Njelemiya 30:21 - Livulu lya Shukulu Kalunga

²¹ Muka-kuvashwana akatunda ku muyati wavo vavenya, muna mwene yavo akatunda ku vanu vavo vavenya. Akaija kuli yange omo njikamusana, iyajo asa kwija kuli yange, kujeneka kumusana?

Njelemiya 30:21 Iomraidhean Croise

Kushangumuka 18:27

Avilahama wendekele lalo ngwendi, “Shukulu njisambese a lukakateya lwange lwakwendeka nove. Yange nji munu wangoco, kunjapandele kwendeka cuma cikwavo lalo.

Kushangumuka 18:30

Avilahama wendekele lalo ngwendi, “Shukulu Kalunga kesi uluvale embwe, oloni njinapande kwendeka lalo. Vatijo nga kuje kuli lika vanu makumi atatu?” Co Shukulu Kalunga wamukumbulwile ngwendi, “Kunjikainyongesa nga njikawanamo vanu makumi atatu.”

Kushangumuka 18:32

Avilahama wehwile lalo ngwendi, “Shukulu Kalunga kesi uluvale embwe, njicendekeko lalo lumolika. Vatijo nga mukawanamo lika vanu likumi?” Co Shukulu Kalunga wamukumbulwile ngwendi, “Kunjikainyongesa nga muje mu nganda muli vanu likumi.”

Kushangumuka 49:10

Mulamu wa vumwene kuukatundu kuli Yunda, nambe mulamu wa muka-kushwana kuukatundu ku vatekulwila vendi, noo vavenyawo naija, miyati ya vanu vakamwononoka.

2 Samwele 7:13

Ikeye akanjitungila njuvo, co njikakolesa litanda lya vumwene vwendi.

Ezela 2:2

Vantwama vavo vapwile, Zelumbambele, na Yoshwa, na Nehemiya, na Selaya, na Lelaya, na Molendekai, na Mbileshane, na Misepale, na Mbingevai, na Lehume, na Mbana. Ou ukewo mukana wa vikota vya Isalele, na vungi vwa vaje vatundile ku cikota na cikota ca vanu vaje velukile kutunda ku vunzinda.

Nehemiya 7:2

Cooni njaakele vanu vavali vaka-kupangesa nakwendesa nganda ya Yelusalema, ndolome yange Hanani na Hananiya, mwata wa mashwalale va cimpaka ca vutewelo. Hanani wapwile munu wamuvwa muka-kukomoka Njambi, kukwesi umo walyesekele nendi wai.

Myaso 65:4

Navezika munu uje iwunaangula, nakumushwenyesa kuli yove, ngeci akale mu lipela lyove. Tunakuta na vyuma vyavivwa vya ku Njuvo yove, vivezikiso vya mu Njuvo yove yakujela!

Myaso 89:29

Umo wa vatekulwila va Ndaviti, akapwa mwene simbu yoshe. Vumwene vwendi vukakalako simbu yoshe noo lilu likahwa.

Kutuuka 3:5

Njambi wendekele ngwendi, “Kesi ushwenye kuyehi. Tundisa vin̄aku vyove, omwo oo awunemana anapu a livu lyakujela.”

Isaya 63:1

“Iyajo ou alinakwija atunda ku nganda ya Mbozile mu Endome nazala vuzalo vwavuvwa manene vwakuvenga? Ou alinakuya kulutwe na nzili?” “Ikeye Shukulu Kalunga, uje ali na nzili yakwamena, alinakwija mukwambulula kuhyana kwendi.”

Njelemiya 30:9

Oloni vakapangela yange Kalunga Njambi yavo, nakupangela lalo mutekulwila wa Ndaviti, uje njikemika kupwa mwene.

Njelemiya 33:15

A simbu ije njikaangula mwene wa vushunga, mutekulwila wa Ndaviti. Mwene uje akalinga vya vushunga na kulongwa, mu lifuti mwoshe.

Njelemiya 49:19

Njikaija kuli va Endome ngwe ndumba atunda mu shwata yakuzika, ku ngenge ya Ndonga ya Yondau nakuya ku mwila wauvwa wakutonola mukulwisa vimanga, nakuvashekela kulyala kutunda mu lifuti lyavo. Co uje ntwama injinaangula akashwana muyati wa vanu. Iyajo nalifu nange? Iyajo asa kulwa nange? Muka-kushwana iyajo asa kunjiyeluwisa?

