Njelemiya 30:3 - Livulu lya Shukulu Kalunga

³ omwo simbu ilinakwija omo njikelwisa vanu vange, Isalele na Yunda. Njikavelwisila ku lifuti lije njaanene vakukulwila vavo, co likapwa lyavo lalo. Yange Kalunga, njinendekamo.”

Njelemiya 30:3 Iomraidhean Croise

Ezela 3:1

Ku ngonde yamucitanu na vivali vanu va Isalele voshe vatungile mu vinganda vyavo. Asinoni voshe vakungulukilile mu Yelusalema,

Ezela 3:12

Vungi vwa vaka-kukombelela va vakulunu, na vaLevi, na vakulunu va vikota vaje vamwene Njuvo ya Shukulu Kalunga yakulivanga, vatendekele nakulila. Oloni veka vaje vakele kuje omo vamwene luvula lwa Njuvo ya Shukulu Kalunga valinakulwinda vatambekele manene nakujolela.

Ezela 3:8

Ngecivene, ku ngonde yamucivali ya mwaka uje vene omo vaneluka ku mutambela wa Njuvo ya Shukulu Kalunga mu Yelusalema, vashangumukile vipangi. Zelumbambele, na Yoshwa, na vavushoko vwavo voshe, na vaka-kukombelela, na vaLevi, na vinzinda voshe vaje velukile ku Yelusalema, valikumbasanene kupanga vipangi. VaLevi voshe vaje vakele na myaka makumi avali nambe kutuvakana vavapwisile vantwama ku vipangi vyakutungulula Njuvo ya Shukulu Kalunga.

Myaso 126:4

Tuvezikise lalo Shukulu Kalunga, tupwe ngwe nyonzi ije inyokela mu vindonga vyakuma.

Myaso 53:6

Nga kwamena kwa Isalele kwatundile ku Siyone! Omo Njambi akelwisa vanu vendi vaje vatwalele mu vunzinda, co Yakomba akavwaelela, na Isalele akajolela.

Njelemiya 16:15

Oloni vakalisinga nakwendeka ngwavo njapwa Njambi wakuyoya, uje watundisile vanu va Isalele ku lifuti lya ku kunto na ku mafuti oshe aje njavashandwelele, co njikavelwisila mu lifuti lyavo, lifuti lije linjanene kuli vakukulwila vavo. Yange Kalunga, njinendekamo.”

Njelemiya 23:5

Shukulu Kalunga alinakwendeka ngwendi, “Simbu ilinakwija omo njikaangula mwene wa kulongwa wa ku vatekulwila va Ndaviti. Mwene uje akashwana na mana, nakulinga vyavivwa na vushunga mu lifuti mwoshe.

Njelemiya 27:11

Oloni nga muyati umo ulikeesa kuli mwene wa Mbambilone nakumupangela, co njikavecelela ngeci vakale mu lifuti lyavo, kulimamo nakukalamo. Yange Kalunga, njinendekamo.”

Njelemiya 27:22

Vakavutwala ku Mbambilone, co vukakala kuje noo njikavwanuka. Asinoni njikavwilwisa nakuvwaka mu mwela uno. Yange Kalunga, njinendekamo.”

Njelemiya 29:10

“Shukulu Kalunga alinakwendeka ngwendi, ‘Omo myaka yakukala mu Mbambilone makumi atanu na avali inahu, co njikakala na ngozi neni nakunyunga cikulaeso cange cakumiilwisila lalo kwimbo.

Njelemiya 29:14

Eyo, njendeka ngwange, mukanjiwana, co njikamiilwisila mu lifuti lyeni lalo. Njikamikungulula kutunda mu mafuti oshe, nakutunda mu mitambela yoshe muje munjamishandwelele, co njikamiilwisa nakuminena mu lifuti muje mumwatundile, omo njamitwalele mu vunzinda. Yange Kalunga, njinendekamo.’

Njelemiya 3:18

Isalele akalipandakana na Yunda, co voshe vakatunda mu vunzinda mu lifuti lya ku kunto, co vakeluka ku lifuti lije linjanene vakukulwila veni kupwa vufuko vwa ku myaka yoshe.”

Njelemiya 30:10

Yeni vanu vange, kesi muzive lyova, yeni vanu va Isalele kesi mujaje embwe. Njikamyovola ku lifuti lije lya kulyala, ku lifuti lije ku muli mu vunzinda. Mukeluka kwimbo, co mukayoya mu kwoloka, mukakala mwamuvwa, naumo wai akamizivisa lyova.

Njelemiya 30:18

Shukulu Kalunga alinakwendeka ngwendi, “Njikelwisila vanu vange mu lifuti lyavo, co njikazivila mema ku mbunge naanga na naanga, vakatungulula Yelusalema, co lipela lya mwene vakaliilwisila mu mutambela walyo walaja.

Njelemiya 30:4

Shukulu Kalunga alinakwendeka ku vanu va Isalele na Yunda ngwendi,

Njelemiya 31:16

Likele kulila, lisikumune misozi. Vyoshe vije walingilile vana vove, kuvikai mwangoco kujeneka cikandelela embwe, vakeluka kutunda mu lifuti lya citozi.

Njelemiya 31:23

Shukulu Kalunga Muka-nzili yoshe, Njambi ya Isalele, alinakwendeka ngwendi, “Omo njikelwisila vanu mu lifuti lyavo, vakendeka lalo mu lifuti lya mu Yunda na mu vinganda vyamwo ngwavo, ‘Shukulu Kalunga avezikise lilundu lyakujela lya Yelusalema, mwela wakujela kuje kwakala.’

