Njelemiya 30:18 - Livulu lya Shukulu Kalunga

¹⁸ Shukulu Kalunga alinakwendeka ngwendi, “Njikelwisila vanu vange mu lifuti lyavo, co njikazivila mema ku mbunge naanga na naanga, vakatungulula Yelusalema, co lipela lya mwene vakaliilwisila mu mutambela walyo walaja.

Njelemiya 30:18 Iomraidhean Croise

1 Mizimbu 29:1

Mwene Ndaviti walekele mbunga yoshe ngwendi, “Munange Solomoni ikeye yanaangula Njambi, oloni ikeye acili mwanike, kesi na mana manene. Vipangi evi vilingiwa vinapu vyakama manene, omwo Njuvo eyi kesi ya vanu embwe, oloni inapu Njuvo ya Shukulu Kalunga Njambi.

1 Mizimbu 29:19

Ana munange Solomoni mbunge yakulumbunuka, ngeci anyunge vyuma vyoshe vije viwunamushiki, nakutunga Njuvo yove injinavwaesela cimweja vyuma vyakutungisa.”

Nehemiya 7:4

Yelusalema yapwile nganda yakama manene, oloni kumwakele vanu vavangi manene, co lalo kuvatungililemo vinjuvo vyavingi.

Myaso 102:13

Kala na mema ku mbunge na Siyone, omwo simbu inete yakumutetela, ino ikeyo vene simbu yaivwa!

Myaso 102:14

Vangamba vove vazema Siyone, nameme ikeyo vanainyongesa, vangamba vove vaizivila mema ku mbunge, nameme inapu ngundu.

Myaso 122:7

Kwoloka kukale mukati ka vivumbe vyove, na vuvwa lalo vukale mu mapela ove.”

Myaso 48:13

kengeni mwamuvwa vivumbe vyayo, co iluleni mwamuvwa vimpaka, ngeci mukase kuleka cisemwa ca kulutwe ngweni,

Myaso 48:3

Njambi namwesa ngeci, kuje kwali kuli kwoloka.

Myaso 78:69

Watungile Njuvo yendi yakujela, nakuyipwisa yailaja ngwe munkinda, ngwe kaye kaje kaatumbika myaka yoshe.

Myaso 85:1

Unavezikisa lifuti lyove yove Shukulu Kalunga, unalingisa vyuma vyoshe kupwa vyavivwa ku vatekulwila va Yakomba.

Isaya 44:26

Oloni omo ngamba yange endeka vya vuka-kwimanena, omo njituma muluwa mukujombolola matumbe ange, njitumba matumbe na vuka-kwimanena ngeci vipwe vya vushunga. Njileka Yelusalema ngwange vanu vakatungamo lalo, na vinganda vya Yunda vakavitungulula lalo. Vinganda evi vikasholoka mu vingundu.

Isaya 44:28

Njendeka kuli Siluse ngwange, ‘Yove ukatwamenena vanu vange, ukalinga vije vinjinashakele kulinga, ukashika ngeci Yelusalema vaitungulule, na luvula lwa Njuvo ya Shukulu Kalunga valujale.’ ”

Njelemiya 23:3

Njikatundisa vanu vange vaje vanasalao ku mafuti kuje kunjavashandwelelele, co njikavelwisa mu lifuti lyavo. Vakakala na vana vavangi, co vakatuma manene.

Njelemiya 29:11

Yange lika njazivuka matumbe njilinawo ali yeni, matumbe akuminenela vivezikiso, kesi akuminenela tuyando twakama embwe, matumbe akuyoya kulutwe vuje vunashulu na cinyangavili.

Njelemiya 29:14

Eyo, njendeka ngwange, mukanjiwana, co njikamiilwisila mu lifuti lyeni lalo. Njikamikungulula kutunda mu mafuti oshe, nakutunda mu mitambela yoshe muje munjamishandwelele, co njikamiilwisa nakuminena mu lifuti muje mumwatundile, omo njamitwalele mu vunzinda. Yange Kalunga, njinendekamo.’

Njelemiya 30:3

omwo simbu ilinakwija omo njikelwisa vanu vange, Isalele na Yunda. Njikavelwisila ku lifuti lije njaanene vakukulwila vavo, co likapwa lyavo lalo. Yange Kalunga, njinendekamo.”

Njelemiya 31:23

Shukulu Kalunga Muka-nzili yoshe, Njambi ya Isalele, alinakwendeka ngwendi, “Omo njikelwisila vanu mu lifuti lyavo, vakendeka lalo mu lifuti lya mu Yunda na mu vinganda vyamwo ngwavo, ‘Shukulu Kalunga avezikise lilundu lyakujela lya Yelusalema, mwela wakujela kuje kwakala.’

Njelemiya 31:38

Shukulu Kalunga alinakwendeka ngwendi, “Simbu ilinakwija, omo Yelusalema yoshe vakaitungulula kupwa nganda yange, kutunda ku Kaposhi ka Hananele mu kangombe ka yambi, kutwala ku Cikolo ca mu Mbango.