Njelemiya 50:44

“ Yange Kalunga njikashekela vaMbambilone kulyala kutunda mu nganda yavo, ngwe ndumba atunda mu shwata yakuzika, ku ngenge ya Ndonga ya Yondau nakuya ku mwila wauvwa wakutonola mukulwisa vimanga. Co uje ntwama injinaangula akashwana muyati wa vanu. Iyajo nalifu nange? Iyajo asa kulwa nange? Muka-kushwana iyajo asa kunjiyeluwisa?

Ezekiyele 37:24

Ngamba yange Ndaviti ikeye akapwa mwene yavo. Voshe vakakala na muka-kwimanena umolika, co vakononoka mashiko ange nakuwanyunga.

Hoziya 1:11

Vanu va mu Yunda na vanu va mu Isalele vakalipandakana. Co vakaangula ntwama yavo umolika, co lalo vakatuma manene nakuvezika mu lifuti lyavo. Eyo, litangwa lya Njezelele likapwa lyakama manene!

Kulava 16:40

Eci capwile canukiso kuli vanu va Isalele ngeci kukwesi munu weka uje kesi muka-kukombelela akashwenya ku mutula mukwenyeka insense kuli Shukulu Kalunga kuvanga wa ku vatekulwila va Alone, kutewa vakamunyongesa ngwe Kola na vanu vendi. Vyoshe evi vyalingiwile ngwe muje mwashikile Shukulu Kalunga Elyazale kwitila muli Mosesa.

Kulava 16:5

Asinoni wendekele kuli Kola na ku mbunga yendi ngwendi, “Imene mutondo Shukulu Kalunga akatumwesa vaje vanapu vendi na vaje vanajele, co akavashwenyesa kuyehi nendi, ngeci vaje vakaangula akavashwenyesa kuyehi nendi.

Mateo 2:2

vehwile ngwavo, “Ulijo mwanike ou nasemuka uje akapwa mwene wa vaYunda? Omwo twamwene ngongonosi yendi ilinakutuuka mu ngangela, ngecivene, tunaija mukumulemesa.”

Mateo 27:37

Co vasonekele mukanda wa majwi aje vamuhisile nawo, vawakele akamwa ya mutwe wendi ngwavo, “Ou ikeye Yesu Mwene ya vaYunda.”

Mateo 3:17

Co mwilu mwatundile lijwi ngwalyo, “Ou ikeye Munange injazema, njilinakuvwaelela ali ikeye.”

Luka 24:26

Kuma Wakuvwavesa kapandele kuyanda a vyuma evi nakukovela mu vumpau vwendi ndi?”

Vilinga vya Miluwa 5:31

Njambi wamusangwile ku vatsi nakumwaka ku livoko lyendi lya cilyo kumupwisa Ntwama na Muyoyesi, mukwana Isalele simbu yakutenguluka ngeci vavasambese ku vivi vyavo.

Loma 8:34

Iyajo asa kuvahisa? Kesi Kilistu Yesu, uje watsile, eyo, uje wasangukile ku vatsi, co ali ku livoko lya cilyo lya Njambi, mukutulambelelako kuli Njambi!

Kwituluka mu Mashiko 17:15

Mwa vushunga uje munu imukaangula kupwa mwene, kuvanga akapwe uje yakaangula Shukulu Kalunga Njambi yeni. Ikeye akapwe umo wa ali vandolome veni vene, co kesi mukapwise muka-kwija mwene yeni embwe.

Kwituluka mu Mashiko 18:18

Njikavatumina muka-kwimanena wakufwa ngwe yove wakutunda akati kavo vene. Co njikamuleka evi akendeka, co ikeye akaleka vanu vyuma vyoshe vinjikamushika.

Kwituluka mu Mashiko 33:5

Shukulu Kalunga wapwile mwene mu Isalele, omo miyati yavo na vantwama vavo valikungulwile voshe amolika.”

VaHevelu 1:3

Ikeye kutwa kwa ceke ca vumpau vwa Njambi, ikeye vene cifwa ca Njambi vavenya, akukolesa vyoshe mu kaye koshe na lijwi lyendi lya nzili. Omo nashokolola laja ngila ngeci vivi vya vanu voshe vavisambese, co watumbamene mwilu ku livoko lya cilyo lya Njambi, Muka-nzili yoshe.

1 Yowano 2:2

Co Kilistu ikeye vavenya napu n̄ombelo ya vivi vyetu ngeci vavisambese, co kesi vivi vyetu lika embwe, oloni na vivi vya vanu voshe lalo.

Kujombolola 19:16

A cikoveyo cendi cacilaja na a myanja yendi vasonekeleo lizina ngwavo, “Mwene ya vimyene na Shukulu ya vashukulu.”