Njelemiya 30:14 - Livulu lya Shukulu Kalunga

¹⁴ Vaje vamizemene voshe vanamivala, kuvesi nakumyumba lalo mbunge. Njinamilwisa ngwe citozi, cihiso ceni cinapu cacikalu, omwo vivi vyeni vinapu vyavingi na kupenga-penga kweni kunapu kwakama manene.

Njelemiya 30:14 Iomraidhean Croise

Yombi 16:9

Co mu vukalu Njambi nanjitavozola cilyo na cilyo, nanjiyungumwina mesho nakunjizinda.

Yombi 19:11

Njambi naluvala nakunjilwisa, alinakunjipangesa manene ngwe nji citozi cendi.

Yombi 30:21

Yove unemuka kupwa muka-muuka, co ulinakunjiyandesa na nzili yove yoshe.

Myaso 107:17

Vamo vapwile vilema omwo vivi vyavo,

Isaya 57:13

Omo mutambeka ngeci vamikwase, eceleni tumponya tweni tumyamene! Lihunzi likavapekumuna! Oloni vaje vakulaela muli yange vakayoya mu lifuti, co vakanjilemesa mu Njuvo yange.”

Njelemiya 14:17

Shukulu Kalunga wanjishikile ngeci njileke vanu ngwange Shukulu Kalunga nendeka ngwendi, “Mesho ange alinakuyengela misozi mutanya na vutsiki, kunjilikele kulila, omwo vanu vange vanavetwa manene, co vanavulumuka mwamuvi.

Njelemiya 2:36

Omwo vikajo mulinakutengulwila vingila vyeni akukavangeya vinjambi va miyati yeka? Vaka-Ingito vakamizivisa shwamwa, ngwe muvamizivisile shwamwa vaka-Asilya.

Njelemiya 22:20

Vanu va mu Yelusalema, yeni ku Lembanone nakutambeka, yeni ku lifuti lya Mbashane nakutambeka, tambekeni oku muli a minkinda ya Mowavi, omwo vasamba veni voshe vaka-kumikwasa kulwa nzita vanavafungulula.

Njelemiya 22:22

Vantwama veni vakavapekumuna na lihunzi, vasamba veni vaka-kumikwasa kulwa vakavatwala ku vunzinda, nganda yeni vanaiyeluwisa nakuyizivisa shwamwa, omwo vuvi vwoshe vuje vumunalingi.

Njelemiya 30:15

Kesi mulinyenge omwo munavetwa, vimbandu vyeni wai asa kuvisaka, njaminyanyamesa ngacije omwo vivi vyeni vinapu vyavingi manene na kupenga-penga kweni kunapu kwakama manene.

Njelemiya 32:29

nakuyenyeka. Vakayenyeka nakuyizilisa yoshe njwa, amolika na vinjuvo, kuje kuvanjiluvalesele vanu akwenyeka insense kuli Mbale a milili ya vinjuvo vyavo vya akamwa ya viluli vyakusivama, nakwitila vin̄ombelo vya vinyu kuli vinjambi veka.

Njelemiya 32:30

Kutunda kukushangumuka kwa vin̄anda vyavo, vanu va mu Isalele na vanu va mu Yunda vanalingi vuvi, co vananjiluvalesa.

Njelemiya 32:34

Vanaaka tumponya tuje tunjazinda mu Njuvo yange, mwela uje njatumbwile ngwange mukemwo vakanjilemesela, co vanaijwalesa.

Njelemiya 32:35

Vanatungu mitula ya Mbale mu Cana ca Hinome, mukukombelela vana vavo va vanalume, na ava va vanakazi kuli njambi Moleki. Kunjavashikile kulinga evi embwe, kuvyakovelele mu mbunge yange, ngeci valinge cuma ca cifwa cangacije nakulingisa vanu va mu Yunda vuvi.”

Njelemiya 38:22

Mu cimona eci, njinamwene vanakazi voshe vaje vasalele mu lipela lya vumwene vwa Yunda, valinakuvatwala kuli vamyata va mwene wa Mbambilone. Omo vaile vakele nakwendeka ngwavo, ‘Vasamba va mwene va a mbunge vaje vakulaelele vanamukwisa nakumufungulula. Ololo myanja yendi omo inakovela mu mandova, vanamuseze endi lika.’ ”

Njelemiya 4:30

Yelusalema, unanyongo! Omwo vikajo uzalela vyakuvenga? Omwo vikajo uzalela vya senga nakukwita mufwitilo ku mesho ove? Ulisina ngoco kulivwaesa! Vaka-cizemo cove vanakuvyana, vashaka kukutsiya.

