Njelemiya 30:17 - Livulu lya Shukulu Kalunga

¹⁷ Mukapwa vakangule, njikakangwisa vimbandu vyeni, nameme vitozi veni vendeka ngwavo, ‘Siyone vanayumbila, naumo wai aishaka.’ Yange Kalunga, njinendekamo.”

Njelemiya 30:17 Iomraidhean Croise

Yombi 5:18

Omo Njambi akutwa mbandu, co azengao, nambe akupupa na mavoko endi, anga vene mavoko endi akukangwisa.

Myaso 103:3

Ikeye muka-kunjisambesa ku vivi vyange vyoshe, nakukangwisa mishongo yange yoshe.

Myaso 107:20

Wavakangwisile na lijwi lyendi lya nzili, nakuvamena kukunyonga.

Myaso 12:5

Shukulu Kalunga alinakwendeka ngwendi, “Oloni ololo njilinakwija, omwo tuutu valinakuvayandesa, na vaka-kuyanda valinakulinyenga omwo tuyando. Njikavanyunga ku tuyando twavo.”

Myaso 142:4

Njikenga ku livoko lyange lya cilyo nakumona, oloni naumo wai asa kunjikwasa, naumo wai asa kunjinyunga, naumo wai asa kunyunga mwonyo wange.

Myaso 23:3

Anjana mwonyo wauha. Anjitwamena mu vingila vyakushungama, omwo ya lizina lyendi.

Kutuuka 15:26

wendekele ngwendi, “Nga munjononoka nakulinga mwamuvwa ku mesho ange, nakunyunga mashiko na vizilika vyange, co kunjikamihisa na mishongo ngwe ije njahisile nayo vaka-Ingito, omwo yange njapwa Kalunga, uje muka-kumikangwisa.”

Isaya 11:12

Shukulu Kalunga akanena cimweso ku miyati, co akakungulwila lalo amo vanu va Isalele na vanu va Yunda vaje valishandokelele mu vimbango viwana vya ano asi.

Isaya 30:26

Ngonde ikatwa ceke ngwe litangwa, co ceke ca litangwa cikatuvakana kuvyazima visimbu vitanu na vivali ngwe ceke ca matangwa atanu na avali ku litangwa olyo omo Shukulu Kalunga akakuta vimbandu vya vanu vendi, nakukangwisa mikiki ije yavapupile.

Isaya 33:24

Naumo wai lalo uje akayoyela mu lifuti lyetu akalinyenga a kuvinja, co vuvi vwoshe vakavusambesa.

Isaya 54:6

Isalele, yove unapu ngwe mumbanda uje yanaseza munalume wendi, co ali mu vusiwa vwakama. Oloni Shukulu Kalunga akusana wiluke kuli ikeye, alinakwendeka ngwendi,

Isaya 56:8

Shukulu Kalunga wa Akamwa ya Vyoshe uje wanenele vanu vendi vaIsalele kwimbo kuvatundisa ku vunzinda, nakulaesa ngeci akanena veka lalo vakulipandakane navo.

Isaya 57:18

“Njamwene muvalingile, oloni njikavakangwisa, co njikavatwamenena nakuvakwasa, njikazembeleka vaje valinakulila.

Isaya 57:19

Njikana kwoloka kuli voshe vaje vali muyehi na vaje vali kulyala! Njikakangwisa vanu vange.

Isaya 58:8

“Asinoni ceke cange cikamitwila ngwe litangwa omo lituuka ku mutondo, co mukakanguka vwasi. Simbu yoshe njikakala neni nakumyamena, co vumpau vwange vukaminyunga ku mitambela yoshe.

Isaya 60:15

“Nameme vakwivalele nakukuzinda, njikakupwisa nganda yakama yaivwa, mutambela wa kulyalesa nawo ku myaka yoshe.

Njelemiya 10:20

Vimbalaka vyetu vinaviya, mikole ije yavikwatesele yavatozoka, vana vetu voshe vanatsi, naumo wai nasalao ashimbike lalo vimbalaka vyetu, co naumo wai akashukazekako mavamba ku vimbalaka vyavo.”

