku lifuti lije lya kulyala, ku lifuti lije ku muli mu vunzinda. Mukeluka kwimbo, co mukayoya mu kwoloka, mukakala mwamuvwa, naumo wai akamizivisa lyova.

Mbimbi 1:12

“Kuma eci kucesi nakulumbununa cuma cimo kuli yeni mulinakwita mu ngila ndi? Kengeni nga kuli umo namono tuyando ngwe yange, tuyando tuje nanjinenela Shukulu Kalunga a simbu ya vukalu vwendi vwakama.

Mbimbi 2:13

Ove Yelusalema, Yelusalema injazema, vikajo njendeka kuli yove? Vatijo njikuzembeleka? Kukwesi umo wayandele ngeci wai. Tuyando twove tunaama ngwe mema a kalunga, iyajo asa kukukangwisa?

Mbimbi 4:6

Vanu vange vanavanyanyamesa manene kutuvakana vuvi vwa Sondoma, nganda ije yanyongele na nzili ya Njambi.

Ndanyele 12:1

Kangelo uje wazalele vuzalo vwa linyu wendekele ngwendi, “A simbu ije kangelo Mingeli, uje muka-kunyunga vanu vove akasholoka. Asinoni kukakala simbu ya tuyando, tuyando twakama manene tuje kutwakeleko tunde aje vatangelele kaye. Omo simbu ije iketa, vanu voshe va ku muyati wove vaje mazina avo vanawasoneka mu livulu lya Njambi vakovoka.

Ndanyele 9:12

Yove walingile vije wendekele ngwove ukavilinga kuli yetu na kuli vaka-kushwana vetu. Wanyanyamesele manene Yelusalema kutuvakana vinganda vyoshe vya ano asi,

Hoziya 1:11

Vanu va mu Yunda na vanu va mu Isalele vakalipandakana. Co vakaangula ntwama yavo umolika, co lalo vakatuma manene nakuvezika mu lifuti lyavo. Eyo, litangwa lya Njezelele likapwa lyakama manene!

Njwele 1:15

Litangwa lya Shukulu Kalunga lili muyehi, litangwa lije omo Muka-nzili yoshe akanena kunyonga. Litangwa lije likapwa lyakujujwisa!

Njwele 1:2

Tolilileni, yeni vakulunu, munu woshe ali mu Yunda, atolilile. Kuma cuma cimo cakufwa ngwe eci calingiwile a simbu yeni nambe a simbu ya vakukulwila veni ndi?

Njwele 2:11

Shukulu Kalunga ashika mashwalale vendi na lijwi lyakama ngwe cililimo. Mashwalale vaje vamwononoka vapwa vavangi, co lalo vakala na nzili. Litangwa lya Shukulu Kalunga likapwa lya vukalu manene! Naumo wai akasa kuputumuka.

Njwele 2:31

Litangwa likazivala, na ngonde ikavenga ngengu ngwe maninga, omo litangwa lyakama lyakukomokesa lya Shukulu Kalunga kanda lyete.

Mika 4:9

Omwo vikajo ulinakulilila nakutendeka? Omwo vikajo ulinakuyandela ngwe munakazi ali a funga? Omwo kuwesi na mwene, co lalo na vaka-kunangula vove vanatsi ndi?

Hambakuke 3:16

Njazivi vyoshe evi, co njijaja, mbunge yange itumbuka omwo lyova. Muvila wange ushinuka, co mendi ange ajaja mu mavuli. Njikasimpa nakuvandamena simbu ngeci yete, omo Njambi akanyanyamesa vaje vakatulwisa.

Zakaliya 14:7

nambe lisusulungu, likapwa litangwa lya ceke nameme ku simbu ya vutsiki. Vavenya Shukulu Kalunga ikeye lika azivuka litangwa eli.

Malakiya 4:1

Shukulu Kalunga Muka-nzili yoshe alinakwendeka ngwendi, “Litangwa lilinakwija omo voshe vaka-kulyalesa na vaka-vuvi vakavenyeka ngwe vishati. A litangwa lije voshe vakenya njwa, co nacimo cai cuma cavo cikasalao.

Mako 13:19

Omwo a matangwa aje kukakala n̄avava ije kanda vaimoneo laja ano a kaye tunde akushangumuka omo Njambi watangele kaye kweta nalelo lino. Nambe kulutwe kuyikakalako lalo.

Vilinga vya Miluwa 2:20

litangwa likazivala, co ngonde ikavenga ngengu ngwe maninga, omo Litangwa lya Shukulu Kalunga lije lyakama lya vumpau kanda lyete.

Loma 11:26

Eyi ikeyo ngila vanu va Isalele voshe vakavaamena nayo. Ngwe muvyendeka visoneka ngwavyo, “Muyoyesi akatunda ku Siyone, co akatundisa kupenga-penga kwoshe ku vatekulwila va Yakomba.

Kujombolola 6:17

Omwo litangwa lyakama lya vukalu vwavo linete, co iyajo asa kwimana?”