Njelemiya 44:22

Ku litangwa lya lelo vene, lifuti lyeni linapu vingundu, naumo wai alimo. Linapu lya vunyengwe, vanu vapangesa lizina lyamwo kupwa cisingo, omwo Shukulu Kalunga kasimpile a vilinga vyeni vya vuvi.

Njelemiya 5:5

Njikaya kuli vaka-kushwana nakukendeka navo. Mwa vushunga vazivuka vije vyashaka Shukulu Kalunga Njambi yavo ngeci vavilinge.”

Njelemiya 5:6

Vanu vanatengulukila Njambi visimbu vyavingi, omwo vuvi vwavo vwavungi manene. Ngecivene, vitozi vakavalwisa ngwe vindumba nambe ngwe tungunga va mu mambo, vaje vitozi vakavandamena mu vinganda vya Yunda ngwe viingwe nakusanyozola sanyu-sanyu munu woshe akatuuka anja.

Njelemiya 50:42

Vanambata mata avo a lusipa na mikwale yavo, vanu vakukaluka mema ku mbunge. Omo valonda a tuvalu twavo, co vimbemba vya tuvalu twavo vicuma ngwe mema a kalunga. Valivwaesela cimweja kulwa nzita, kulwisa yeni vanu va Mbambilone.

Njelemiya 6:23

Mashwalale vavo va muuka vakujeneka mema ku mbunge vanambata mata avo a lusipa na mikwale yavo, muyoyo wa tuvalu twavo omo vashatuka unalifu ngwe kungwanjanga kwa mema a kalunga, vanalivwaesela cimweja kulwisa Yelusalema.”

Mbimbi 1:19

“Njasanene vasamba vange, oloni vavyanene kunjikwasa. Vaka-kukombelela amo na vantwama vatsililile mu vitapalo vya mu nganda, mukushakezeka vyakulya ngeci vivayoyese.

Mbimbi 1:2

Vutsiki vwoshe alinakulila, co misozi yendi ilinakwolomokela ku vinana vyendi. Vasamba vendi voshe vaje vakele navo, naumo wai aliko ngeci amuzembeleke. Vasamba vendi voshe vanamwende vungungu, ololo voshe vanamutengulukila nakumulwisa.

Mbimbi 2:1

Shukulu Kalunga mu vukalu vwendi, nafwiki Siyone na lisusulungu. Nawisila asi vuvwa vwa Isalele nakuvupwisa vwangoco. A litangwa lya vukalu vwendi Shukulu Kalunga wasezele nameme vene Njuvo yendi.

Ezekiyele 23:22

“Ngecivene, Oholimba, evi vikevyo vinjendeka kuli yove yange Kalunga wa Akamwa ya Vyoshe. Unenukwa vikwizi vove, oloni yange njikavalingisa ngeci valuvale nove nakuvanena ngeci vakuzengeleke.

Ezekiyele 23:9

Ngecivene, njamukundikile kuli vikwizi vendi va vaAsilya vaje vazemene manene.

Ndanyele 9:11

Isalele yoshe vapokwele mashiko ove nakuvyana kutolilila ku vije viwavalekele. Twalingile vuvi ku mesho ove, ngeci watusingile na cisingo cije civasoneka mu Lishiko lya Mosesa ngamba yove.

Ndanyele 9:13

twatambwile cihiso coshe cije ciwatumbwile mu Lishiko lya Mosesa. Oloni nameme ololo, yove Shukulu Kalunga Njambi yetu, kutwakuvwaelesele akutunda ku vuvi vwetu nambe akukavangeya vushunga vwove.

Ndanyele 9:5

“Tunalingi vuvi, co tunaviisa, tunalingi vya kupenga-penga. Tunavyana viwatushikile ngeci tuvilinge, co tunatundu ku vije viwatumwesele ngeci vinapu vya vushunga.

Hoziya 2:5

Omwo Ngomele wendekele ngwendi, “Njikakava vaka-cizemo cange vakanjana vyakulya na mema, na vyakuzala vya maka a vimanga na nanga ya linyu, na mazi a olive, na vinyu.”

Hoziya 5:14

Njikalwisa vanu va mu Isalele na vanu va mu Yunda ngwe ndumba. Co njikavasanyozola vipuka-vipuka nakuvaseza. Omo njikavakokangeya nakuvatwala, naumo wai akasa kuvamena.

Ovandiya 1:7

Vanu vaje mwalizivasanene navo, vanamisheke mu lifuti lyeni. Vanu vaje vakele mu kwoloka neni, ololo vanamifungulula. Vasamba veni va a mbunge vanamitela mweto, co vendeka ali yeni ngwavo, ‘Kuje kunyanyama kwavo vakelenakwo kuli kulijo?’