Njelemiya 17:14

Shukulu Kalunga njikangwise, co njikapwa mukangule, njamene, co njikovoka, omwo njikakushangazala!

Njelemiya 3:22

Ilukeni, yeni voshe munatundu kuli Shukulu Kalunga, co ikeye akamikangwisa nakumipwisa vanu vaka-kulongwa. Mulinakwendeka ngweni, “Eyo, twiluka kuli Shukulu Kalunga, omwo wapwa Njambi yetu.

Njelemiya 30:13

Kukwesi umo wakuminyunga, kukwesi vyemba vyakwaka a vimbandu vyeni, kukwesi cinyangavili cakumikangwisa.

Njelemiya 33:24

“Wazivuka ngeci vanu valinakwendeka ngwavo yange njinavyana Isalele na Yunda, vinaanga vivali vije njaangwile? Co valinakukenga vanu vange na kayengu, nakuvayongola ngwe kesi muyati.

Njelemiya 33:6

Oloni njikakangwisa nganda eyi na vanu vamwo nakuvana ciindu. Njikavamwesa kwoloka kwakushemutuka na vuvwa.

Njelemiya 8:22

Nga mu Ngilyande mwakele vyemba, nambe nga mwakele vimbanda, omwo vikajo vanu vange kuvakangukile?

Mbimbi 2:15

Vanu vaita mu nganda vakushendumuna omo vakukenga. Valipika ku mitwe yavo nakujola akuviya kwa Yelusalema ngwavo, “Eyi ikeyo vene nganda ije yaivwa? Nganda yakujolela ano a kaye oshe?”

Ezekiyele 34:16

“Njikashakezeka vaje vanazimbala nakwilwisa vaje valinakuyevangela mwangoco, co njikakuta vaje vanavetwa, nakukangwisa vaje valinakuvinja, oloni vaje vakununa vali na nzili njikavanyongesa, omwo yange njapwa kanyungi uje akalingi vya vushunga.

Ezekiyele 35:12

Asinoni ukazivuka ngeci yange Kalunga, njakuzivile ulinakwendeka na kashaundu ngeci minkinda ya Isalele yapwile vingundu vyangoco, co yapwile yove ngeci uyinyongese.

Ezekiyele 36:20

Co kwoshe kuje kuvaile, vashawisile lizina lyange lyakujela, omwo vanu vakele nakwendeka ngwavo, ‘Ava vakevo vanu va Shukulu Kalunga, oloni vasezele lifuti lije lyavanene.’

Hoziya 11:3

Oloni njalongesele Isalele kwenda. Njambatele vanu vange mu mavoko ange, oloni kuvasele kunanguka ngeci yange njavalelele embwe.

Hoziya 6:1

Vanu vendeka ngwavo, “Ijeni twiluke kuli Shukulu Kalunga. Nameme natusanyozola vipuka-vipuka, oloni akatukangwisa lalo, nameme natutu vimbandu, oloni akatuzengao vinanga.

Malakiya 4:2

Oloni kuli yeni munjononoka, nzili yakwamena kwange ikakala ali yeni ngwe litangwa, co ikanena vukangwisi ngwe misha ya litangwa. Co mukapwa vaka-kupatuka nakuvwaelela ngwe vana va vingombe vatuuka mu licakana.

1 Petulu 2:24

Kilistu vavenya wambatele vuvi vwetu mu muvila wendi a cilindakano, ngeci tutse ku vuvi, co tukayoyele ku vushunga. A viveve vyendi akeo munawana kukanguka.

Kujombolola 22:2

co yetile mukati ka tapalo ya mu nganda. Ku ngenge na ngenge ya ndonga kwakele muti wa mwonyo, uje wakele nakwima vushuka visimbu likumi na vivali a mwaka, lumo a ngonde na ngonde, co maputa awo apwile vumbanda vwakukangwisa miyati ya vanu.