Njelemiya 31:4

Co lalo njikakala neni, co lalo mukambata tumbulumbumba tweni nakukina nakujolela manene.

Njelemiya 31:40

Mu cimbongo muje vakatsindi vivimbi, nakumbila vishwashwa, na mahya oshe a vulamatelo a kandonga ka Kindelone kuketa na ku Cikolo ca Tuvalu mu ngangela, kuli yange ikapwa mitambela yakujela. Nalumo lwai lalo vakasiwula Yelusalema nambe kuyinyongesa.”

Njelemiya 32:15

Shukulu Kalunga Muka-nzili yoshe, Njambi ya Isalele, nendeka ngwendi vinjuvo, na mahya, na mikolovozi ya vushuka vwa vinyu, vakavilanda lalo mu lifuti lino.”

Njelemiya 32:44

Vanu vakalanda, co vakasoneka vukaleo vwa vikumiiyo, nakuvisatesa. Evi vakavilingila mu mutambela wa lifuti lya Mbenjemani, mu membo akuzengeleka ku Yelusalema, mu vinganda vya mu Yunda, na mu vinganda vya mu lifuti lya malundu, na mu membo a mu lifuti lya ku vushelumukilo vwa malundu, na mu mbwela ya mutambela wa lifuti lya Yunda. Co njikelwisila vanu mu lifuti lyavo. Yange Kalunga, njinendekamo.”

Njelemiya 33:11

muyoyo wakulisamba, nakujolela, nakuvwaelela, na muyoyo wa viwano vya vulo. Mukaziva vanu vakaimba omo vanena milambu ya cikandelela ku Njuvo yange nakwendeka ngwavo, ‘Kandeleleni kuli Shukulu Kalunga Muka-nzili yoshe, omwo ikeye wamuvwa, omwo cizemo cendi cakala ku myaka yoshe.’ “Lifuti eli likavezika, ngwe mulyafwile laja. Yange Kalunga, njinendekamo.”

Njelemiya 33:7

Njikatumisa manene Yunda na Isalele, co njikavatungulula lalo ngwe muvakele laja.

Njelemiya 46:27

“Vanu vange kesi muzive lyova, vanu va Isalele kesi mujaje embwe. Njikamipatula mu lifuti lije lya kulyala, mu lifuti lije mwakele mu vunzinda. Mukeluka lalo kwimbo nakukala mu kwoloka, mukakala mwamuvwa, co naumo wai akamizivisa lyova.

Njelemiya 49:39

Oloni kulutwe njikavezikisa lalo vanu va Elame. Yange Kalunga, njinendekamo.”

Njelemiya 49:6

“Oloni kulutwe njikavezikisa lalo Amoni. Yange Kalunga, njinendekamo.”

Ezekiyele 36:11

Njikawezelela ku vanu na ku vingombe. Co mukatuma manene kutuvakana mumwapwile akulivanga, co mukakala na vana vavangi. Njikamitava kuyoyela kuje ngwe muje mumwayoyele laja, co njikamitumisa nakukala mu kwoloka kutuvakana akulivanga. Asinoni mukazivuka ngeci yange njapwa Kalunga.

Amose 9:14

Njikelwisa vanu vange ku lifuti lyavo. Vakatungulula vinganda vyavo vije vyasiwukile, co vakakalamo, vakakuna vitungu vya mikolovozi ya vushuka vwa vinyu, nakunwa vinyu, vakalima vitungu nakulya vije vanalimimo.

Zakaliya 1:12

Asinoni uje kangelo wendekele ngwendi, “Shukulu Kalunga Muka-nzili yoshe, yove unaluvala na Yelusalema na vinganda vya Yunda a myaka makumi atanu na avali. Simbu ikoni ukavazivila mema ku mbunge?”

Zakaliya 1:16

Ngecivene, njineluka lalo ku Yelusalema mukuzivila mema ku mbunge nganda eyi. Co vakatungulula Njuvo yange, nakutungulula lalo nganda.”

Zakaliya 12:6

“A simbu ije vikota vya Yunda njikavapwisa ngwe tuhya twa mu shwata nambe ngwe tuhya twa mu lihya lya vimbuto vyakuhya, vakanyongesa miyati yoshe ya vanu vaje vanalyata navo. Co vanu va mu Yelusalema vakakala mu kwoloka mu nganda.

Zakaliya 12:7

“Yange Kalunga, njikahyanesa mbunga ya mashwalale va mu Yunda akulivanga, ngeci kasingimiko ka vatekulwila va Ndaviti na kasingimiko ka vanu va mu Yelusalema kesi kakatuvakane ka vanu va mu Yunda.

Zakaliya 14:10

Lifuti lyoshe, kutunda ku Ngemba ku kunto nakweta ku Limone mu mbwela, likanyekumuka. Yelusalema ikakala a mwela wayo akulunduka, co nganda ikatunda ku Cikolo ca Mbenjemani nakweta ku Cikolo ca mu Mbango, kuje kwakele cikolo calaja, kutunda ku Kaposhi ka Hananele, nakweta ku cikamwino ca vinyu.