Njelemiya 31:27

“Yange Kalunga, njendeka ngwange simbu ilinakwija, omo njikatumisa vanu na tusitu mu lifuti lya Isalele na Yunda.

Njelemiya 31:31

Shukulu Kalunga alinakwendeka ngwendi, “Simbu ilinakwija omo njikalikumiiya cikumiiyo caciha na vanu va mu Isalele na mu Yunda.

Njelemiya 31:38

Shukulu Kalunga alinakwendeka ngwendi, “Simbu ilinakwija, omo Yelusalema yoshe vakaitungulula kupwa nganda yange, kutunda ku Kaposhi ka Hananele mu kangombe ka yambi, kutwala ku Cikolo ca mu Mbango.

Njelemiya 32:37

Njikakungulwila vanu amolika kutunda ku mafuti oshe kuje njavashandwelele omwo njaluvalele navo manene, co yange njikavelwisa ku mutambela uno, nakuvecela ngeci vakale muno mu kwoloka.

Njelemiya 32:44

Vanu vakalanda, co vakasoneka vukaleo vwa vikumiiyo, nakuvisatesa. Evi vakavilingila mu mutambela wa lifuti lya Mbenjemani, mu membo akuzengeleka ku Yelusalema, mu vinganda vya mu Yunda, na mu vinganda vya mu lifuti lya malundu, na mu membo a mu lifuti lya ku vushelumukilo vwa malundu, na mu mbwela ya mutambela wa lifuti lya Yunda. Co njikelwisila vanu mu lifuti lyavo. Yange Kalunga, njinendekamo.”

Njelemiya 33:26

Mwa vushunga omo njinalingi evi, yange njikakolesa cikumiiyo cange na vatekulwila va Yakomba, na ngamba yange Ndaviti. Njikaangula umo wa vatekulwila va Ndaviti kushwana a vatekulwila va Avilahama, na Isake, na Yakomba. Njikazivila vanu vange mema ku mbunge, co vakavezika lalo.”

Njelemiya 51:60

Njasonekele mu livulu vyuma vyoshe vyavikalu vije vikaija ali vanu va Mbambilone, na vyuma vyeka lalo vije vikalingiwa ku Mbambilone.

Ezekiyele 20:42

Omo njikamiilwisa mu Yelusalema, lifuti lije linjakulaesele kulyana kuli vakukulwila veni, asinoni mukazivuka ngeci yange njapwa Kalunga.

Ezekiyele 34:13

Njikavatundisa ku mafuti a vungenzi, nakuvakungulwila amolika, co njikavelwisila ku lifuti lyavo vavenya. Njikavatwamenena ku minkinda na ku vana va vindonga vya Isalele, co njikavalisila ku mwila wauvwa.

Ezekiyele 36:24

Njikamiilwisa kumitundisa ku miyati yoshe na ku mafuti oshe nakumiilwisila ku lifuti lyeni lalo.

Ezekiyele 47:14

Yange njalikumiiye cikumiiyo na vakukulwila veni ngeci njikavana lifuti eli kupwa lyavo, co ololo lipangezelenilyo akati keni muvavoshe mupwise amo.

Njwele 3:1

Shukulu Kalunga alinakwendeka ngwendi, “A simbu ije njikelwisa vivezikiso vya Yunda na Yelusalema.

Zefaniya 2:7

Vanu va mu Yunda vaje vasalao vakatambula lifuti lyeni. Vakalisila matanga avo a vimanga kuje, co vakakala mu vinjuvo vya vaka-Ashekelone. Co Shukulu Kalunga Njambi yavo akakala amo navo, co akavavezikisa lalo.

Zefaniya 3:20

Simbu ilinakwija! Njikelwisila vanu veni kwimbo vaje valishandokele, co njikamitsimanesa mu kaye mwoshe, co mukakala mwamuvwa lalo ngwe laja.” Mukemwo mwanendeka Shukulu Kalunga.

Luka 17:22

Asinoni Yesu wendekele kuli vandongisi vendi ngwendi, “Simbu ikaija omo mukashaka kumona litangwa limo lya Muna Munu, oloni kumukasa kulimona.

Luka 19:43

Simbu ikaija omo vitozi vove vakakuzengeleka mu cimpaka, nakukwaka mukati kavo, nakukushetwila mukati ku mitambela yoshe noku-noku.

Luka 21:6

“Vyoshe evi munamono, simbu ikaija omo vitozi veni vakatundisa limanya lyoshe lya njuvo mu mutambela walyo, co vinjuvo vyoshe vikasiwuka.”

Kwituluka mu Mashiko 30:3

asinoni Shukulu Kalunga Njambi yeni akamizivilako mema ku mbunge. Co akamitundisa ku miyati ije wamishandwelele, co akamivezikisa lalo.

Kwituluka mu Mashiko 30:5

ngecivene, mukatambule lifuti lije muvakele vakukulwila veni laja. Co akamivezikisa, mukafuka, co mukapwe muvavangi kutuvakana vakukulwila veni.

VaHevelu 8:8

Oloni Njambi wawanene mulonga muli vanu vendi omo wendekele ngwendi, “Shukulu Kalunga wendekele ngwendi, matangwa alinakwija omo njikalinga cikumiiyo caciha kuli vanu va Isalele, na ku muyati wa Yunda.