Njelemiya 30:10 - Livulu lya Shukulu Kalunga

¹⁰ Yeni vanu vange, kesi muzive lyova, yeni vanu va Isalele kesi mujaje embwe. Njikamyovola ku lifuti lije lya kulyala, ku lifuti lije ku muli mu vunzinda. Mukeluka kwimbo, co mukayoya mu kwoloka, mukakala mwamuvwa, naumo wai akamizivisa lyova.

Njelemiya 30:10 Iomraidhean Croise

Kushangumuka 15:1

Munima yevi, Shukulu Kalunga wendekele kuli Avilama mu cimona ngwendi, “Kesi uzive lyova Avilama. Yange nji ntelo yove yakukuzikinina ku vushonde, co cikandelela cove cikapwa cakama manene.”

Isaya 14:3

Shukulu Kalunga akahwimisa vanu va Isalele kukukemanga kwavo, na ku tuyando twavo, na ku vipangi vyakukaluwa vije vivavasindiiye kupanga.

Isaya 35:9

Vindumba kuvakakalamo embwe, nambe tusitu vakutewesa kuvaketimo. Kuvanga lika vaje vanapatula Shukulu Kalunga vakevo lika vakenda mu ngila ije.

Isaya 43:5

Kesi muzive lyova, njili amo neni! “Njikatundisa vanu vove vaje vali mu ngangela na mu kangombe ka yambi, nakuvelwisila kwimbo lyavo.

Isaya 44:1

Shukulu Kalunga alinakwendeka ngwendi, “Tolilila ololo Isalele, ngamba yange, vanu vange vakwangula, vatekulwila va Yakomba.

Isaya 44:2

Yange Kalunga uje wamitangele, tunde a simbu ije mwasemukile, njinamikwasa. Kesi uzive lyova, yove unapu ngamba yange, vanu vange vakwangula vaje vanjazema.

Isaya 46:11

Njinasana munu kutunda mu ngangela, akukukwavula ngwe kambembe, co akamanesa vije vinjayongwele. Njinendeka, co vikalingiwa.

Isaya 46:13

Litangwa lyakumyamena lili muyehi, kulyesi kulyala embwe. Kwamena kwange kucikeshwala embwe. Njikaamena Yelusalema, nakunena kasingimiko ku Isalele.’ ”

Isaya 49:12

Vanu vange vakatunda kulyala, vakatunda ku kunto na mu kangombe ka yambi, na ku Aswane mu mbwela.”

Isaya 49:25

Shukulu Kalunga akumbulula ngwendi, “Eci cikeco cikasholoka. Vanu va nzili vakavanyeka vinzinda vavo, na vufuko vwa munu wa muuka vakavwambata. Njikalwisa woshe uje akakulwisa, co njikapatula vana vove.

Isaya 54:4

Kesi uzive lyova, nambe kuziva shwamwa, kuukashauka lalo embwe. Ukevala kujeneka kulongwa kwove a simbu ya vwanike vwove, kesi uzive shwamwa akupwa ufwile.

Njelemiya 23:3

Njikatundisa vanu vange vaje vanasalao ku mafuti kuje kunjavashandwelelele, co njikavelwisa mu lifuti lyavo. Vakakala na vana vavangi, co vakatuma manene.

Njelemiya 23:4

Njikemika vaka-kushwana ngeci vavanyunge. Vanu vange kuvakazivi lalo lyova nambe kutewa, co naumo wai akazimbalao lalo. Yange Kalunga, njinendekamo.”

Njelemiya 23:6

Omo akapwa mwene, vanu va mu Yunda vakakala mwamuvwa, na vanu va mu Isalele vakayoya mu kwoloka. Vakamutumbula ngwavo, ‘Shukulu Kalunga Kwamena Kwetu.’ ”

Njelemiya 23:8

Oloni vakalisinga a lizina lyange kupwa Njambi wakuyoya uje watundisile vanu va Isalele ku lifuti lya ku kunto na ku mafuti oshe eka lalo kuje kunjavashandwelelele. Asinoni vakakala mu lifuti lyavo.”

Njelemiya 29:11

Yange lika njazivuka matumbe njilinawo ali yeni, matumbe akuminenela vivezikiso, kesi akuminenela tuyando twakama embwe, matumbe akuyoya kulutwe vuje vunashulu na cinyangavili.

