Njelemiya 30:11 - Livulu lya Shukulu Kalunga

¹¹ Yange njili amo neni nakumyamena. Njikanyongesa miyati ya vanu voshe, kuje kunjamishandwelelele, oloni kunjikaminyongesa, kunjikamyecelela ngoco kuminyanyamesa, oloni omo njiminyanyamesa, co njikamizivila mema ku mbunge. Yange Kalunga, njinendekamo.”

Njelemiya 30:11 Iomraidhean Croise

2 Samwele 24:12

‘Shukulu Kalunga nendeka ngwendi akwana vyuma vitatu angulao cimo ngeci njicilinge kuli yove.’ ”

Myaso 6:1

Shukulu Kalunga, kesi unjipaye nambe kunjihisa omo uluvala!

Kutuuka 34:7

Yange njimwesa cizemo cije kucesi kutenguluka ku makulukazi a vanu, nakuvasambesa ku milonga yavo na ku kupenga-penga kwavo, na ku vuvi vwavo. Oloni kunjikajuka kunyanyamesa vana na vatekulu ku cisemwa camucitatu neci camuciwana a vuvi vwa visemi vavo.”

Isaya 43:25

Nameme ngoco, yange njapwa Njambi uje muka-kumisambesa ku vuvi vweni omwo lizina lyange, co kunjikanuka lalo vuvi vweni vuje vumunalingi.

Isaya 8:10

Tumbeni matumbe eni! Oloni akapwa angoco. Endekeni vyoshe vimushaka! Oloni vyoshe vikapwa vyangoco, omwo Njambi ali amo netu.

Njelemiya 1:19

Vakevo vakakulwisa, oloni kuvakakufungulula, omwo yange njikakala nove nakukunyunga. Yange Kalunga, njinendekamo.”

Njelemiya 1:8

Kesi uvazivile lyova embwe, omwo yange njikakala nove nakukunyunga. Yange Kalunga, njinendekamo!”

Njelemiya 10:24

Njilongese yove Shukulu Kalunga oloni kesi na vukalu vwove embwe, kutewa njikanyonga.

Njelemiya 15:20

Njikakupwisa ngwe cimpaka cakukola manene ca vunengu kuli vanu ava. Vakevo vakakulwisa, oloni kuvakakufungulula embwe. Yange njikakala amo nove nakukunyunga mwamuvwa.

Njelemiya 4:27

(Shukulu Kalunga nendeka ngwendi kaye koshe kakapwa mambo, oloni kukakanyongo embwe.)

Njelemiya 5:10

Njikatuma vitozi vakashinja vitungu vya mikolovozi ya vushuka vwa vinyu ya vanu vange, oloni kuvakainyongesa yoshe, njikavaleka ngeci vajokoleko minango, omwo kesi vanu vange embwe.

Njelemiya 5:18

Shukulu Kalunga alinakwendeka ngwendi, “Nameme ngoco, a matangwa aje kunjikanyongeselela muyati wa vanu vange embwe.

Mbimbi 3:22

Cizemo ca Shukulu Kalunga cije kucesi kutenguluka na mema ku mbunge yendi, kuvyesi kuhwa embwe,

Ezekiyele 11:13

Omo njambulwile vuka-kwimanena, Pelatiya muna Mbenaya watsile. Co vwasi-vwasi njakulamene asi nakutambeka ngwange, “Embwe, Shukulu Kalunga wa Akamwa ya Vyoshe! Kuma ukanyongesa vanu voshe vaje vanasalao mu Isalele ndi?”

Ezekiyele 6:8

“Oloni njikecela vamo vakayoye, co njikavashandwela akati ka miyati,

Hoziya 11:9

Kunjikaminyanyamesa akuluvala kwange embwe, kunjikasa kunyongesa Isalele lalo embwe. Omwo yange Njapwa nji Njambi, kesi ngwe nji munu embwe. Yange, Njapwa Wakujela njili amo neni. Co kunjikaija lalo kuli yeni mukuluvala embwe.

VaLevi 26:44

Oloni nameme ngoco, omo vacili mu lifuti lya vitozi vavo, kunjikavombila kuti embwe, nambe kuvanyongeselela. Kunjikapokola cikumiiyo cange navo, omwo yange njapwa Kalunga Njambi yavo.

Mateo 1:23

“Kengeni, mumbanda uje kanda alimone na munalume akakala na kafumba, co akakita mwana wa munalume, vakamutumbula Manuwele” (kulumbununa ngwavo, “Njambi ali netu”).

Mateo 28:20

Co valongeseni kwononoka vyuma vyoshe vije vinjamishiki. Co anukeni ngweni njikakala neni matangwa oshe noo akukotoka kwa kaye.”

Vilinga vya Miluwa 18:10

omwo njili amo nove. Co naumo wai asa kukuvulumuna, omwo vanu njili na vavangi mu nganda eyi.”

Kwituluka mu Mashiko 4:31

Omwo Shukulu Kalunga Njambi yeni ikeye Njambi wa mema ku mbunge. Co ikeye kakamiseze nambe kuminyongesa embwe, nambe kwivala cikumiiyo cije walikumiiye na vakukulwila veni.

2 Timateo 4:22

Mwene akale amo na munzinzime wove. Kutetela kwa Njambi kukale amo neni voshe.