Njelemiya 29:14

Eyo, njendeka ngwange, mukanjiwana, co njikamiilwisila mu lifuti lyeni lalo. Njikamikungulula kutunda mu mafuti oshe, nakutunda mu mitambela yoshe muje munjamishandwelele, co njikamiilwisa nakuminena mu lifuti muje mumwatundile, omo njamitwalele mu vunzinda. Yange Kalunga, njinendekamo.’

Njelemiya 3:18

Isalele akalipandakana na Yunda, co voshe vakatunda mu vunzinda mu lifuti lya ku kunto, co vakeluka ku lifuti lije linjanene vakukulwila veni kupwa vufuko vwa ku myaka yoshe.”

Njelemiya 30:3

omwo simbu ilinakwija omo njikelwisa vanu vange, Isalele na Yunda. Njikavelwisila ku lifuti lije njaanene vakukulwila vavo, co likapwa lyavo lalo. Yange Kalunga, njinendekamo.”

Njelemiya 30:7

Litangwa lyalikalu lilinakwija, kukwesi lalo litangwa lyeka lyakulifwa nalyo, ikapwa simbu yaikalu kuli vanu vange, oloni vakovoka.”

Njelemiya 33:16

Vanu va mu Yunda na vanu va mu Yelusalema vakapatuka nakuyoya mwamuvwa. Co nganda ya Yelusalema vakaitumbula ‘Shukulu Kalunga Ikeye Kwamena Kwetu.’

Ezekiyele 16:52

Ngecivene, ololo, yove ukakala na shwamwa omwo wavangelele vandokazi vove. Vuvi vwove vwapwile vwa vunyengwe manene kutuvakana vuvi vwavo. Vakevo vanasholoka kupwa vakulongwa kutuvakana yove. Ngecivene, ukaziva shwamwa nakushauka omwo wapwisile vandokazi vove kupwa va kulongwa.”

Ezekiyele 38:11

Ukayongola kukovelela lifuti lije lyakuzeya muje vanu vamwo vakala mu kwoloka, mu vinganda kuvyesi na vivumbe vyakuvavingilikiya.

Ndanyele 12:1

Kangelo uje wazalele vuzalo vwa linyu wendekele ngwendi, “A simbu ije kangelo Mingeli, uje muka-kunyunga vanu vove akasholoka. Asinoni kukakala simbu ya tuyando, tuyando twakama manene tuje kutwakeleko tunde aje vatangelele kaye. Omo simbu ije iketa, vanu voshe va ku muyati wove vaje mazina avo vanawasoneka mu livulu lya Njambi vakovoka.

Hoziya 2:18

Co a simbu ije njikalikumiiya cikumiiyo na tusitu voshe va mu shwata na tuzila, ngeci kesi vakavulumune vanu vange. Njikatundisa lalo vitwa vyoshe vya nzita mu lifuti, mikwale yoshe na mata a lusipa oshe, co njikatava vanu vange ngeci vayoye mu kwoloka na mukujeneka vushonde.

Hoziya 2:20

Njikanyunga cikulaeso cange nakukupwisa u wange wa cikongo ca mbunge, co ukazivuka ngeci yange nji Kalunga.

Hoziya 6:11

“Co ngeci mweni vanu va mu Yunda, njinemika simbu yakuminyanyamesa neni lalo a vije vimulinakulinga.

Njwele 2:21

“Eni mahya, kesi muzive lyova embwe, oloni joleleni nakuvwaelela omwo vyoshe vije vyanamilingila Shukulu Kalunga.

Mika 4:9

Omwo vikajo ulinakulilila nakutendeka? Omwo vikajo ulinakuyandela ngwe munakazi ali a funga? Omwo kuwesi na mwene, co lalo na vaka-kunangula vove vanatsi ndi?

Zakaliya 3:10

Omo litangwa lije likaija, umo na umo akalanya mukwavo kwija mukulivwaelelesa nakukala mu kwoloka nakulinyunga, vitungu vya mikolovozi ya vushuka vwa vinyu, na miti ya mikuyu ikamizengeleka.’ ”

Yowano 12:15

“Kesi uzive lyova, nganda ya Siyone! Kenga, mwene yove alinakwija, nalondo a muna cimulu.”